ກົກກ້າງປາ
ຊື່ວິທະຍາສາດ: Phyllanthus reticulatus Poir.
ຖ້າເວົ້າເຖິງ ກົກກ້າງປາ ແລ້ວປະຊາຊົນລຸ້ນເກົ່າແກ່ ອາວຸໂສຈະຮູ້ກັນໝົດ ແຕ່ມາຮອດລຸ້ນນ້ອຍເຍົາວະຊົນແມ່ນບໍ່ຢາກ ຮູ້ປານໃດ ຕົ້ນກ້າງປາ ເປັນຕົ້ນໄມ້ນ້ອຍ ສູງ 3-5 ແມັດ ມີຫງ່າແຂງ ແລະ ການແຕກຫງ່າຄ້າຍຄື ກ້າງປາ ສະ ນັ້ນເພິ່ນຈຶ່ງຮ້ອງວ່າ ກົກກ້າງປາ, ມີໝາກນ້ອຍມົນ ສີຂຽວ ເວລາສຸກສີຂາວ ອອກຫຼາຍຕາມຫງ່າສະນັ້ນໃນລະດູ ການ ອອກໝາກ ເວລາເບິ່ງຕົ້ນກ້າງປາ ຈະງາມມີສີຂຽວຂອງໃບສະຫຼັບກັບສີຂາວຂອງໝາກ, ຕົ້ນກ້າງປາມັກ
ເກີດ ຕາມດິນຊຸ່ມແຄມທົ່ງນາ ແລະ ແຄມນໍ້າ. ຕົ້ນກ້າງປາເປັນພືດເປັນຢາ ທີ່ສາມາດໃຊ້ໄດ້ໝົດທຸກພາກສ່ວນເຊັ່ນ: ຮາກ, ລຳ ແລະ ໃບ. ສວນໝາກ ແມ່ນປະຊາຊົນ ຫຼື ເດັກນ້ອຍທີ່ຢູ່ຊົນນະບົດເວລາຢ່າງໄປໄຮ່ໄປນາເກັບກິນຫລິ້ນ ຈະມີລົດຫວານຈືດ. ການໃຊ້ເປັນຢາຂອງປະຊາຊົນ ຫຼື ໝໍຢາ ແມ່ນໝົດ ຕົ້ນມາຕົ້ມນຳ້ ອາບ ແລະ ແຊ່ ໃຊ ປົວ ໄຂ້ອອກ ໝາກສຸກໝາກໄສ. ນອກຈາກນັ້ນ ຮາກກົກກ້າງປາ ຍັງເປັນຢາເຢັນລົດໄຂ້ຮ້ອນ ໂດຍນຳເອົາຮາກ
ກ້າງປາພໍປະມານ ລ້າງນ້ຳສະອາດ ທຸບໃຫ້ແຕກນຳໄປຕົ້ມນ້ຳດື່ມ ຫຼື ອາດຈະແຊ່ດື່ມ ກໍໄດ້.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ