ການເຮັດນໍ້າສະກັດຊີວະພາບ (ປຸ໋ຍນໍ້າຊີວະພາບ)

ການເຮັດນໍ້າສະກັດຊີວະພາບ (ປຸ໋ຍນໍ້າຊີວະພາບ)
ນໍ້າສະກັດຊີວະພາບຄື ປຸ໋ຍນໍ້າທີ່ປຸງແຕ່ງເອງທີ່ບ້ານເພື່ອໃຊ້ຫຼໍ່ລ້ຽງພືດ. ນໍ້າສະກັດຊີວະພາບສາມາດເຮັດໄດ້ຢ່າງງ່າຍດາຍທີ່ເຮືອນ ຫຼື ທີ່ໂຮງຮຽນ. ນໍ້າຊີວະພາບຈະສະໜອງສານອາຫານທີ່ພືດຕ້ອງການ ເພື່ອຊ່ວຍໃຫ້ພືດເຕີບໃຫຍ່ຢ່າງແຂງແຮງ.
ສ່ວນປະກອບ:

• ຜັກ ຫຼື ໝາກໄມ້ທຸກຊະນິດ (ຕ້ອງໝັ້ນໃຈວ່າຜັກ ແລະ ໝາກໄມ້ທີ່ຈະນໍາໃຊ້ຕ້ອງສະອາດ)
• ກາກນໍ້າຕານ ຫຼື ນໍ້າຕານທໍາມະດາກໍ່ໄດ້

ວິທີປຸງແຕ່ງ:

• ຝັກເສດຜັກ ຫຼື ເສດໝາກໄມ້ໃຫ້ເປັນຕ່ອນນ້ອຍໆ ແລະ ຄົນໃຫ້ເຂົ້າກັນລະອຽດ ແລະ ເອົາໃສ່ຄຸ ຫຼື ພາຊະນະ ບັນຈຸ
• ທີ່ເປັນຢາງທີ່ມີຝາປິດແໜ້ນ (ເພື່ອບໍ່ໃຫ້ອາກາດເຂົ້າ).
• ເຕີມກາກນໍ້າຕານ / ນໍ້າຕານ ປະມານໜຶ່ງສ່ວນຕໍ່ສາມສ່ວນຂອງເສດຜັກ - ໝາກໄມ້ທີ່ຝັກລະອຽດແລ້ວ ຈາກນັ້ນກໍ່ຄົນໃຫ້ເຂົ້າກັນ.
• ປິດຝາຄຸ ຫຼື ພາຊະນະບັນຈຸໃຫ້ແໜ້ນດີ ເພື່ອບໍ່ໃຫ້ອາກາດເຂົ້າໄປຂ້າງໃນໄດ້. ປະໄວ້ປະມານ 5 ຫາ 7 ວັນ
• ເມື່ອທ່ານສັງເກດເຫັນວ່າມີເມັດນ້ອຍໆສີຂາວຄ້າຍຄືເຊື້ອລາ (ເຫັດລາ) ຈັບຢູ່ຕາມຜິວໜ້າຂອງນໍ້າສະກັດ
• ສະແດງວ່າ ນໍ້າສະກັດຊີວະພາບພ້ອມທີ່ຈະນໍາໃຊ້ໄດ້ແລ້ວ.
• ຕອງນໍ້າສະກັດດ້ວຍຜ້າເພື່ອເອົາແຕ່ນໍ້າ ແລະ ນໍາເອົາເສດຜັກທີ່ຕອງອອກນັ້ນໃສ່ໃນຄອກຝຸ່ນບົ່ມກໍ່ໄດ້.
• ນໍ້າສະກັດຊີວະພາບທີ່ຕອງນັ້ນສາມາດເກັບໄວ້ໄດ້ເຖິງ 6 ເດືອນໂດຍເກັບໄວ້ໃນຂວດແກ້ວ/ໄຫ ທີ່ມີຝາປິດດີ.
• ການນໍາໃຊ້ນໍ້າສະກັດຊີວະພາບ ທ່ານສາມາດນຳໃຊ້ປະມານ 2-3 ບ່ວງແກງ ປົນກັບນໍ້າທໍາມະດາຈຳນວນ10 ລິດ.
• ທ່ານສາມາດໃຊ້ນໍ້າສະກັດນີ້ເພື່ອຫົດ ຫຼື ສີດຜົ່ນພືດຜັກຂອງທ່ານທຸກໆມື້ໄດ້ ຫຼື ຢ່າງໜ້ອຍທ່ານຄວນໃຊ້ມັນອາທິດລະເທື່ອ.
• ທ່ານສາມາດປົນນໍ້າສະກັດຊີວະພາບໃນອັດຕາສ່ວນດັ່ງນີ້: 1 ສ່ວນຂອງນໍ້າສະກັດຊີວະພາບຕໍ່ 1 ສ່ວນຂອງນໍ້າຕານ
• ແລະ 10 ສ່ວນຂອງນໍ້າທໍາມະດາ, ຄົນໃຫ້ເຂົ້າກັນ ແລະ ປະໄວ້ 3 ວັນ ກ່ອນນໍາໄປໃຊ້.