ມັນດ້າງ Ipomoea batatas

ມັນດ້າງ
Ipomoea batatas



ຄຸນຄ່າທາງໂພຊະນາການ
ຫົວມັນດ້າງ ແມ່ນແຫຼ່ງຂອງຄາໂບໄຮເດຣທ໌ທີ່ດີພ້ອມທັງອຸດົມດ້ວຍວິຕາມິນເອ. ຍອດຂອງມັນ ເປັນແຫຼ່ງຂອງທາດເຫຼັກທີ່ດີ. ມັນດ້າງເປັນອາຫານທີ່ຍ່ອຍງ່າຍ, ສະນັ້ນຈຶ່ງເປັນອາຫານທີ່ດີ ສໍາລັບເດັກນ້ອຍ ແລະ ຄົນປ່ວຍ.

ວິທີການກິນມັນດ້າງ
ມັນດ້າງ ສາມາດເອົາມາແຕ່ງສຸກກິນ ເຊັ່ນ: ປີ້ງ, ໜຶ້ງ ຫຼື ຕົ້ມ. ມັນດ້າງສາມາດ ກິນເປັນອາຫານຫຼັກ, ຫຼື ກິນເປັນອາຫານຫວ່າງກໍໄດ້. ທ່ານສາມາດປຸງແຕ່ງມັນດ້າງທີ່ຊອຍເປັນປ່ຽງແລ້ວ ດ້ວຍການຂົ້ວ, ເຮັດແກງກະລີ່, ຕົ້ມ ຫຼື ເຮັດແກງຈືດກໍໄດ້.

ຄໍາແນະນໍາ ສຳລັບການຂະຫຍາຍພັນ
ກະກຽມຄູໜານ ທີ່ມີຄວາມສູງປະມານ 30 - 40 ຊັງຕີແມັດ ແລະ ຫ່າງກັນປະມານ 1 ແມັດ, ເຮັດຄູໜານໃສ່ດິນຊຸ່ມປົນກັບເສດພືດສີຂຽວ ຫຼື ຝຸ່ນບົ່ມ. ວິທີທີ່ໄວ ແລະ ງ່າຍທີ່ສຸດໃນການປູກມັນດ້າງ ແມ່ນວິທີຊຳ. ຕັດເອົາເຄືອຍາວປະມານ 30 ຊັງຕີແມັດ. ປິດເອົາໃບອອກໃຫ້ໝົດໂດຍ ຈົ່ງໄວ້ພຽງໃບນ້ອຍໆທີ່ຢູ່ປາຍສຸດ. ປູກໂດຍການຝັງເຄືອທັງໝົດລົງໃສ່ໜານ. ຄວນຈົ່ງແຕ່ໃບໃຫ້ພົ້ນຂຶ້ນໜ້າດິນ. ທ່ານສາມາດປູກມັນດ້າງດ້ວຍ ການໃຊ້ຫົວຂອງມັນກໍໄດ້. ປາດສ່ວນເທິງຫົວມັນເປັນປ່ຽງປະມານ 3 - 4 ຊັງຕີແມັດ. ເອົາໄປຝັງລົງໃນດິນທີ່ປຽກ ແລະ ປະໄວ້ຈົນມັນອອກຈາວ ແລ້ວຈຶ່ງໄປປູກໃສ່ຄູໜານທີ່ກຽມໄວ້.

ວິທີເບິ່ງແຍງຮັກສາ
ປົກຫຸ້ມໜານ ແລະ ໃສ່ຝຸ່ນບົ່ມທຸກໆເດືອນ. ຍົກເຄືອມັນດ້າງຂຶ້ນເປັນບາງຄັ້ງຄາວ ເພື່ອຢຸດການຂະຫຍາຍຕົວຂອງຮາກລົງສູ່ດິນ ໃນເວລາອາກາດ ຮ້ອນຄວນຫົດນໍ້າຕົ້ນມັນດ້າງໃນປະລິມານໜ້ອຍເປັນປະຈຳ.

ບັນຫາທີ່ອາດຈະເກີດຂຶ້ນ
ມອດມັນດ້າງ ແມ່ນໜຶ່ງໃນບັນດາສັດຕູພືດທີ່ຮ້າຍກາດທີ່ສຸດ. ຄວນເອົາຂີ້ເຖົ່າມາໂຮຍອ້ອມຕົ້ນມັນເພື່ອຂັບໄລ່ພວກມັນ.

ການເກັບກ່ຽວ
ສາມາດເກັບກ່ຽວເອົາຍອດນ້ອຍ ໄດ້ເປັນປະຈໍາ. ຄວນຂຸດເອົາຫົວມັນດ້າງ ໃນເວລາທີ່ພວກມັນໃຫຍ່ພໍຄວນ. ຖ້າປະຫົວມັນໄວ້ໃຫ້ຂະຫຍາຍຕົວອອກຍາວໂພດ ມັນຈະເປັນໄຍ ແລະ ຫຍາບ. ຫົວມັນທີ່ລ້າງສະອາດ ແລະ ປະໃຫ້ແຫ້ງດີແລ້ວ ສາມາດຮັກສາໄວ້ໄດ້ເຖິງ 3 - 5 ເດືອນ ດ້ວຍການ ຫໍ່ໃສ່ເຈ້ຍໜັງສືພິມ ແລະ ປະໄວ້ໃນບ່ອນທີ່ແຫ້ງ ແລະ ບ່ອນເຢັນ.

ໄລຍະເວລາ ແລະ ການອອກຜົນຜະລິດ
ຫຼັງຈາກປູກແລ້ວ, ມັນດ້າງຈະມີຄວາມພ້ອມສໍາລັບການເກັບກ່ຽວ ພາຍໃນ 4 - 6 ເດືອນ. ສ່ວນຍອດຂອງໃບ ສາມາດເດັດໄດ້ ພາຍຫຼັງປູກ 6 - 8 ອາທິດ. ມັນດ້າງມັກສະພາບອາກາດທີ່ອົບອຸ່ນ ແລະ ຖືກແສງແດດ ສະນັ້ນບໍ່ຄວນປູກມັນດ້າງໃນລະດູຝົນມັນດ້າງມັກດິນມີຊາຍ, ມີແສງ ແດດ ແລະ ໄດ້ຮັບນໍ້າ ແລະ ສານອາຫານໃນປະລິ ມານທີ່ເໝາະສົມ. ມັນດ້າງມັກຄວາມຮ້ອນ ແລະ ຈະໃຫຍ່ໄດ້ດີໃນສະພາບອາກາດຮ້ອນ. ແຕ່ລະອາທິດ ຈະອອກຜົນຜະລິດໄດ້ປະມານ 350 ກຣາມ. ແຕ່ລະຕົ້ນຈະອອກຫົວປະມານ 2 ກິໂລກຣາມ.

ການນໍາໃຊ້ດ້ານອື່ນໆ
ທຸກສ່ວນຂອງມັນດ້າງ ສາມາດນໍາໄປເກືອສັດ, ເຮັດຝຸ່ນບົ່ມ ແລະ ເຮັດນໍ້າສະກັດຊີວະພາບໄດ