ຮໍໂມນໄຂ່
ການເຮັດນ້ຳໝັກສູດຮອກ
ໂມນໄຂ່ແມ່ນທາງເລືອກໜຶ່ງຂອງພະແນກພັດທະນາສັງຄົມບໍລິສັດໄຟຟ້າຫົງສາທີ່ໄດ້ແນະນຳໃຫ້
ຊາວຜູ້ປູກພືດເຂດບ້ານນາແກ່ນ ຄຳເມືອງຫົງສາ ຫັນມານຳໃຊ້
ເພື່ອສ້າງໃຫ້ພືດທີ່ກຳລັງຢູ່ໃນໄລຍະຂອງການຕິດໝາກເຮັດໃຫ້
ໝາກໄມ້ມີລົດຊາດຫວານ, ໄດ້ນ້ຳໜັກ ແລະ ຜົນຜະລິດດົກດີ. ອຸປະກອນໃນການເຮັດນ້ຳ ໝັກປະກອບມີ: ໄຂ່ໄກ່ 5 ກິໂລ, ກາກນ້ຳຕານ 3 ກິໂລ, ແປ້ງເຫຼົ້າຫວານ 1 ກ້ອນ, ນົມສົ້ມ
(ໂຍເກີດ) 10 ຂວດ ແລະ ຖັງພລາສຕິກມີຝາ ປິດ 1 ຖັງ ພ້ອມທັງໄມ້ສຳລັບຄົນ. ສ່ວນຂັ້ນຕອນໃນການເຮັດ ແມ່ນຕົ້ມນ້ຳໃຫ້ຟົດ, ເອົາໄຂ່ໄກ່ທີ່ກຽມໄວ້ລົງໄປລວກໃນໝໍ້ປະມານ 5 ວິນາທີ ຈາກນັ້ນໃຫ້ເທນ້ຳຖິ້ມ
ເພື່ອບໍ່ໃຫ້ໄຂ່ມີກິ່ນຄາວ, ທັບໄຂ່ໄກ່ໃສ່ໝໍ້ທີ່ກຽມໄວ້
ແລະ ຕີໃຫ້ແຕກ, ເປືອກໄຂ່ໃຫ້ເອົາມາຕຳໃຫ້ແຫຼກລະອຽດ, ສ່ວນແປ້ງເຫຼົ້າຫວານກໍຄວນຕຳໃຫ້ລະອຽດ ຈາກນັ້ນ
ຄົນແປ້ງເຫຼົ້າກັບໄຂ່ໄກ່ທີ່ກຽມໄວ້ໃຫ້ເຂົ້າກັນດີແລ້ວເທນົມສົ້ມລົງປະສົມກັບເປືອກໄຂ່ທີ່ຕຳແຫຼກ
ປະສົມລົງໄປຕໍ່ມາໃຫ້ເທກາກນ້ຳຕານລົງໄປແລ້ວຄົນສ່ວນປະສົມລົງໄປໃຫ້ເຂົ້າກັນ, ໝັກໄວ້ປະມານ 15 ວັນ, ແຕ່ໃນໄລຍະໝັກນັ້ນໃຫ້ໝັ່ນຄົນທຸກໆມື້ມື້ລະ
100 ຮອບ. ຫຼັງຈາກນັ້ນ ເມື່ອຄົບຮອບ 15 ວັນ
ແລ້ວໃຫ້ເອົາຜ້າຂາວບາງຕອງເອົາແຕ່ນ້ຳໃສ່ຂວດບໍ່ໃຫ້ເຕັມປະພື້ນທີ່ໃຫ້ວ່າງໄວ້
3-5 ຊັງຕີແມັດ, ປິດຝາໃຫ້ແໜ້ນເກັບໄວ້ບໍ່ ໃຫ້ຖືກແສງແດດ. ນ້ຳໜັກດັ່ງກ່າວ ສາມາດເກັບໄວ້ໄດ້
6 ເດືອນ. ປະໂຫຍດ ແລະ ການນຳໃຊ້ນ້ຳໝັກຮອກໂມນໄຂ່ 1 ບ່ວງ ແກງຕໍ່ນ້ຳ 15-20 ລິດ ໃຊ້ສີດພົ່ນໃສ່ພືດທີ່ກຳລັງຢູ່ໃນໄລຍະຂອງການອອກດອກ
ຊຶ່ງຈະເຮັດໃຫ້ການຕິດດອກດີ ແລະ ມີການແຕກຕາດອກໄດ້ຫຼາຍຂຶ້ນ, ສ່ວນນ້ຳໝັກຮອກໂມນໄຂ່ 1 ບ່ວງແກງ (10cc) ຕໍ່ນ້ຳ 15-20 ລິດສິດ ພົ່ນໃສ່ເຂົ້ານາໃນໄລຍະເຂົ້າກຳລັງມານເພາະຈະເຮັດໃຫ້ເຂົ້າອອກຮວງໄດ້ດີ, ເມັດເຂົ້າເຕັມ, ມີນ້ຳໜັກ ແລະ ໄດ້ຮັບຜົນຜະລິດ ສູງນຳອີກ, ນອກຈາກນັ້ນນ້ຳໝັກ ຮອກໂມນໄຂ່ 1 ບ່ວງແກງ (10cc) ຕໍ່ນ້ຳ 15-20 ລິດ ຍັງສາມາດໃຊ້ສິດພົ່ນໃຫ້ໄມ້ປະເພດໃຫ້ໝາກທີ່ກຳລັງຢູ່ໃນໄລຍະຂອງການຕິດໝາກເຮັດໃຫ້ໝາກໄມ້ມີລົດຊາດຫວານ, ໄດ້ນ້ຳໜັກ ແລະ ຜົນຜະລິດດົກດີ./
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ