ວິວັດທະນາການຂອງຫຍ້າ (Growth)

1. ການແຕກງອກ (Germination)

ຂະບວນການງອກ ເລີ້ມຕົ້ນຂື້ນໂດຍທີ່ແກ່ນມີການດູດຊື່ມນໍ້າ ຫຼື ຄວາມຊຸ່ມຊື່ນເຂົ້າໄປໃນແກ່ນ. ຫຼັງຈາກນັ້ນ, ກໍ່ຈະເກີດມີການກະຕຸ້ນ ເອັນໄຊ໌ (enzyme) ເຮັດໃຫ້carbohydrate endosperm ແຕກໂຕ ຫຼື ແປຮູບເປັນນ້ ໍາຕານເພື່ອໃຊ້ໃນການແບ່ງ ແລະຂະຫຍາຍ cell. ສີ່ງທີ່ປະກົດອອກໃຫ້ເຫັນທໍາອິດຈາກການງອກ ຄື: ຮາກ primary root ເຊີ່ງຈະແທງລະທຸເຍື່ອຮຸ້ມ coleorhiza ແລະ ໃນ ວັນທີ 2 ຫຼື 3 ອາດຈະມີຮາກງອກເພີ້ມຂື້ນອອກມາອີກ
1-2 ຄູ່ ເພື່ອຊ່ວຍການດູດຊື່ມນໍ້າ.ໂດຍທົ່ວໄປ, ແກ່ນຫຍ້າເມືອງຮ້ອນຈະງອກພາຍໃນ 3-4 ວັນ ຫຼັງການຫວ່ານ
ພາຍໄຕ້ອຸນຫະພູມທີ່ເໝາະສົມຄືຢູ່ໃນລະຫວ່າງ 25-35 ໍC.

2. ການແຕກກໍ (Tillering)

ຫຼັງຈາກແກ່ນງອກເປັນຕົ້ນແລ້ວ, ຕົ້ນຫຍ້າກໍ່ຈະເລີ້ມມີການແຕກກໍອອກມາທາງດ້ານຂ້າງໂດຍແຕກອອກຈາກຕາທີ່ເອີ້ນວ່າ: ‘axillary bud’. ແໜງທີ່ແຕກອອກມາຈາກດ້ານຂ້າງນັ້ນເອີ້ນວ່າ: ‘side tillers’ ເຊີ່ງຈະສາມາດແຕກແໜງໃໝ່ອອກມາໄດ້ອີກ.ຫຍ້າລະດູດຽວຈະມີວົງຈອນຊີວິດພຽງແຕ່ 1 ປີເຊີ່ງຈະຕາຍ ຫຼັງການອອກດອກ ແລະ ໃຫ້ໝາກ.ແຕ່ສ ຳລັບຫຍ້າທີ່ມີອາຍຸຂ້າມປີຈະມີວົງຈອນຊີວິດຫຼາຍປີຢ່າງໜ້ອຍ 3 ປີຂື້ນໄປເຊີ່ງຈະມີຮູບແບບການຈະເລີນເຕີບໂຕທີ່ສະລັບຊັບຊ້ອນ, ສາມາດແຕກແໜງໄດ້ຕະຫຼອດປີ ແລະ ແໜງທີ່ແຕກອອກມານີ້ກໍ່ຈະສາມາດແຕກແໜງໃໝ່ໄປເລື້ອຍໆ.ແໜງຂອງຫຍ້າທີ່ມີອາຍຸຂ້າມປີຈະມີ 2 ຊະນິດ ຄື:
             1). ຊະນິດທີ່ໃຫ້ແກ່ນໄດ້ (fertile tiller) ເຊີ່ງຈະປະກອບມີປ້ອງ ແລະ ໃບທີ່ຂ້ອນຂ້າງຍາວ.
             2). ແໜງທີ່ໃຫ້ແກ່ນບໍ່ໄດ້ (sterile tiller) ຈະມີປ້ອງ ແລະ ໃບທີ່ສັ້ນກວ່າ.

3. ການປົກຄຸມພື້ນທີ່ (Covering area)

ຫຍ້າປະເພດທີ່ມີລໍາຕົ້ນເລືອຕາມດິນຈະມີການຈະເລີນເຕີບໂຕປົກຄຸມໜ້າດິນໄດ້ຢ່າງວອງໄວ, ໜາແໜ້ນ ແລະ ສະໝຳ ່ສະເໝີກວ່າຫຍ້າທີ່ແຕກກໍ. ຫຍ້າຈໍາພວກນີ້ຈະເລີນເຕີບໂຕໄດ້ດີໃນດິນທີ່ມີລັກສະນະເປັນດິນຊາຍລະບາຍນໍ້າໄດ້ດີ. ອັດຕາການແຕກແໜງ ແລະ ເລືອປົກຄຸມພື້ນທີ່ຈະແຕກຕ່າງກັນຕາມແຕ່ລະຊະນິດຂອງພັນຫຍ້າ, ສະພາບແວດລ້ອມ ແລະ ຄວາມອຸດົມສົມບູນຂອງດິນ