ປ່າໄມ້ຄໍ້າຊູສຸຂະພາບຂອງຄົນເຮົາຢູ່ທຸກໆບ່ອນ ບໍ່ວ່າຈະແມ່ນຜູ້ຄົນທີ່ອາໄສຢູ່ໄກຈາກປ່າ ຫຼື ບໍລິເວນທີ່ປ່າຖືກທໍາລາຍຢ່າງໜັກ, ນີ້ແມ່ນຂຶ້ນຢູ່ກັບສິ່ງທີ່ປ່າສາມາດໃຫ້ໄດ້. ເມື່ອປ່າຖືກ ລົດຄ່າ ແລະ ຖືກທໍາລາຍຢ່າງໜັກໜ່ວງ, ສຸຂະພາບຂອງຊຸມຊົນແມ່ນຖືກນາບຂູ່ ເພາະວ່າ ຂັ້ນຕອນ ແລະ ບົດບາດທີ່ຕົ້ນໄມ້ ແລະ ປ່າທີ່ເຮັດໜ້າທີ່ໃນການຄໍ້າຊູສຸຂະພາບບໍ່ໄດ້ຖືກປະຕິບັດ.
ປ່າໄມ້ ແລະ ນໍ້າ
ບາງຄົນເຊື່ອວ່າຕົ້ນໄມ້ດຶງດູດຝົນ ແລະ ເກັບນໍ້າໄວ້ພື້ນດິນ. ຜູ້ອື່ນໆເຊື່ອວ່າຕົ້ນໄມ້ໃຊ້ນໍ້າຫຼາຍກວ່າພືດພັນຊະນິດອື່ນໆ. ນີ້ແມ່ນຂຶ້ນກັບຕົ້ນໄມ້ແຕ່ລະຊະນິດ ວ່າພວກມັນເຕີບໃຫຍ່ຢູ່ບ່ອນ ໃດ ແລະ ເງື່ອນໄຂອື່ນໆອີກ, ເວົ້າແລ້ວຄວາມເຊື່ອທັງສອງຢ່າງແມ່ນສາມາດເປັນຄວາມຈິງໄດ້. ປ່າໄມ້ທີ່ມີດິນອຸດົມສົມບູນ ແລະ ຮາກທີ່ຢັ່ງລົງເລິກ ມີໜ້າທີ່ຄືກັນກັບເຄື່ອງກອງນໍ້າ. ເມື່ອຢາຂ້າແມງໄມ້, ທາດໂລຫະໜັກ, ແລະ ສານເຄມີຕ່າງໆເຮັດໃຫ້ນໍ້າມີມົນລະພິດ, ຮາກຂອງຕົ້ນໄມ້ ຊ່ວຍກັນຕອງສິ່ງເຫຼົ່ານັ້ນ. ນໍ້າທີ່ຖືກກັ່ນຕອງໄດ້ລົງສູ່ນໍ້າສ້າງ, ສາຍນໍ້າ, ທະເລສາບຕ່າງໆ ແລະ ຍັງຮັກສາອ່າງໂຕ່ງ ແລະ ເຮັດໃຫ້ຄົນທີ່ອາໄສຢູ່ທີ່ນັ້ນມີສຸຂະພາບແຂງແຮງ. ເມື່ອປາສະຈາກປ່າເພື່ອປົກປ້ອງແຫຼ່ງນໍ້າ, ມັນບໍ່ມີນໍ້າສະອາດທີ່ໃຊ້ດື່ມກິນ ແລະ ອາບ. ນີ້ແມ່ນເຫດຜົນທີ່ດີທີ່ສຸດທີ່ຈະຮັກສາຕົ້ນໄມ້ໃຫ້ຄົງຢູ່ ດີກວ່າການຕັດຕົ້ນໄມ້ ນີ້ກໍ່ເພື່ອຮັກສານໍ້າຂອງເຮົາໃຫ້ແມ່ນສະອາດ ແລະ ອຸດົມສົມບູນ.ແຕ່ວ່າຕົ້ນໄມ້ບາງຊະນິດໂດຍສະເພາະຕົ້ນໄມ້ທີ່ເຕີບໃຫຍ່ໄວ ແລະ ບໍ່ແມ່ນຕົ້ນໄມ້ ຂອງທ້ອງຖິ່ນນັ້ນໆ, ອາດຈະໃຊ້ນໍ້າຫຼາຍ. ສໍາລັບຊາວນາ ແລະ ຜູ້ອື່ນໆທີ່ຕ້ອງການຮັກສາແຫຼ່ງນໍ້າ ສິ່ງທີ່ສໍາຄັນແມ່ນສັງເກດຄວາມແຕກຕ່າງຂອງຕົ້ນໄມ້ແຕ່ລະປະເພດມີຜົນກະທົບຕໍ່ນໍ້າ ແລະ ຄວນພິຈາລະນາຢ່າງຖີ່ຖ້ວນກ່ອນຈະຕັດສິນໃຈໃນການປູກຕົ້ນໄມ້.
ປ່າໄມ້ມີຜົນກະທົບຕໍ່ສະພາບອາກາດ ແລະ ພູມີອາກາດ (ອາກາດໃນພື້ນທີ່ໃດໜຶ່ງໃນເວລາດົນນານ). ພວກມັນສາມາດເຮັດໃຫ້ອາກາດຫຼຸດຜ່ອນຄວາມຮຸນແຮງໂດຍການຜະລິດອາກາດອົບອຸ່ນ ແລະ ຊຸ່ມ, ແລະ ຜະລິດອາກາດເຢັນເປັນອາກາດອຸ່ນ ແລະ ແຫ້ງ. ຕົ້ນໄມ້ສາມາດປ້ອງກັນເຮືອນຊານ ແລະ ຜົນລະປູກ ຈາກລົມແຮງ ແລະ ແສງແດດທີ່ຮ້ອນ ແລະ ເປັນທີ່ກໍາບັງໃນເມື່ອເວລາຝົນຕົກໜັກ.ສວ່ນໃຫ່ຍປ່າໄມ້ຕ້ອງຕໍ່ສູ້ກັບສະພາວະໂລກຮ້ອນເພາະການທີ່ຕ້ອງຕໍ່ສູ້ກັບມົນລະພິດ ແລະ ສານເຄມີມັນສາມາດຊ່ວຍໃຫ້ໂລກເຢັນລົງ ແລະເຮັດໃຫ້ອາກາດ ແລະ ນໍ້າມີຄຸນນະພາບດີຂື້ນ. ເມື່ອພວກເຮົາສູນເສຍປ່າບໍລິເວນ ຈໍານວນຫຼວງຫຼາຍ, ການນາບຂູ່ຈາກໄພທໍາມະຊາດເຊັ່ນ: ພາຍຸເຫີລີເຄນ,ໄພແຫ້ງແລ້ງ ແລະ ພາຍຸ ຄວາມຮ້ອນ ແມ່ນມີຈໍານວນເພີ່ມຂຶ້ນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ