ປະຫວັດຄວາມເປັນມາຂອງນົກກະທາ
ນົກກະທາມີລ້ຽງຢູ່ໃນອາຊີ, ອາເມລີກາ
ແລະ ເອີຣົບ ແຕ່ບໍ່ມີຫຼັກຖານຊັດເຈນໄດ້ແທ້ວ່າ ປະເທດໃດເລີ່ມລ້ຽງນົກກະທາເປັນແຫ່ງທຳອິດ
ແຕ່ສຳລັບໃນແຖບອາຊີແລ້ວແມ່ນປະເທດຍີ່ປຸ່ນ ທີ່ນຳນົກກະທາມາລ້ຽງກ່ອນໝູ່ເປົ້າໝາຍແມ່ນເພື່ອຟັງສຽງຮ້ອງຂອງນົກ
ສະນັ້ນ ຕໍ່ມາຈິ່ງໄດ້ມີການປັບປຸງ ແລະ ພັດທະນາຈົນໄດ້ນົກກະທາທີ່ໃຫ້ໄຂ່ໄດ້.
ວິທີການລ້ຽງ
ຂັ້ນຕອນການລ້ຽງນົກກະ
ທາແມ່ນຊື້ເອົາລູກນົກກະທາທີ່ເພິ່ນເພາະລູກຂາຍຈາກຟາມທີ່ມີອາຍຸ 18
ມື້ມາລ້ຽງ ຫຼື ວ່າຈະນຳມາເອົາໄຂ່ນົກກະທາທີ່ມີເຊື້ອມາຝັກເອງ
ແຕ່ສ່ວນຫຼາຍແລ້ວວິທີນີ້ບໍ່ຄ່ອຍມີໃຜນຳມາປະຕິບັດພໍປານໃດ, ການລ້ຽງນົກກະທາສາມາດລ້ຽງໄດ້ໂດຍການໃຊ້ພື້ນທີ່ປູດ້ວຍແກບ
ຫຼື ວ່າເປືອກເຂົ້າ ແລະ
ອາດຈະໃຊ້ເປົ໋າປ່ານປູຮອງພື້ນເພື່ອຊ່ວຍບໍ່ໃຫ້ຂານົກລອດກົງ ຂະໜາດຂອງກົງຂຶ້ນຢູ່ກັບຂະໜາດຂອງລູກນົກ
ໂດຍທົ່ວໄປຈະໃຊ້ຂະໜາດກວ້າງ 1 ເເມັດ ຄວາມຍາວ 0,5
ແມັດ ສຳລັບລູກນົກທີ່ມີອາຍຸ 1-20 ວັນ ໄດ້ປະມານ 250-300
ໂຕ, ສຳລັບລູກນົກທີ່ຫາແຕ່ອອກຈາກໄຂ່ໃໝ່ໆ
ຕ້ອງການຄວາມອົບອຸ່ນເຊັ່ນດຽວກັນກັບລູກເປັດ, ລູກໄກ່
ຈິ່ງຈຳເປັນຕ້ອງໃຫ້ຄວາມອົບອຸ່ນໂດຍໃຊ້ຫຼອດໄຟຟ້າ 1
ຫຼອດສຳລັບລູກນົກ 60-100 ໂຕ ອຸນຫະພູມທີ່ໃຊ້ໃນກົງໃນທິດທຳອິດໃຫ້ອຸ່ນພໍປະມານ.
ການໃຫ້ອາຫານ
ໃນການໃຫ້ນ້ຳ
ແລະ ອາຫານ ຈະຕ້ອງຈັດໃຫ້ພຽງພໍກັບຈຳນວນລູກນົກທີ່ລ້ຽງບໍ່ໃຫ້ໄດ້ຍາດກັນ, ພາຊະນະໃນການໃຫ້ອາຫານສຳລັບລູກນົກຄວນໃຊ້ຖາດແບນໆທີ່ມີຂອບສູງບໍ່ເກີນ
1-2 ຊັງຕີແມັດ ຖ້າຫາກຂອບສູງເກີນໄປລູກນົກຈະບໍ່ສາມາດກິນອາຫານໄດ້
ໂດຍສະເພາະແມ່ນໃນໄລຍະ 3 ວັນຂຶ້ນໄປ ຫຼັງຈາກນັ້ນອາດໃຊ້ຮາງອາຫານແບບໄກ່ກໍໄດ້.
ການບົວລະບັດຮັກສາ
ເມື່ອລູກນົກມີອາຍຸ
30
ວັນຂຶ້ນໄປກ່ອນຈະແຍກໄປລ້ຽງໃນກົງໃຫຍ່ຄວນຈະຕັດປາກເສຍກ່ອນ
ເພື່ອເປັນການປ້ອງກັນບໍ່ໃຫ້ນົກຈິກກັນ ວິທີການຕັດປາກນົກກະທານັ້ນເຮັດແບບດຽວກັນກັບຕັດປາກໄກ່
ໃນການຄັດເລືອກປະເພດຂອງນົກກະທາສາມາດສັງເກດໄດ້ໃນເມື່ອນົກມີອາຍຸ 3
ເດືອນ ເຮົາຈະໃຊ້ວິທີສັງເກດຈາກ ລັກສະນະພາຍນອກຂອງນົກ ນັ້ນກໍຄືສີຂົນ
ນົກໂຕຜູ້ຈະມີຂົນ ໜ້າເອິກ ແລະ ບໍລິເວນລຳຄໍເປັນສີເຫຼືອງນ້ຳຕານປົນຂາວ
ຫຼື ສີນ້ຳຕານປົນແດງ ແລະ ຂົນບໍລິເວນແກ້ມກໍມີສີນ້ຳຕານແກມແດງເຊັ່ນກັນ, ສ່ວນນົກກະທາໂຕແມ່ມີສີຂົນບໍລິເວນຄໍບໍ່ຄ່ອຍເຂັ້ມປານໃດ
ຫຼື ອາດມີສີນ້ຳຕານປົນເທົາ ແລະ
ມີສີລາຍດຳປົນຂາວເມື່ອຄັດແຍກເພດໄດ້ຮຽບຮ້ອຍແລ້ວ ນົກກະທາໂຕຜູ້ກໍນຳໄປລ້ຽງເປັນນົກຊີ້ນຂາຍ
ສ່ວນວ່ານົກໂຕແມ່ກໍນຳໄປຕັດປາກ ແລະ ລ້ຽງເປັນນົກກະທາໄຂ່ຂາຍຕໍ່ໄປ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ