ແມງໄມ້ ທີ່ມີປະໂຫຍດ

ແມງເຕົ່າທອງ

ແມງເຕົ່າທອງມີຄວາມຍາວ ປະມານ 5 ມມ. ເປັນແມງໄມ້ນ້ອຍທີ່ງາມ. ແມງເຕົ່າທອງມີຫຼາຍຊະນິດ. ມີສີສັນທີ່ຫຼາກຫຼາຍນັບແຕ່ເຫຼືອງ,ສົ້ມ, ແດງ ແລະ ດໍາ. ພວກມັນກິນເພ້ຍ ແລະ ເພ້ຍຫອຍໂດຍສະເພາະແມ່ນຕົວອ່ອນຂອແມງເຕົ່າທອງໄດ້ຜົນດີຫຼາຍໃນການກໍາຈັດສັດຕູພືດ ເຫຼົ່ານີ້. ເມື່ອທ່ານພົບເຫັນຕົວອ່ອນ ຕາມພືດຜົນຂອງທ່ານຢ່າໃຊຢາ ປາບສັດຕູພືດໃດໆເພາະພວກມັນຈະ ເຮັດໜ້າທີ່ຂອງພວກມັນເພື່ອທ່ານ.

ແມງຊ້າງປີກໃສ

ແມງຊ້າງປີກໃສທີ່ແກ່ເຕັມທີ່ຈະຍາວປະມານ 1.5 ຊມ, ສີຂຽວ ແລະ ປີກໃສ. ໂຕອ່ອນຂອງມັນຄ້າຍຄືສັດປະຫຼາດຂະໜາດນ້ອຍ ທັງໂຕແກ່ ແລະ ໂຕອ່ອນ ຈະລ່າຫາເພ້ຍຫອຍ, ເພ້ຍ, ໄຮ, ເພ້ຍແປ້ງ, ເພ້ຍໄຟ ແລະ ແມງມີ່ຂາວ. ໂຕອ່ອນຈະຫິວຕະຫຼອດ ແລະ ສາມາດກິນສັດຕູພືດໄດ້ເຖິງ 60 ໂຕໃນໜຶ່ງຊົ່ວໂມງ.

ແມງວັນລາຍ

ແມງວັນລາຍເປັນແມງໄມ້ທີ່ປະໂຫຍດ ຫຼາຍທີ່ສຸດໃນວົງຕະກຸນໃຫຍ່ບາງສາຍພັນຈະໂຕໃຫຍ່ ແລະ ຄ້າຍຄືເຜິ້ງ.
ບາງສາຍ ພັນມີແອວກິ່ວ ແລະ ຄ້າຍຄືຕໍ່. ໂຕແກ່ຈະບິນເວີ່ນເທິງອາກາດ ແລະ ກິນເກສອນ ແລະ ນໍ້າຫວານຈາກດອກໄມ້. ໂຕອ່ອນຈະມີປະສິດທິພາບຫຼາຍໃນການກິນເພ້ຍເປັນອາຫານ. ໂຕອ່ອນຂອງແມງວັນລາຍໜຶ່ງໂຕຈະກິນເພ້ຍໄດ້ປະມານ 900 ໂຕ ກ່ອນທີ່ມັນຈະແກ່ໂຕເຕັມທີ່.

ແຕນບຽນ (ຕໍ່ນ້ອຍ) 

ແຕນຊະນິດນີ້ມີຫຼາຍສາຍພັນ. ພວກມັນຈະມີຂະໜາດຍາວຕັ້ງແຕ່ 1.5 ມມ ເຖິງ 50 ມມ, ແຕ່ສ່ວນໃຫຍ່ຈະມີລໍາຕົວຈ່ອຍບາງ. ຕາມປົກກະຕິສີຂອງພວກມັນຈະແມ່ນສີດໍາຫາສີນໍ້າຕານ. ບາງຊະນິດທີ່ຄ້າຍຄືຕໍ່ຈະມີລໍາຕົວຈ່ອຍ, ແອວກິ່ວ ແລະ ປີກໃສພວກມັນສາມາດເປັນແມ່ກາຝາກຂອງເພ້ຍ ແລະ ບົ້ງ ໂດຍພວກມັນຈະວາງໄຂ່ໃສ່ຕາມລໍາຕົວຂອງສັດຕູພືດເຫຼົ່ານັ້ນ. ເວລາທີ່ມັນຝັກໄຂ່ໂຕອ່ອນຂອງມັນກໍ່ຈະກິນສັັັດຕູພືດເປັນອາຫານ

ແມງຢ້າງຊີ້ນ (ແມງເພັດສະຄາດ)

ໂຕແກແມງຢ້າງຊີ້ນເຕີບໂຕເຕັມທີ່ຈະມີຂະໜາດຍາວເຖິງ 12 ມມ. ມີສີດໍາ, ນໍ້າຕານ ຫຼື ຂຽວ. ມີຕາໃຫຍ່ຢູ່ເທິງຫົວທີ່ລີບນ້ອຍ ແລະ ມີຂາໜ້າທີ່ໃຫຍ່ທີ່ມີຂົນໜາມເພື່ອຈັບເຫຍື່ອ. ພວກມັນຈະຈັບເພ້ຍ, ບົ້ງ, ແມງໄມ້ປີກແຂງ, ຈັກຈັ່ນ ແລະ ແມງອື່ນໆ ເປັນອາຫານ.

ແມງກິນເພ້ຍ (ແມງດອກໄມ້ ຫຼື ແມງ ໂຈນສະຫຼັດ)

ແມງກິນເພ້ຍ ເປັນແມງໄມ້ທີ່ມີຂະໜາດນ້ອຍຫຼາຍ, ຍາວປະມານ 3 ມມ. ທັງໂຕແກ່ ແລະ ໂຕອ່ອນ ກິນເພ້ຍໄຟ, ເພ້ຍ, ໄຮ ແລະ ບົ້ງເປັນອາຫານ. ສ່ວນໃຫຍ່ ພວກມັນຈະມັກກິນ ເພ້ຍໄຟ, ໂຕໃຫຍ່ໜຶ່ງໂຕ ສາມາດກິນເພ້ຍໄຟໂຕອ່ອນ ໄດ້ເຖິງ 5 ຫາ 20 ໂຕຕໍ່ວັນ.

ດ້ວງດິນ (ແມງດິນ)

ດ້ວງດິນ ມີຫຼາຍຊະນິດ. ໂຕແກ່ມີຄວາມຍາວເຖິງ 2.5 ຊມ. ເຄື່ອນທີ່ໄວ ແລະ ມີສີດໍາແກມຟ້າອ່ອນ. ຕອນກາງເວັນພວກ ມັນຈະລີ້ຢູ່ຕາມກ້ອນຫີນ ແລະ ວັດຖຸອື່ນໆ.ສ່ວນໃຫຍ່ຂອງ ພວກມັນເປັນສັດທີ່ກິນຊີ້ນ ໂດຍສະເພາະແມ່ນມັກກິນບົ້ງ ແລະ ຫອຍທາກ, ນອກນັ້ນພວກມັນຍັງກິນເພ້ຍ, ແມງຫາງດີດ ແລະໄຮເປັນອາຫານ.