ການປູກເຫັດເຟືອງໃສ່ກະຕ່າ
ເຫັດເຟືອງເປັນເຫັດທີ່ມີລົດຊາດແຊບເປັນທີ່ຕ້ອງການຂອງຕະຫຼາດຫຼາຍ ລາຄາກໍບໍ່ແພງຫຼາຍສຳລັບຜູ້ບໍລິໂພກເຫັດເຟືອງເປັນເຫັດທີ່ເພາະພັນໄດ້ຍາກຈິ່ງບໍ່ຄ່ອຍມີຄົນທີ່ນິຍົມປູກກັນຫຼາຍ ມື້ນີ້ຄໍລຳກະສິກຳມີວິທີການປູກເຫັດເຟືອງ ໃສ່ກະຕ່າມາໃຫ້ທ່ານທີ່ກຳລັງຢາກປູກເຫັດເຟືອງໄດ້ຮູ້ວິທີ.
ວິທີການປູກເຫັດເຟືອງໃສ່ກະຕ່າ
ທຳອິດເຮົາຕ້ອງກຽມອຸປະກອນກໍຄືກະຕ່າຂະໜາດກາງທີ່ເຮົາໃສ່ເສື້ອຜ້ານັ້ນເອງ
ແລະ ກຽມເຊື້ອເຫັດເຟືອງທີ່ມີອາຍຸ 7 ມື້ ກ້ອນ ເຊື້ອເຫັດເກົ່າເຟືອງເຂົ້າອາຫານເສີມເຊັ່ນຜັກຕົບສົດ, ອາຫານກະຕຸ້ນຫົວເຊື້ອໄດ້ແກ່ແປ້ງສາລີ
ຫຼື ແປ້ງເຂົ້າໜຽວ ແລະ ອຸປະກອນສຸດທ້າຍຄືສຸ່ມໄກ່ກັບຢາງພາສຕິກສຳລັບໄວ້ຄຸມ.
ເລີ່ມຈາກການນຳເຊື້ອເຫັດທີ່ກຽມໄວ້ໄປສີກເປັນຕ່ອນນ້ອຍໆ
ແລ້ວເອົາແປ້ງສາລີ ຫຼື ແປ້ງເຂົ້າໜຽວທີ່ກຽມໄວ້ມາໂຮຍ ຈາກນັ້ນ
ກໍນຳເຟືອງເຂົ້າມາໃສ່ໃນກະຕ່າສູງປະມານ 2-3 cm ແລະ ໂຮຍ
ຜັກຕົບລົງໃຫ້ຕິດກັບຂອບກະຕ່າ ໃຫ້ຫຼາຍເທົ່າກັບເຟືອງເຂົ້ານຳ
ເຊື້ອເຫັດທີ່ກຽມໄວ້ມາວາງເປັນຈຸດແລ້ວເອົາເຟືອງປົກອີກເທື່ອໜຶ່ງ, ເຮັດຊ້ຳກັນແບບນີ້ໃຫ້ຄົບ
3
ຊັ້ນ ແລະ ຫົດນ້ຳທັນທີ.
ຫຼັງຈາກນັ້ນກໍເອົາກະຕ່າທີ່ເຮົາເພາະເຫັດເຟືອງໄປໄວ້ໃນສະຖານທີ່ທີ່ກຽມໄວ້
ເອົາສຸ່ມງວມກະຕ່າໄວ້ແລ້ວເອົາຢາງພາສຕິກຄຸມສຸ່ມ ໄວ້ເພື່ອຄວບຄຸມອຸນຫະພູມ
ຫຼັງຈາກເວລາຜ່ານໄປ 7-9 ວັນ ເຫັດ ກໍເລີ່ມອອກດອກໃຫ້ເຮົາເກັບໄດ້
ແລ້ວ ແຕ່ຂໍແນະນຳເວລາເກັບຄວນເກັບຕອນເຊົ້າມືດເຫັດຍັງເປັນດອກກິນແຊບໜ້າຮັບປະທານ.
ຖ້າທ່ານໃດທີ່ກຳລັງຄິດຢາກປູກເຮົາຄວນປູກກະຕ່າດຽວກ່ອນ
ເພື່ອໃຫ້ເຮົາຊຳນານແລ້ວຈິ່ງເພີ່ມປະລິມານຂຶ້ນເລື້ອຍໆ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ