ວັດສະດຸອື່ນກໍ່ສາມາດເອົາມາໃສ່ດິນເພື່ອປັງປຸງຄ່າກົດດ່າງ (pH) ຂອງດິນໄດ້ ແລະ ມັນກໍ່ເພີ່ມທາດບຳລຸງລ້ຽງໃຫ້ກັບດິນ. ຫີນປູນ, ຂີ້ເຖົ່າ, ກະດູກສັດບົດ ແລະ ເປືອກຫອຍທະເລສາມາດລົດຄວາມເປັນກົດຂອງດິນໄດ້. ກະດູກສັດບົດຊ່ວຍເພີ່ມທາດໂຟສະຟາດໃຫ້ກັບດິນ ແລະ ຂີ້ເຖົ່າຊ່ວຍເພີ່ມທາດໂປຕັດຊຽມ. ໃບໄມ້ແຫ້ງ ແລະ ໃບຕົ້ນສົນເຮັດໃຫ້ດິນເປັນກົດຫຼາຍຂຶ້ນ. ອ້ອຍທີ່ປະໃຫ້ຍ່ອຍສະຫຼາຍເປັນເວລາຢ່າງໜ້ອຍ 1 ປີ ແລະ ເປືອກໝາກກາເຟທີ່ບົດ ແລະ ຕາກແຫ້ງແມ່ນເພີ່ມທາດບຳລຸງລ້ຽງໃຫ້ກັບດິນ, ປ່ຽນສະພາບຂອງສິ່ງເສດເຫຼືອຂອງພືດທັນຍາຫານມາເປັນຝຸ່ນ.
ການປັບປຸງດິນດ້ວຍຝຸ່ນຊີວະພາບຊ່ວຍໃຫ້ຄວບຄຸມຫຍ້າໄດ້
ທຸກວິທີການປັບປຸງດິນດ້ວຍຝຸ່ນຊີວະພາບ ເຊັ່ນ: ຝຸ່ນສັດ,ຝຸ່ນໝັກ ແລະ ການໃຊ້ສິ່ງປົກໜ້າດິນ, ລ້ວນແລ້ວແຕ່ສາ
ມາດຄວບຄຸມຫຍ້າໄດ້. ເມື່ອດິນອຸດົມສົມບູນດີແລ້ວ ຫຍ້າໜ້ອຍໜຶ່ງແມ່ນບໍ່ສາມາດມີຜົນກະທົບຫຍັງຕໍ່ກັບການ
ຜະລິດພືດຜັກໄດ້. ການປ່ອຍໃຫ້ສັດເຂົ້າໄປກິນຫຍ້າ ຫຼືການປູກພືດຜັກຕ່າງໆຖີ່ກັນກໍ່ສາມາດຄວບຄຸມຫຍ້າໄດ້ເຊັ່ນກັນ. ເພາະວ່າການປູກຖີ່ກັນນີ້ບໍ່ໄດ້ຈົ່ງບ່ອນຫວ່າງພຽງພໍໃຫ້ຫຍ້າເກີດໄດ້. ພືດພັນທັນຍາຫານປະຈຳທ້ອງຖິ່ນກໍ່ມັກຈະທົນທານຕໍ່ກັບຫຍ້າຕ່າງໆໃນທ້ອງຖິ່ນນັ້ນໄດ້ເຊັ່ນກັນ ນັ້ນກໍ່ເນື່ອງຈາກວ່າພືດພັນທັນຍາຫານໃນທ້ອງຖິ່ນນັ້ນໄດ້ປັບຕົວຜ່ານມາໄດ້ຫຼາຍໆປີແລ້ວ ເພື່ອໃຫ້ເຂົ້າກັບສະພາບດິນຟ້າອາ ກາດ ແລະ ທົນທານຕໍ່ຫຍ້າ ແລະ ສັດຕູພືດໃນທ້ອງຖິ່ນນັ້ນ ໃນຂະນະທີ່ພືດທັນຍາຫານອື່ນໆທີ່ບໍ່ແມ່ນຂອງທ້ອງຖິ່ນນັ້ນອາດບໍ່ສາມາດຈະຕ້ານທານໄດ້
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ