ຊື່ວິທະຍາສາດ: Paederia foetida L.
ເຄືອຕົດໝາ ເປັນພືດປະເພດເຄືອກ້ຽວນ້ອຍເລືອຕາມໜ້າດິນ ແລະ ຕົ້ນໄມ້, ທົ່ວເຄືອເວລາເດັດມາຍ່ອງດົມຈະມີກິ່ນເໝັນ ປະຊາຊົນລາວໃນສະໄໝກ່ອນໄດ້ນຳໃຊ້ຮາກເຄືອຕົດໝາປະສົມ ຫຼື ນວດກັບແປ້ງເຂົ້າຂຽບ ເຮັດໃຫ້ເຂົ້າຂຽບໂພງດີ. ປະໂຫຍດທາງດ້ານການປິ່ນປົວ, ເຄືອຕົດໝາຖືວ່າສາມາດນຳໃຊ້ໝົດເກືອບທຸ່ກໆພາກສວນ ສາມາດປົວພະຍາດໄດ້ເຊັ່ນ: ກະເພາະລົມ, ທ້ອງອືດ ທ້ອງຍຶ່ງ ໂດຍເອົາເຄືອຕົດໝາ 1 ກຳມືປະສົມກັບຜັກບົ່ວເລືອດ (ຫວ້ານຈອດ) 3 ຫົວ, ຂີ້ໝິ້ນ 7 ປ່ຽນ, ຫວ້ານຕູບໝູບ 7 ຫົວ ແລະ ຫວ້ານພັຍ7 ປ່ຽນເອົາທັງໝົດປະສົມກັນ ນຳໄປຕົ້ມກັບນ້ຳ 1,5 ລີດ ໃຫ້ຟົດ ຕອງດ້ວຍແພຂາວສະອາດແລ້ວແບ່ງດື່ມສາມເວລາ (ເຊົ້າ, ສວຍ, ແລງ) ຈົນກວ່າອາການຈະດີຂື້ນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ