ສະເລດພັງພອນແມ່
ຊື່ວິທະຍາສາດ: Clinacanthus nutans (Burm.f.) Lindau.
ສະເລດພັງພອນແມ່ເປັນພືດຟຸ່ມນ້ອຍ, ລຳເປັນຂໍ້, ໃບກ້ຽງເຫຼືອມ ສີຂຽວອ່ອນ, ດອກສີແດງອອກເປັນຈຸ້ມຢູ່ຍອດ. ປະຊາຊົນຊາວພາກເໜືອປູກເອ້ຍ້ອງ ແລະ ປູກເພື່ອເກັບຍອດອ່ອນປຸງແຕ່ງອາຫານ ໂດຍສະເພາະຊາວເມືອງຫຼວງພະບາງ ເພິ່ນເອົາໃສ່ແກງໜໍ່ໄມ້ ແລະ ເພິ່ນໄດ້ຮ້ອງຊື່ຕົ້ນນີ້ວ່າກົກຍໍ, ກົກຍໍເປັນພືດທີ່ສວຍສົດງົດງາມປຽບເໝືອນດອກໄມ້ທີ່ປະດິດແຕ່ງຂື້ນ ມີດອກສີແດງ ເມື່ອຫຼຽວເບິ່ງແລ້ວເປັນໜ້າອອນຊອນ. ພືດຊະນິດນີ້ນອກຈາກມີຄວາມງາມແລ້ວ ຍັງມີຄຸນຄ່າ ແລະ ມີປະໂຫຍດໃນການປົວພະຍາດໄດ້ເຊັ່ນ:
ໃບສົດ ໃຊ້ແກ້ບາດແຜໄຟໄມ້, ນ້ຳຮ້ອນລວກ, ຖືກແມງໄມ້ຕອດ, ຕຸ່ມຄັນຄາຍ ແລະຕຸ່ມເປື່ອຍ.
ວິທີໃຊ້: ເກັບໃບສົດ 1 ກຳມືລ້າງໃຫ້ສະອາດຕຳໃຫ້ມຸ່ນແລ້ວນຳໄປໂພະໃສ່ບ່ອນທີ່ເປັນບາດ ຫຼື ບ່ອນເກີດຕຸ່ມ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ