ໝາກລະມຸດເປັນໝາກໄມ້ຊະນິດໜຶ່ງທີ່ໃຜໆກໍຮູ້ຈັກກັນດີວ່າໝາກໄມ້ທີ່ມີຄວາມແຊບ
ແລະ ບ້ານເຮົານັ້ນກໍມີປູກຢູ່ບາງຂົງເຂດ ດັ່ງນັ້ນການທີ່ຈະປູກໝາກລະມຸດນັ້ນເໝາະທີ່ສຸດຄວນເລີ່ມປູກຕັ້ງແຕ່ລະດູຝົນໄປຮອດກາງລະດູຝົນຈິ່ງຈະດີທີ່ສຸດ.
ເຕັກນິກວິທີການປູກ
ວິທີປູກລະມຸດນັ້ນຕ້ອງກຽມຂຸມທີ່ມີຂະໜາດ
30x30x30
ຊັງຕີແມັດ ໂດຍເອົາດິນມາປະສົມກັບປຸ໋ຍ ຫຼື ວ່າຝຸ່ນຄອກ ປະສົມເຂົ້າກັນແລ້ວເທລົງຂຸມ
ຫຼັງຈາກນັ້ນກໍເອົາເບ້ຍມາປູກທີ່ກຽມໄວ້ໃຫ້ມັນຊື່ໆ
ແລ້ວກໍເອົາດິນທີ່ຂຸດຂຶ້ນນັ້ນມາຖົມລົງເພື່ອໃຫ້ຮາກຈັບດິນ
ຮາກຈະໄດ້ຫາອາຫານໄດ້ໄວ້ ຫຼັງຈາກນັ້ນກໍປັກຫຼັກໃຫ້ໃກ້ກັບລຳຕົ້ນ
ເພື່ອກັນລົມພັດ ນອກຈາກນັ້ນ ແລ້ວຕ້ອງເຮັດແນວກັນລົມໃຫ້ນຳ
ເພາະການເຮັດທີ່ບັງລົມນັ້ນມັນຈະຊ່ວຍໃຫ້ຕົ້ນໝາກລະມຸດຕັ້ງຕົວໄດ້ ແລະ
ຈະເລີນເຕີບໃຫຍ່ໄວ.
ການຫົດນ້ຳຕ້ອງຫົດໃຫ້ຊຸ່ມ ຖ້າວ່າດິນຫາກຍຸບຕົວລົງຕ້ອງເອົາດິນນາມາຖົມຄືນໃຫ້ເຕັມຄືເກົ່າ
ໄລຍະທີ່ຮາກເລີ່ມຈະເລີນເຕີບໂຕລະມຸດຈະແຕກໃບອ່ອນ ໃນໄລຍະນີ້ຄວນສີດຢາເພື່ອປ້ອງກັນແມງໄມ້ທີ່ຈະມາກັດກິນໃບອ່ອນ
ຫຼັງຈາກນັ້ນກໍເບິ່ງແຍງດູແລຕາມປົກກະຕິ.
ການທີ່ເຮົາປູກຕົ້ນໝາກລະມຸດນັ້ນເຮົາຍັງມີເນື້ອທີ່ດິນເຫຼືອຫຼາຍ
ເພາະໄລຍະຫ່າງທີ່ເຮົາປູກນັ້ນມີຄວາມຫ່າງພໍສົມຄວນ ແລະ ຕົ້ນໝາກລະມຸດກໍເປົນຕົ້ນໄມ້ຄະໜາດກາງ
ເຮົາກໍສາມາດປູກພືດຊະນິດອື່ນແຊມລະຫວ່າງແຖວເປັນການເພີ່ມລາຍໄດ້ ແລະ
ຊ່ວຍບັງລົມໃຫ້ແກ່ຕົ້ນລະມຸດໃນໄລຍະປີທຳອິດໄດ້ເປັນຢ່າງດີ
ແຕ່ຕ້ອງເປັນໄລຍະທີ່ລະມຸດມີຂະໜາດຕົ້ນທີ່ນ້ອຍ, ສຳລັບພືດທີ່ຈະນຳມາປູກແຊມລະຫວ່າງແຖວລະມຸດນັ້ນຕ້ອງເປັນພືດທີ່ມີການຈະເລີນເຕີບໂຕໄວ
ແລະ ໃຫ້ຜົນຜະລິດໃນໄລຍະເວລາສັ້ນໆເຊັ່ນວ່າ ກ້ວຍ, ໝາກຫຸ່ງ, ໝາກເຜັດ, ໝາກເຂືອ, ໝາກອຶ
ຫຼື ວ່າພືດທີ່ສາມາດປູກໄດ້ດີໃນພື້ນທີ່ນັ້ນ.
ຕົ້ນໝາກລະມຸດທີ່ຫາກໍປູກໃໝ່ໆຈະຕ້ອງໃຫ້ນ້ຳທຸກໆວັນໃນຕອນແລງ
ແຕ່ນອກນີ້ຍັງຂຶ້ນຢູ່ກັບສະພາບຄວາມຊຸ່ມຂອງດິນ ແລະ ສະພາບແວດລ້ອມນຳ
ການໃຫ້ນ້ຳລະມຸດທີ່ໃຫ້ຜົນຜະລິດແລ້ວນັ້ນ ຈະບໍ່ມີຜົນກະທົບກະເທືອນຕໍ່ການອອກດອກອອກຜົນຢ່າງໃດ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ