ໜໍ່ໄມ້ຝຣັ່ງໄດ້ຈັດເຂົ້າໃນຈຳພວກພືດຜັກທີ່ມີລົດຊາດແຊບ ຊຶ່ງນຳມາປະກອບອາຫານໄດ້ຫຼາຍຊະນິດເປັນຕົ້ນແມ່ນນຳມາຂົ້ວ ແລະ ເຮັດໜໍ່ໄມ້ກະປ໋ອງສາມາດຮັກສາໄວ້ກິນດົນມີຕົ້ນກຳເນີດຢູ່ໃນປະເທດຈີນ ຫຼັງຈາກນັ້ນ ໄດ້ແຜ່ຂະຫຍາຍໄປຍັງປະເທດຕ່າງໆເຊັ່ນ: ສປປ ລາວ, ໄທ, ອິນ ໂດເນເຊຍ, ອົດສະຕາລີ ແລະ ປະເທດອື່ນໆ ປະຈຸບັນໜໍ່ໄມ້ຝຣັ່ງນິຍົມກັນປູກຫຼາຍໃນທົ່ວໂລກ.
ສະພາບດິນທີ່ເໝາະສົມສຳລັບການປູກໜໍ່ໄມ້ຝຣັ່ງ:
ເປັນດິນທີ່ຜຸຜຸ່ຍດີ, ດິນຜົງປົນຊາຍ, ອຸດົມສົມບູນໄປດ້ວຍທາດອາຫານ
ຫຼື ເປັນດິນທັບຖົມຈາກນ້ຳຖ້ວມ ຊຶ່ງສາມາດອຸ້ມນ້ຳໄດ້ດີ ແລະ
ຖ່າຍເທອາຫານໄດ້ສະດວກປະຕິກິລິຍາຂອງດິນແມ່ນ (ph) 5,5-7 ຖ້າວ່າປູກໃນດິນຜົງປົນຊາຍຈະຕັດໜໍ່ໄດ້ໄວກວ່າດີນປະເພດອື່ນໆ.
ລະດູການປູກ
ລະດູການປູກທີ່ເໝາະສົມປູກຢູ່ປະເທດລາວເຮົາຕ້ອງເລີ່ມປູກ
ແຕ່ທ້າຍລະດູຝົນໃນກາງເດືອນຕຸລາເປັນຕົ້ນໄປ ຖ້າວ່າປູກໃນໄລຍະອາກາດຮ້ອນຫຼາຍກໍຈະເຮັດໃຫ້ໜໍ່ໄມ້ຝຣັ່ງຕັ້ງໂຕໄດ້ຍາກ
ແລະ ຂະຫຍາຍໂຕຊ້າບໍ່ແຂງແຮງ.
ວິທີການປູກ
1. ການຕຽມດິນ
ສຳລັບໜານປູກ
ໜໍ່ໄມ້ຝຣັ່ງເປັນພືດຢືນຕົ້ນມີອາຍຸ 5-20 ປີ ດັ່ງນັ້ນ ການຕຽມເພື່ອປູກຄວນຂຸດ ຫຼື
ໄຖໃຫ້ເລີກ 30-40
ຊັງຕີແມັດອະນາໄມສິ່ງທີ່ກີດຂວາງອອກໃຫ້ໝົດຖ້າເປັນດິນບໍ່ດີເຊັ່ນດິນລ້ວນ
ຫຼື ມີອິນຊີວັດຖຸ ໜ້ອຍຄວນໃສ່ຝຸ່ນຄອກປະມານ 6-12
ໂຕນຕໍ່ເຮັກຕາປະສົມເຂົ້າກັບດິນໃຫ້ລະອຽດແລ້ວຂຸດເປັນຂຸມກວ້າງ 50
ຊັງຕີແມັດ ຍາວ ຕາມຄວາມຕ້ອງການ, ແຕ່ລະຮ່ອງມີໄລຍະຕ່າງກັນ 50-100
ຊັງຕີແມັດ ແລະ ຂຸດເປັນຂຸມເທິງ ຫຼັງຮ່ອງກວ້າງ 20
ຊັງຕີແມັດ, ເລີກ
15
ຊັງຕີແມັດແຕ່ລະຂຸມຕ່າງກັນ 50-100 ຊັງຕີແມັດ ໃສ່ຝຸ່ນຄອກ ຫຼື ຝຸ່ນບົ່ມ,ໃສ່ໃນຮ່ອງກົ້ນຂຸມ
1-2g ປຸ໋ຍເຄມ
N:P:K ສູດ
15-15-15
ຫຼື 14-14-21
ຂຸມລະ 1
ບ່ວງແກງແລ້ວຖົມດິນທີ່ປະສົມໃສ່ໃຫ້ໜາ 3-4 ຊັງຕີແມັດ ເມື່ອຕຽມໜານປູກສຳເລັດແລ້ວໃຫ້ຂຸດຍ້າຍໜໍ່ໄມ້ໄປໜານກ້າໄປປູກໂລດ
ເມື່ອເວລາຍ້າຍປູກຄວນຍ້າຍຕອນແລງເວລາແສງແດດອ່ອນ, ເລືອກເອົາຕົ້ນທີ່ງາມ
ແລະ ແຂງແຮງດີຂຸດເອົາເທື່ອລະຕົ້ນຄວນ ໃຫ້ມີດິນຕິດເຫົ້ງາຂອງເບ້ຍໄປນຳລະວັງບໍ່ໃຫ້ຮາກຂາດເວລາປູກຕ້ອງຕັດຍອດອອກເຄິ່ງໜຶ່ງແລ້ວ
ຈິ່ງນຳໄປປູກໃນຂຸມທີ່ຕຽມໄວ້, ຈັບຮາກໃຫ້ແຜ່ກະຈ່າຍອອກໄປ ຫຼັງຈາກນັ້ນ
ຖົມດິນ ແລະ ຫົດນ້ຳໃຫ້ສະໝ່ຳສະເໝີພາຍຫຼັງຕົ້ນເຕີບໂຕແລ້ວຈິ່ງພວນດິນຖົມເຫງົ້າຕົ້ນອີກເທື່ອໜຶ່ງ.
2. ການໃຫ້ນ້ຳ:
ການໃຫ້ນ້ຳໜໍ່ໄມ້ຝຣັ່ງໃນເບື້ອງຕົ້ນໃຫ້ເທື່ອລະໜ້ອຍ
ແລະ ໃຫ້ເປັນປະຈຳທຸກວັນໃນໄລຍະເດືອນທຳອິດເປັນໄລຍະ ທີ່ໜໍ່ໄມ້ຕັ້ງຕົວເມື່ອຈະເລີນເຕີບ
ໂຕຂຶ້ນແລ້ວກໍໃຫ້ນ້ຳ 4-5 ວັນຕໍ່ເທື່ອ ໂດຍອີງໃສ່ຄວາມຊຸ່ມຂອງ ດິນເປັນພື້ນຖານຖ້າຝົນຕົກ
ຫຼື ດິນແຫ້ງຄວນໃຫ້ນ້ຳເພີ່ມຂຶ້ນ ແລະ ຖີ່ຂຶ້ນໜໍ່ໄມ້ຝຣັ່ງເປັນພືດທີ່ຕ້ອງການນ້ຳຫຼາຍແຕ່ບໍ່ມັກນ້ຳຖ້ວມ
ຫຼື ນ້ຳຂັງຖ້າຝົນຕົກຫຼາຍຕ້ອງເປັ່ງ ນ້ຳອອກຈາກແປງໃຫ້ໝົດ.
3. ການບົວລະບັດຮັກສາ:
ໃນໄລຍະຕົ້ນກ້າກຳລັງຈະເລີນເຕີບໂຕຄວນຄັດເອົາຕົ້ນທີ່ມັນອ່ອນແອ, ບໍ່ສົມບູນ
ແລະ ຕົ້ນທີ່ເປັນພະຍາດນັ້ນອອກແລ້ວເສຍຫຍ້າໄປ ພ້ອມກັນຈາກນັ້ນ
ກໍໃສ່ຝຸ່ນເລັ່ງປະເພດຢູເຣຍ 46% ຈຳນວນ 2 ບ່ວງແກງຕໍ່ນ້ຳ 20 ລິດ
ຫົດໜານກ້າທຸກໆ 7
ວັນພໍເມື່ອຕົ້ນກ້າອາຍຸ ໄດ້ປະມານ 4-5 ເດືອນ ຂຸດໄປປູກທີ່ໜານໃຫຍ່.
4. ການເສຍຫຍ້າພວນດິນ:
ການເສຍຫຍ້າເປັນປັດໄຈໜຶ່ງທີ່ສຳຄັນ
ເພື່ອບໍ່ໃຫ້ວັດຊະພືດໄປຍາດແຍ່ງອາຫານທັງເປັນການປ້ອງກັນພະຍາດ ແລະ ແມງໄມ້ອີກດ້ວຍການເສຍຫຍ້າໃຊ້ແຮງງານຄົນກໍໄດ້ແຕ່ຄວນປະຕິບັດກ່ອນທີ່ໜໍ່ໄມ້ຈະອອກໜໍ່
ເພື່ອບໍ່ໃຫ້ກະທົບກະເທືອນຕໍ່ການຈະເລີນເຕີບໂຕຂອງໜໍ່ໄມ້ໃນກໍລະນີທີ່ຫຍ້າຮົກເກີນໄປອາດຈະໃຊ້ຢາຂ້າ
ຫຍ້າກໍໄດ້ແລ້ວແຕ່ຄວາມເໝາະສົມ, ການພວນດິນກໍເປັນສິ່ງຈຳເປັນເຮັດໃຫ້ດິນຜຸຜົງ
ແລະ ຖ່າຍເທອາກາດໄດ້ດີຕ້ອງພວນເລີກປະມານ 7-10 ຊັງຕີແມັດ ຫ່າງຈາກຕົ້ນພືດ 15-20
ຊັງຕີແມັດ ກ່ອນຈະພວນດິນຄວນຢຸດການໃຫ້ນ້ຳເສຍກ່ອນເພື່ອເຮັດໃຫ້ດິນແຫ້ງ
ແລະ ເປັນການຂ້າຫຍ້າໄປພ້ອມໆກັນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ