ການປູກພືດປະສົມ
ການນໍາເອົາພືດທີ່ແຕກຕ່າງກັນມາປູກລວມກັນ ຈະສາມາດດຶງດູດແມງໄມ້ທີ່ມີປະໂຫຍດ ແລະ ຂັບໄລ່ສັດຕູພືດໄດ້(ເບິ່ງລາຍລະອຽດຕື່ມໃນຫົວຂໍ້ຕໍ່ໆໄປ). ໂດຍທົ່ວໄປແລ້ວ, ພືດທີ່ສາມາດປູກປະສົມທີ່ມີກິ່ນແຮງ (ເຊັ່ນ: ຫວ້ານຫາງແຂ້,ຜັກຈໍາພວກຫອມປ້ອມ, ຜັກກະເພົາ, ດອກຫຍ້າຂິວ, ໝາກເຜັດ, ຜັກທຽມ, ຂິງ, ຫົວສີໄຄ, ດອກດາວເຮືອງ ແລະ ຜັກບົ່ວ) ຈະຂັບໄລ່ສັດຕູຂອງສວນ, ໃນຂະນະທີ່ ພືດຈໍາພວກດອກໄມ້ ຫຼື ດອກຜັກບາງຊະນິດ (ເຊັ່ນ: ດອກຫົວກະຫຼົດ(ແຄຣອທ໌), ຜັກຊີຊ້າງ, ຜັກຊີ, ຜັກຊີຝຣັ່ງ, ພືດຈໍາພວກໝາກ ນາວ ແລະ ຫອມລາບ) ພືດຈໍາພວກນີ້ຈະດຶງດູດແມງໄມ້ທີ່ເປັນປະໂຫຍດ. ການປ່ອຍໃຫ້ພືດໃນສວນຂອງທ່ານອອກດອກກໍ່ແມ່ນວິທີທາງທໍາມະຊາດໃນການດຶງດູດແມງໄມ້ທີ່ມີປະໂຫຍດ ແລະ ເພື່ອປົກປ້ອງພືດຂອງທ່ານ. ຜັກທຽມຍັງສາມາດຂ້າເຊື້ອລາທີ່ຢູ່ໃນດິນຈໍານວນໜຶ່ງ, ແລະດອກດາວເຮືອງຍັງສາມາດຂ້າບົ້ງຝອຍ (ບົ້ງນ້ອຍໆ ທີ່ມັກທໍາລາຍພືດ) ນໍາອີກ.ບາງຂໍ້ແນະນໍາ (ແນວຄວາມຄິດ ເພື່ອການປູກພືດລວມກັນ):
• ຜັກກະເພົາ ຊ່ວຍຂັບໄລ່ບົ້ງເຈາະໝາກເລັ່ນ• ດອກຜັກນາຊເຕີນັມ (Nasturtiums) ເປັນດອກສີເຫຼືອງອົມແດງ ຊ່ວຍກໍາຈັດແມງແຄງຂາຈ່າງ
• ດອກດາວເຮືອງ ແລະ ຫອມລາບ ຊ່ວຍຂັບໄລ່ ແມງກະເບື້ອດອກກະລ່ຳປີ
• ປູກຖົ່ວຍາວ ແລະ ກະລ່ຳປີລວມກັນ ຈະເຮັດໃຫ້ສັດຕູພືດຂອງພືດແຕ່ລະຊະນິດຊັບສົນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ