ຫວ້ານນາງ ຫຼື ຫວ້ານຫົວດຽວ
ຊື່ວິທະຍາສາດ: Curcuma xanthorrhiza Roxb.
ຫວ້ານຫົວດຽວ ເປັນພືດທີ່ນອນຢູ່ຕະກຸນຂີງ ແຕ່ຈັດຢູ່ໃນສະກຸນຫວ້ານ ຖ້າເບິ່ງຕົ້ນຢູ່ໄກບາງຄົນກໍຄິດວ່າແມ່ນຂີ້ໝິ້ນ ແຕ່ມັນຕ່າງກັນເຊັ່ນ: ຫວ້ານນາງ ມີເອັນໃຈກາງໃບມີສີມ່ວງ, ຫົວມົນທາງໃນມີສີຂາວ ອອກຄີມ. ເປັນພືດມັກເກີດຕາມປ່າໂຄກ ເກີດເປັນຈຸ້ມລາມໄປຕາມໜ້າດິນ ປະຊາຊົນມັກຂຸດຄົ້ນ ແລະ ສົ່ງຂາຍໃຫ້ແກ່ໂຮງງານຜະລິດຢາ ແລະ ຜະລິດເປັນຢາສຳເລັດຮູບອອກຮັບໃຊ້ສັງຄົມ. ແຕ່ເຖິງແນວໃດກໍດີ ປະຊາຊົນຍັງມີການນຳໃຊ້ແບບພື້ນເມືອງຢູ່ເຊັ່ນ: ຫົວຫວ້ານນາງ ລ້າງສະອາດ ນຳໄປຝານຕາກແດດແຫ້ງ ເອົາ ນຶ່ງກຳມືຕົ້ມ/ນ້ຳດື່ມ 1 ລິດ ສາມາດປົວລົງຂາວ, ມົດລູກອັກເສບ ແລະ ເຮັດໃຫ້ມົດລູກເຂົ້າອູ່ໄວສຳລັບແມ່ຢູ່ກຳ.ຫວ້ານນາງນອກຈາກປົວພະຍາດແມ່ຍິງແລ້ວ ຜູ້ຊາຍກໍສາມາດນຳໃຊ້ປົວພະຍາດໃສ້ລົງຫຳ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ