ຊອກຫາສັດຕູພືດ

ແມງໄມ້ກິນພືດເປັນສ່ວນທຳມະດາໜຶ່ງໃນການປູກຝັງ. ຖ້າຫາກພວກມັນມີໃນປະລິມານທີ່ສົມສ່ວນ ຫຼື ສົມດຸນກັບພວກແມງໄມ້ອື່ນໆ (ໂດຍສະເພາະແມງໄມ້ພວກກິນສັດຕູພືດ), ພວກແມງໄມ້ກິນພືດເຫຼົ່ານັ້ນກໍ່ເຮັດໃຫ້ພືດທັນຍາ ຫານເສຍຫາຍໜ້ອຍ.
           ໃຫ້ກວດເບິ່ງພືດພັນທີ່ປູກເປັນປະຈຳ ເຊິ່ງການເຮັດເຊັ່ນນີ້ຈະຊ່ວຍໃຫ້ທ່ານເຂົ້າໃຈວ່າ ເມື່ອໃດຄວນປ່ອຍໃຫ້ແມງໄມ້ທີ່ເປັນມິດໄດ້ເຮັດໜ້າທີ່ປົກປ້ອງພືດຜັກຂອງທ່ານ ແລະເວລາໃດຈິ່ງຄວນສີດພົ່ນສານທຳມະຊາດກຳ ຈັດສັດຕູພືດ ຫຼື ນຳໃຊ້ວິທີການຄວບຄຸມສັດຕູພືດແບບອື່ນໆ. ໃນເວລາທີ່ທ່ານຊອກສຳຫຼວດຫາສັດຕູພືດ ແລະ ພະຍາດພືດ, ຈົ່ງຖາມຄຳຖາມຕໍ່ໄປນີ້:
● ສ່ວນຕ່າງໆຂອງພືດກຳລັງຖືກແມງໄມ້ກິນບໍ?
● ຄວາມເສຍຫາຍນັ້ນເພີ່ມຫຼາຍຂຶ້ນບໍ?
● ບັນດາແມງໄມ້ທີ່ເປັນມິດກັບພືດຜັກສາມາດຄວບຄຸມສັດຕູພືດໄດ້ບໍ?

ມັນເປັນມິດ, ເປັນສັດຕູ ຫຼື ມັນບໍ່ມີພິດໄພຫຍັງ?

ບາງຄັ້ງຈະເຫັນໄດ້ຢ່າງງ່າຍດາຍວ່າບັນດາແມງໄມ້ໄດ້ທຳການປົກປ້ອງພືດພັນໂດຍການກິນສັດຕູພືດເປັນອາ ຫານ. ຫຼື ວ່າພືດພັນທີ່ປູກນັ້ນອາດຈະເຕີບໃຫຍ່ໄດ້ຂະໜາດພໍທີ່ຈະທົນທານຕໍ່ກັບການທຳລາຍຂອງສັດຕູພືດ ແລະ ສາມາດເຕີບໃຫຍ່ຕໍ່ໄປໄດ້.ຂີ້ກະເດືອນແມ່ນມີຄວາມສຳຄັນຕໍ່ຄວາມອຸດົມສົມບູນຂອງດິນ. ເຜິ້ງ, ແມງມຸມ ແລະ
ແມງໄມ້ທີ່ດຳລົງຊີວິດໃນນ້ຳສ່ວນໃຫຍ່ (ເຊັ່ນ: ດຳລົງຊີວິດຢູ່ຕາມໄຮ່ນາເປັນຕົ້ນ) ລ້ວນແລ້ວແຕ່ເປັນມິດ ແລະ ພວກມັນຊ່ວຍຄວບຄຸມສັດຕູພືດ. ແມງຕໍ່ແຕນ ຫຼື ແມງປໍຊະນິດຕ່າງໆກໍ່ອາດຈະເປັນແມງໄມ້ທີ່ເປັນມິດກັບພືດຜັກຂອງທ່ານກໍ່ໄດ້. ຈົ່ງຮັກສາແມງໄມ້ທີ່ເປັນມິດໄວ້ ເພື່ອໃຫ້ພວກມັນຊ່ວຍທ່ານຄວບຄຸມສັດຕູພືດ.
           ຈົ່ງຊອກຫາ ແລະ ສັງເກດເບິ່ງວ່າແມງໄມ້ຊະນິດໃດແດ່ທີ່ເປັນມິດ, ແມງໄມ້ຊະນິດໃດແດ່ທີ່ເປັນສັດຕູພືດ ແລະ ຊະນິດໃດທີ່ບໍ່ມີພິດໄພຫຍັງ. ຖ້າຫາກທ່ານບໍ່ແນ່ໃຈວ່າແມງໄມ້ ຊະນິດໃດໜຶ່ງເປັນມິດ ຫຼື ເປັນສັດຕູ ກໍ່ໃຫ້ເອົາແມງໄມ້ພ້ອມກັບສ່ວນໃດໜຶ່ງຂອງພືດທີ່ມັນຢູ່ນັ້ນມາໃສ່ໃນພາຊະນະ ແລະ ເຝົ້າສັງເກດເບິ່ງພຶດຕິກຳຂອງມັນເປັນເວລາຫຼາຍມື້. ຖ້າ ຫາກວ່າທ່ານພົບເຫັນໄຂ່ຂອງແມງໄມ້ ກໍ່ໃຫ້ສັງເກດເບິ່ງວ່າມັນແຕກອອກມາເປັນຫຍັງ ຖ້າ ມັນແຕກອອກມາເປັນບົ້ງ ຫຼື ໂຕດ້ວງ ນັ້ນກໍ່ສະແດງວ່າມັນອາດແມ່ນສັດຕູພືດກໍ່ເປັນໄດ້. ຖ້າມັນແຕກມາເປັນແມງໄມ້ບິນໄດ້ກໍ່ມັກຈະເປັນແມງໄມ້ທີ່ເປັນມິດກັບພືດ.ວິທີການທຳລາຍຫຼັກໆຂອງສັດຕູພືດກໍ່ຄື: ດູດກິນຂອງແຫຼວໃນຕົ້ນພືດ ແລະ ກິນພືດຜັກນັ້ນເລີຍ.
● ສັດຕູພືດປະເພດດູດກິນນ້ຳຫຼໍ່ລ້ຽງຂອງພືດ ລວມມີ: ເພັ້ຍ, ເພັ້ຍຫອຍ (ເກັດ), ເພັ້ຍແປ້ງ, ເພັ້ຍກະໂດດ, ເພັ້ຍຈັກຈັ່ນ, ແມງມີ່ຂາວ, ເພັ້ຍໄຟ, ໄຮແດງ ແລະ ຂີ້ກະ ເດືອນຝອຍ.
● ແມງໄມ້ກິນພືດ ລວມມີ: ບົ້ງ, ຫອຍທາກ, ບົ້ງຫອຍທາກ, ຫອຍ, ແມງໄມ້ ຫຼື ໜອນເຈາະພືດ.

ຖ້າເປັນສັດຕູພືດ, ທ່ານຈະກຳຈັດມັນແນວໃດ?

ເມື່ອຮູ້ແລ້ວວ່າສັດຕູພືດທຳລາຍພືດພັນຂອງທ່ານແນວໃດ, ທ່ານກໍ່ສາມາດນຳໃຊ້ສານທຳມະຊາດກຳຈັດສັດຕູພືດ (ເບິ່ງຢູ່ໜ້າຕໍ່ໄປ) ທີ່ເຮັດຂຶ້ນມາເພື່ອຂ້າສັດຕູພືດຊະນິດນັ້ນໂດຍສະເພາະ.ເມື່ອທ່ານຮູ້ໄລຍະເວລາໃດທີ່ມັກເກີດມີສັດຕູພືດ ແລະ ມັນມີສາຍພົວພັນ (ຫຼື ຂຶ້ນ) ກັບສະພາບແວດລ້ອມແນວໃດ, ທ່ານກໍ່ຈະສາມາດນຳໃຊ້ວິທີການຄວບ ຄຸມສັດຕູພືດຕາມວິທີທາງທຳມະຊາດ ມັນຈະສາມາດຊ່ວຍໃຫທ່ານສາມາດຄວບຄຸມສັດຕູພືດໄດ້ ເມື່ອທ່ານສາມາດຕອບຄຳຖາມເຫຼົ່ານີ້ໄດ້: ສັດຕູພືດນັ້ນມາຈາກໃສ? ມັນເລີ່ມທຳລາຍ ພືດພັນທັນຍາຫານເມື່ອໃດ? ມັນເກີດມາເປັນໂຕແນວໜຶ່ງ ຈາກນັ້ນມັນກໍ່ປ່ຽນໄປເປັນອີກແນວອື່ນບໍ (ຕົວຢ່າງເຊັ່ນ: ໂຕບົ້ງປ່ຽນໄປເປັນແມງກະບີ້ ຫຼື ແມງກະເບື້ອ ເປັນຕົ້ນ)? ພວກມັນເປັນອາຫານຂອງພວກນົກ, ແມງໄມ້ຊະນິດອື່ນໆ, ຫຼື ສັດອື່ນໆທີ່ອາໄສຢູ່ໃນພື້ນທີ່ປູກຝັງນັ້ນບໍ?