ພະຍາດຖອກທ້ອງ

ພະຍາດຖອກທ້ອງ
ພະຍາດຖອກທ້ອງອາດມີສາເຫດມາຈາກການຂາດແຂນນໍ້າເພື່ອທໍາຄວາມສະອາດຫຼັງຈາກເຂົ້າຫ້ອງນໍ້າທີ່ບໍ່ສະອາດ ແລະ ບໍ່ປອດໄພ ແລະ ມີສິ່ງປົນເປື້ອນຢູ່ນໍານໍ້າ ແລະ ອາຫານ.
ອາການ
ອາການຕາມທໍາມະດາຂອງໂລກຖອກທ້ອງແມ່ນການໄປອຸດຈະລະ (ຖ່າຍໜັກ) ເປັນນໍ້າເປັນຈໍານວນຫຼາຍຄັ້ງ. ອາຫານອື່ນໆອີກແມ່ນອາການໄຂ້, ເຈັບຫົວ, ສັ່ນໜາວ, ອາການອ່ອນເພຍ, ເຈັບທ້ອງເຈັບໄສ້, ຮາກ, ທ້ອງເບັງ.

ວິທີການປິ່ວປົວແມ່ນຂື້ນກັບແຕ່ລະຊະນິດຂອງພະຍາດຖອກທ້ອງທີ່ແຕ່ລະຄົນເປັນ:

• ໂລກອະທິວາ: ມີການຖ່າຍເປັນນໍ້າ, ມີອາການເຈັບປວດລໍາໄສ້, ຮາກ.
• ໂລກໄຂ້ຮາກ: ໄຂ້, ມີອາການເຈັບປວດລໍາໄສ້ຢ່າງຮຸນແຮງ, ເຈັບຫົວ, ອຸດຈະລະເປັນ ນໍ້າມູກສີເຫຼືອງ.
• ການຕິດເຊື້ອໃນລໍາໄສ້: ອຸດຈະລະແຫຼວ ມີກິ່ນເໝັນ, ມີອາການເຈັບໄສ້, ມີໄຂ້ໜ້ອຍ ໜຶ່ງ, ຮາກ, ກົດໃນທ້ອງ, ເອື້ອມມີກີ່ນຄືກັບໄຂ່ເໜົ່າ.
• ພະຍາດລໍາໄສ້ອັກເສບທີ່ເກີດຈາກເຊື້ອພະຍາດ: ອຸດຈະລະປະມານ 10 ເຖິງ 20 ຄັ້ງ ຕໍ່ມື້, ໄຂ້, ມີອາການເຈັບປວດລໍາໄສ້.
• ພະຍາດລໍາໄສ້ອັກເສບທີ່ເກີດທີ່ເກີດຈາກອາຫານ ແລະ ນໍ້າມີສິ່ງປົນເປື້ອນ: ຖອກ ທ້ອງ 4 -10 ເທື່ອຕໍ່ມື້ ສ່ວນຫຼາຍເປັນນໍ້າມູກສີຂາວ, ໄຂ້, ມີອາການເຈັບປວດລໍາໄສ້, ແລະ ຖອກທ້ອງຫຼັງຈາກຮັບປະທານອາຫານ.
• ແມ່ທ້ອງໂຕກົມ: ທ້ອງເບັງ, ອາການອ່ອນເພຍ, ແມ່ທ້ອງທີ່ມີສີບົວ ຫຼື ສີຂາວໂຕໃຫຍ່ພໍສົມຄວນອອກມານໍາອຸດຈະລະ ຫຼື ອອກທາງປາກ ແລະ ທາງດັງ.
• ແມ່ທ້ອງປາກຂໍ: ຖອກທ້ອງ, ອາການອ່ອນເພຍ, ໂລກເລືອດຈາງ, ຜິວໜັງສີດ. ເດັກທີ່ມີແມ່ທ້ອງຊະນິດນີ້ແມ່ນຍ້ອນພວກເຂົາກິນເຄື່ອງທີ່ເປີເປື້ອນ.
• ແມ່ທ້ອງແສ້ມ້າ: ຖອກທ້ອງ, ແມ່ທ້ອງທີ່ມີສີບົວ ຫຼື ເທົາ ອອກມານໍາອຸດຈະລະ. ເພື່ອຢາກຮຽນຮູ້ເພີ່ມເຕີມກ່ຽວກັບການປິ່ນປົວພະຍາດຖອກທ້ອງ ແລະ ແມ່ທ້ອງ, ໃຫ້ ໄປອ່ານເພີ່ມ ເຕີມໃນບົດທີ 12 ແລະ 13 ໃນປຶ້ມຢູ່ໄກແພດ.

ວິທີປີ່ນປົວໂລກຖອກທ້ອງ:

             ວິທີການຮັກສາພະຍາດຖອກທ້ອງທີ່ດີທີ່ສຸດແມ່ນການດື່ມນໍ້າ ແລະ ກິນອາຫານໃຫ້ຫຼາຍໆ. ສ່ວນຫຼາຍແມ່ນບໍ່ໄດ້ໃຊ້ຢາຫຍັງ. (ສອບຖາມຂໍ້ມູນເພີ່ມເຕີມນໍາພະນັກງານສາທາລະນະສຸກ ແລະ ເບິ່ງຂໍ້ມູນເພີ່ມເຕີມໄດ້ນໍາປຶ້ມຢູ່ໄກແພດ.)

• ພະຍາດລໍາໄສ້ອັກເສບທີ່ເກີດຈາກອາຫານ ແລະ ນໍ້າມີສິ່ງປົນເປື້ອນ: ສາມາດປິ່ນປົວດ້ວຍຢາ.ເພາະວ່າມັນຈະໃຊ້ເວລາເປັນອາທິດກ່ອນຈະຫາຍຂາດ, ຖ້າປິ່ນປົວບໍ່ໄດ້ອາດຈະເສຍຊິວິດໄດ້.
• ໂລກອະຫິວາ: ປິ່ນປົວໄດ້ໂດຍການດື່ມນໍ້າເກືອແຮ່, ດື່ມນໍ້າຫຼາຍໆ, ມັນສາມາດທົດແທນນໍ້າທີ່ສູນເສຍໄປນໍາການຖອກທ້ອງ ແລະ ຮາກ. ຢາອາດສາມາດປ້ອງກັນການຂະ ຫຍາຍຕົວຂອງໂລກອະຫິວາ.

ຖ້າວ່າຕິດເຊື້ອໂລກອະຫິວາ, ມີອາການຕົວຮ້ອນ ຫຼື ໄຂ້ຫຼາຍ, ພວກເຂົາຕ້ອງໄປຫາ ສຸກສາລາດ່ວນ.