ໝາກເຜັດເປັນສະໝຸນໄພທີ່ໃຊ້ປະໂຫຍດທາງການແພດມາດົນ ເພາະໜ່ວຍຂອງ ໝາກເຜັດມີສັບພະຄຸນຊ່ວຍຂັບລົມ,
ຂັບປັດສະວະ, ແກ້ໄຂ້ຫວັດ, ບັນເທົາອາການເຈັບປວດ, ຂັບເຫື່ອ ແລະ ຊ່ວຍຈະເລີນອາຫານ, ຍອດອ່່ອນ ແລະ ໝາກຂອງມັນໃຊ້ເປັນຜັກ ແລະ
ເຄື່ອງປຸງແຕ່ງລົດຊາດຂອງອາຫານ ໂດຍທົ່ວໄປແລ້ວໝາກເຜັດຈະອອກຫຼາຍໃນຍາມຝົນ
ແລະ ກ່ອນຕິດໝາກ , ເມື່ອມີໝາກແລ້ວຈະມີຍອດ
ແລະ ໃບທີ່ໜ້ອຍລົງ ສ່ວນໝາກແມ່ນຈະເປັນຕະຫຼອດປີ ຍອດຂອງໝາກເຜັດສາ ມາດນຳມາຮັບປະທານເປັນຜັກແກ້ມກັບແຈ່ວ
ຫຼື ປົ່ນໄດ້ ລວມທັງນຳໄປ ປຸງແຕ່ງເປັນເຄື່ອງປະກອບໃນອາ ຫານກໍໄດ້ດີເຊັ່ນກັນ.
ສັບພະຄຸນ ແລະ ປະໂຫຍດຂອງໝາກເຜັດ:
ຍອດໝາກເຜັດມີລົດຊາດເຜັດຮ້ອນ ສ່ວນໝາກແມ່ນມີລົດຊາດທີ່ເຜັດແຮງ ຮັບປະທານເປັນຜັກຈະຊ່ວຍຈະເລີນອາຫານ
ແລະ ຊ່ວຍຂັບລົມເຮັດໃຫ້ລະບົບຍ່ອຍອາຫານໄດ້ດີຂຶ້ນ,ໝາກຂອງມັນ 100 ກຣາມ ໃຫ້ພະລັງງານຕໍ່ຮ່າງກາຍ 55 ກິໂລແຄລໍຣີ, ມີເສັ້ນໄຍ 5,2 ກຣາມ, ແຄວຊຽມ 4 ມິນລີກຣາມ,
ຟອສຟໍຣັສ 14 ມິນລີກຣາມ, ທາດເຫຼັກ1,2 ມິນລີກຣາມ, ວິຕາມິນເອ, ວິຕາມິນບີ,ໄນອາຊີນ ແລະ ວິຕາມິນເຊຢ່າງຫຼວງຫຼາຍ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ