ສຳລັບເຕັກນິກການປູກເຂົ້າກ້າກີບດຽວແມ່ນວິທະຍາການໜຶ່ງຂອງການປູກພືດລົ້ມລຸກ
ເວົ້າລວມ ມັນມີຂໍ້ດີຫຼາຍຢ່າງເປັນຕົ້ນແມ່ນປະຫຍັດແນວປູກ 1 ເຮັກຕາ ໃຊ້ແນວປູກ 6 ກິໂລ, ປະຢັດນ້ຳໄດ້ 30-50%,
ປະຢັດເວລາ, ປະຢັດແຮງງານໃນການຕົກກ້າ, ຫຼົກກ້າ, ຫາບກ້າ ແລະ ການປັກດຳ; ວິທີການຕົກກ້າເລີ່ມຈາກການກະ
ກຽມດິນໃຫ້ຖືກຕາມຫຼັກວິຊາການ ເປັນຕົ້ນ: ດິນ 1 ສ່ວນ, ຊາຍ 1 ສ່ວນປະສົມເຂົ້າກັນໃຫ້ລະອຽດແລ້ວມາກ້າໃສ່ແຕະທີ່ສາມາດເຮັດດ້ວຍໄມ້ໄຜ່, ແນວພັນເຂົ້າຕ້ອງແມ່ນແນວພັນປັບປຸງພັນໃດກໍໄດ້
ແຕ່ມີອາຍຸສັ້ນ ຫຼື ປານກາງ, ເມື່ອກ້າມີອາຍຸ 7-14 ວັນ ກໍສາມາດນຳໄປປູກໄດ້ກ່ອນຈະນຳໄປປູກຕ້ອງໄດ້ກຽມດິນ
ແລະ ໃສ່ຝຸ່ນຄອກໃຫ້ລະອຽດ, ໄລຍະປັກດຳພາຍຫຼັງໄຖ ແລະ
ຄາດລະອຽດແລ້ວ ເຮົາຕ້ອງເປັ່ງນ້ຳອອກໃຫ້ແຫ້ງ, ຂີດໃຫ້ສະເໝີໄລຍະຫ່າງ 30x30 ຫຼື 25x25 ຊັງຕີແມັດຕາມຄວາມເໝາະສົມ, ການປັກດຳຕ້ອງປັກດຳໃສ່ບ່ອນຈຸດເສັ້ນຕັດກັນ
ແລະ ດຳໄປທາງໜ້າ, ການບົວລະບັດຮັກສາເຮົາຕ້ອງເອົາໃຈໃສ່ຕິດຕາມສັດຕູພືດຕະຫຼອດຮອດການການພູນດິນໃສ່ຝຸ່ນ
ແລະ ການເສຍຫຍ້າ, ການໃຫ້ນ້ຳຕ້ອງມີຊົນລະປະທານສະດວກ,
ຫຼັງປັກດຳແລ້ວໃຫ້ນ້ຳໝູນວຽນກັນ
ໄປ 5 ວັນ ແຫ້ງ,
5 ວັນປຽກ, ຮອດ 21 ວັນ ແມ່ນ 10 ວັນແຫ້ງ, 10 ວັນປຽກ ຈົນເຖິງມື້ເຂົ້າອອກຮວງ ຈິ່ງເອົານ້ຳຂັງໄວ້ຕະຫຼອດຈົນເຖິງມື້ເກັບກ່ຽວ, ກ່ອນຈະເກັບກ່ຽວປະມານ 10 ວັນ ຕ້ອງເປັ່ງນ້ຳອອກໃຫ້ແຫ້ງ ເພື່ອສະດວກໃນການເກັບກ່ຽວ; ການເສຍຫຍ້າ: ເມື່ອເສຍຫຍ້າຄັ້ງ ທີ 1 ຫຼັງຈາກປັກດຳ 20 ກວ່າມື້ ເຮົາຈະສັງເກດເຫັນວ່າເຂົ້າເລີ່ມງອກງາມແລ້ວກໍ່ເລີ່ມລົງມືເສຍຫຍ້າຄັ້ງທີ
2 ໂລດ ໂດຍນຳໃຊ້
ເຄື່ອງພູນດິນທີ່ເຮົາສາມາດເຮັດເອົາເອງໄດ້. ໃນນາມຄອບຄົວຕົວແບບຂອງປະຊາຊົນພາຍໃນບ້ານ
ທ່ານ ຄຳໂກ້ ເຂັມມະນີຈັນ ພ້ອມແລ້ວທີ່ຈະໃຫ້ຄຳປຶກສາຫາກຄອບຄົວໃດສົນໃຈປູກເຂົ້າກ້າກີບດຽວ
ແລະ ຈະສືບຕໍ່ເສີມຂະຫຍາຍເຕັກ ນິກໃນການປູກເຂົ້າຕົ້ນດຽວໃຫ້ກ້ວາງຂວາງ
ແລະ ດີຂຶ້ນຕື່ມ.
Thursday, February 26, 2015
Subscribe to:
Post Comments (Atom)
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ