ຊື່ວິທະຍາສາດ: Alpinia galanga Willd.
ຂ່າບ້ານ ເປັນພືດລົ້ມລຸກ ມີເຫງົ້າ ຫົວຢູໃຕ້ດິນ ເປັນຂໍ້ປ້ອງຖີ່ກັນ ລຳຕົ້ນ ເທິງໜ້າດິນ ສີຂຽວ ເປັນກາບຫຸ້ມແໜ້ນ ດອກອອກເປັນຊໍ່ ຢູ່ຍອດ ສີຂາວ ປະຊາຊົນມັກເກັບມາກິນກັບອາຫານ.ຖ້າເວົ້າເຖິງຕົ້ນຂ່າປະຊາຊົນລາວ ທັງນ້ອຍ ແລະ ໃຫຍ່ແມ່ນຮູ້ກັນໝົດ ເປັນພືດທີ່ປະຊາຊົນລາວນຳໃຊ້ເຂົ້າໃນການປຸງແຕ່ງອາຫານ ໃຫ້ມີລົດຊາດແຊບ ແລະ ດັບກິ່ນຄາວ ໂດຍສະເພາະແມ່ນອາຫານທີ່ປຸງແຕ່ງດ້ວຍປາ. ປະຊາຊົນລາວ ແຕ່ລະຄອບຄົວມັກປູກໄວ້ໃນສວນຄົວໜ້າບ້ານ ຫຼື ຫຼັງບ້ານເພື່ອສະດວກໃນການເກັບມານຳໃຊ້. ຫົວຂ່າ ນອກຈາກໃຫ້ປະໂຫຍດທາງດ້ານອາຫານແລ້ວ ຍັງມີປະໂຫຍດທາງການປິ່ນປົວເຊັ່ນ: ໃບຂ່ານຳມາຕົ້ມນ້ຳອາບ ສາມາດບັນເທົາ ຫຼື ແກ້ອາການປວດເມື່ອຍຕາມຮ່າງກາຍ, ຫົວຂ່າອ່ອນ ນຳມາຕຳປະສົມເຫຼົ້າທາຂີ້ຈ້ຽນ, ເຫງົ້າແກ່ຕຳໃຫ້ມຸ່ນລະອຽດໃຊ້ທາພາຍນອກ ຮັກສາໂລກຜິວໜັງ. ນອກຈາກນັ້ນ ຫົວຂ່າເປັນຢາຟອກມົດລູກ ເຮັດໃຫ້ມົດລູກເຂົ້າອູ່ໄວ ແລະເປັນຢາຂັບລົມໃນແມ່ຍິງຫຼັງຄອດ ສະນັ້ນເວລານັ່ງກຳເພິ່ນຈຶ່ງນຳຫົວຂ່າສົດມາປີ້ງຕຳໃຫ້ກິນ ຫຼື ຈະກິນຫົວຂ່າສົດຈໍ້າເກືອກໍໄດ້.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ