ໝາກຫຸ່ງເປັນໝາກໄມ້ຊະນິດໜຶ່ງທີ່ຊາວກະສິກອນນິຍົມກັນປູກຫຼາຍ ເພາະເປັນພືດທີ່ໃຫ້ຜົນຜະລິດໄວຜູ້ປູກສາມາດປູກແຊມໃນພືດຫຼັກກ່ອນໃຫ້ຜົນຜະລິດ ຫຼື ປູກເປັນພືດຫຼັກເພື່ອຈຳໜ່າຍເປັນສິນຄ້າໂດຍກົງໃນແງ່ຂອງຜູ້ບໍລິໂພກແລ້ວໝາກຫຸ່ງເປັນໝາກໄມ້ທີ່ໃຫ້ຄວາມນິຍົມກັນບໍລິໂພກຫຼາຍເຊັ່ນວ່າ: ຕຳໝາກຫຸ່ງ ຫຼື ເອົາໄວ້ກິນສຸກ ເພາະກິນແລ້ວບໍ່ຕຸ້ຍແຖມຍັງຊ່ວຍລະບົບຂັບຖ່າຍໄດ້ດີນຳອີກ.
ລັກສະນະທົ່ວໄປຂອງຫມາກຫຸ່ງ
ໝາກຫຸ່ງຊະນິດນີ້ລຳຕົ້ນໃຫ່ຍ, ໃບມີ 11 ແຊກໃຫຍ່, ກາງໃບມີໂຄງໃບ
1
ໃບ, ກ້ານໃບສີຂຽວຕັ້ງຂຶ້ນ, ດອກອອກເປັນຊໍ່, ມີໝາກດົກ, ອາຍຸການເກັບກ່ຽວ
8
ເດືອນ, ນ້ຳໜັກປະມານ
8
ຂີດ ເຖິງ 2
ກິໂລຕໍ່ໜ່ວຍ, ຊີ້ນເປັນ
ສີແດງອົມສົ້ມບໍ່ເລະ, ຊີ້ນໜາ 2,5-3 ຊັງຕີແມັດ ແລະ ມີລົດຊາດຫວານ, ຜົນຜະລິດຕໍ່ຕົ້ນ
60-80
ກິໂລ. ຈຸດເດັ່ນທີ່ສັງເກດໄດ້ງ່າຍໝາກຫຸ່ງຊະນິດນີ້
ຢູ່ປາຍຂອງມັນຈະກ້ຽງລຽບມົນບໍ່ເປັນກະຕູດກະຕີດ ຫຼັງຈາກປູກໄດ້ 3 ເດືອນ
ໝາກຫຸ່ງກໍຈະອອກດອກ, ຈະມີທັງດອກແມ່ ແລະ ດອກກະເທີຍ, ກ່ອນດອກບານຈະຕ້ອງໄດ້ຫໍ່ດອກກະເທີຍດ້ວຍມຸ້ງ
ຫຼື ຜ້າຂາວບາງໆ ເພື່ອໃຫ້ມີການປະສົມເກສອນຕົວເອງ ແລະ ບໍ່ປະສົມຂ້າມພັນກັບຕົວອື່ນໆ ເມື່ອໝາກຫຸ່ງສຸກແກ່ກໍນຳເອົາແກ່ນໄປກ້າໃຫ້ໄດ້ຕົ້ນໃໝ່
ຊຶ່ງຈະໄດ້ຜົນກະເທີນ (ບໍ່ເຕັມ 100% ຈະໄດ້ປະມານ 70-80%).
ວິທີການປູກ ແລະ ບົວລະບັດ ຮັກສາຫມາກຫຸ່ງ
ສາມາດປູກໄດ້ທຸກສະພາບພື້ນທີ່ຍົກເວັ້ນພື້ນທີ່ໆມີນ້ຳຂັງດິນທີ່ເໝາະສົມມີຄວາມເປັນກົດເປັນດ່າງ
5,0-5,5. ໄລຍະປູກ
2,5x3
ແມັດ, ໄລ່ໜຶ່ງສາມາດປູກໄດ້
224
ຕົ້ນ, ຫຼັງປູກແລ້ວຕ້ອງໃຫ້ນ້ຳສະໝ່ຳສະເໝີ, ໝາກຫຸ່ງຈະໃຫ້ຜົນຜະລິດດີ, ປຸ່ຍທີ່ໃສ່ໃຫ້ເລີ່ມຕົ້ນດ້ວຍປຸ່ຍໝັກ
ແລະ ຝຸ່ນຄອກ ສຳລັບປຸ່ຍວິທະຍາສາດໃຫ້ໃຊ້ສູດ 15-15-15 ໃນໄລຍະທີ່ຕິດໝາກອ່ອນ, ກ່ອນການ
ເກັບກ່ຽວໃຫ້ໃຊ້ສູດ 13-13-21 ໃສ່ອ້ອມໆຕົ້ນຈຳນວນ 1
ບ່ວງໃຫຍ່/ຕົ້ນ.
ລະດູເກັບກ່ຽວ ຫມາກຫຸ່ງ
ເມື່ອປູກໄດ້ 7-8 ເດືອນ ໝາກຫຸ່ງຈະສຸກແກ່ເລີ່ມເກັບຜົນຜະລິດໄດ້
ຖ້າບົວລະບັດຮັກສາປານກາງຈະໄດ້ຜົນຜະລິດປະມານ 5-8
ໂຕນຕໍ່ໄລ່, ວິທີການເກັບກ່ຽວນັ້ນເລືອກເກັບສະເພາະໝາກທີ່ສຸກ
5-10%
ຄືຜິວນອກມີແກ້ມສີເຫຼືອງເລັກນ້ອຍແມ່ນສາມາດເກັບກ່ຽວໄດ້.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ