ປາກັດມຊື່ສາມັນວ່າ Siamese Fighting Fish ເປັນປາຊະນິດໜຶ່ງມີສີສັນສວຍສົດງົດງາມບໍ່ແພ້ກັນກັບປາ
ຄຳ ປາຊະນິດນີ້ເປັນປາຍອດນັກສູ້ເກັ່ງມີຄວາມທົນທານຫຼາຍທີ່ສຸດ
ຄົນນິຍົມລ້ຽງກັນເກືອບທົ່ວໂລກ
ປະເທດເຮົາກໍ່ເປັນປະເທດໜຶ່ງທີ່ນິຍົມລ້ຽງເຊັ່ນດຽວ ກັນ ປາຊະນິດນີ້
ເປັນປາເພາະພັນງ່າຍ
ເໝາະສົມກັບຜູ້ທີ່ຮັກມັກໃນການເພາະພັນປາລ້ຽງຊະນິດເປັນໄຂ່ສາມາດເພາະພັນໄດ້ຕະຫຼອດປີ.
ການພັດທະນາສາຍພັນປາກັດປະຈຸບັນແພ່ພັນຫຼາຍໃນກຸ່ມຄົນທີ່ເພາະລ້ຽງປາເປັນອາຊີບ
ຈິ່ງເຮັດໃຫ້ປາກັດມີຫຼາກ ຫຼາຍສີສັນ ບາງສີ ມີລາຄາແພງຫຼາຍ
ຖ້າວ່າຜູ້ໃດຈະເພາະພັນປາກັດ ຂັ້ນທຳອີດຂໍແນະນຳໃຫ້ລ້ຽງປາລາຄາຖືກກ່ອນ
ເພາະເປັນການຝຶກຝົນການເພາະລ້ຽງໄປເລື້ອຍໆຈົນກວ່າຈະໝັ້ນໃຈແລ້ວຈິ່ງລົງທຶນສຸມໃສ່ປາກັດທີ່ມີລາຄາແພງໄປເທື່ອລະຂັ້ນຕໍ່ໆໄປ
ການພົບໄຂ່ຂອງປາທົ່ວໄປນັ້ນ
ເມື່ອປາໂຕແມ່ແຂງແຮງສົມບູນຮັງໄຂ່ກໍ່ຈະສ້າງໄຂ່ຂຶ້ນມາເອງໂດຍທຳມະຊາດ
ການປຽບທຽບປາໂຕຜູ້ ແລະ ໂຕແມ່ຂອງປາກັດເປັນການເລັ່ງໄຂ່ໃຫ້ແກ່ໄວ ແລະ
ກຽມຄວາມພ້ອມໃຫ້ກັບປາໂຕແມ່ໃນການອອກໄຂ່ ປາໂຕແມ່ຫາກວ່າໄຂ່ແກ່ເຕັມທີ່ແລ້ວ
ເຖິງວ່າບໍ່ມີໂຕຜູ້ມາປະສົມພັນກໍ່ຈະປ່ອຍໄຂ່ອອກມາເອງ ຫຼື
ບາງໂຕກໍ່ຈະໄຂ່ຫວອດອອກເອງ ແລະ ນຳໄຂ່ເຫຼົ່ານັ້ນໄປໄວ້
ໃນທີ່ສຸດມັນກໍ່ກິນໄຂ່ຂອງມັນເອງ.
ການປະສົມພັນປາກັດ:
ປາໂຕຜູ້
ແລະ ໂຕແມ່ ຈະຊ່ວຍກັນປະສົມພັນຈົນສຳເລັດເຊັດສິ້ນ
ສຸດທ້າຍກໍ່ກັບຄືນສູ່ປົກກະຕິ ປາໂຕຜູ້ກໍ່ຈະໄລ່ຕີ-ກັດໂຕແມ່ເກັ່ງຂຶ້ນ
ສະນັ້ນ ຕ້ອງແຍກປາໂຕຜູ້ ແລະ ແມ່ອອກຈາກກັນເມື່ອສຳເລັດການປະສົມພັນ
ເພື່ອປ້ອງກັນການສູນເສຍແມ່ພັນ ເວົ້າເຖິງການທຽບຄູ່ຂອງປາກັດນັ້ນຈະເຮັດໃຫ້ລູກປາທີ່ອອກມາມີລັກສະນະສີສັນຄືກັນກັບພໍ່ແມ່ພັນ, ພໍ່ແມ່ພັນ
ຂອງປາເປັນແບບໃດ ຈະຖ່າຍທອດຄວາມຮູ້ສຶກຂອງພໍ່ແມ່ພັນໄປໃຫ້ລູກປາອອກມາ.
ການຄັດເລືອກພໍ່ແມ່ພັນປາກັດ:
ກ່ອນອື່ນເຮົາຕ້ອງຄິດຢູ່ສະເໝີວ່າ ການ
ເພາະພັນປາຊະນິດນີ້ບໍ່ຈຳເປັນມີພໍ່ແມ່ ພັນຫຼາຍໂຕ ພຽງແຕ່ມີປາກັດໂຕຜູ້ ແລະ ໂຕແມ່ທີ່ສົມບູນແຂງແຮງ
ຢ່າງ ລະໜຶ່ງ ໂຕ ແຕ່ຕ້ອງການເພາະພັນເພື່ອຈຸດປະ ສົງອື່ນ ເຊັ່ນການບີບສີ
ກໍຈຳເປັນຕ້ອງຫາພໍ່ແມ່ພັນທີ່ມີສີສັນຕາມຄວາມຕ້ອງ ການທັງໂຕຜູ້ ແລະ
ໂຕແມ່ ເພື່ອເປັນການດຶງດູດຜູ້ເບິ່ງ ຈິ່ງຈຳເປັນຕ້ອງຄັດ
ເລືອກພໍ່ແມ່ພັນໃຫ້ໄດ້ຕາມຄວາມຕ້ອງ ການ ດັ່ງນັ້ນ
ການເລືອກພໍ່ແມ່ພັນເປັນສິ່ງທີ່ສຳຄັນທີ່ສຸດ
ປາກັດທີ່ນຳມາປະສົມພັນນັ້ນບາງຄັ້ງບໍ່ສາມາດເບິ່ງເອງໄດ້ວ່າປານັ້ນມີຄວາມແຂງແຮງສົມບູນບໍ່
ເມື່ອໄປຫາພໍ່ແມ່ພັນມາຈາກໃສກໍ່ຕາມຕ້ອງໃຫ້ອາຫານຢ່າງອຸດົມສົມບູນ
ລວມທັງສະພາບແວດລ້ອມເປັນຕົ້ນແມ່ນ: ນ້ຳ, ພາຊະນະໃສ່…..ບໍລິເວນທີ່ວາງໃນຂະນະທີ່ລ້ຽງກໍ່ຕ້ອງໄດ້ດູແລເບິ່ງແຍງເປັນພິເສດ.
ການປຽບທຽບຄູ່ປາກັດ:
ປາກັດເປັນປາຂ້ອນຂ້າງດຸຮ້າຍ
ການເພາະພັນແຕ່ລະຄັ້ງປາໂຕຜູ້ຕ້ອງສະແດງລີລາຮັກຮຸນແຮງໄປຈັກໜ້ອຍ
ມັນຄືວິຖີຊີວິດຂອງປາຊະນິດນີ້
ການເພາະພັນປາກັດບໍ່ມີການປຽບທຽບກໍ່ສາມາດເພາະພັນໄດ້ເຊັ່ນກັນ
ແຕ່ອາດເກີດຄວາມສ່ຽງໃນການສູນເສຍໄດ້ ທັງພໍ່ປາ ແລະ ແມ່ປາ ສະນັ້ນ ການປຽບທຽບປາຈິ່ງເປັນສິ່ງສຳຄັນໃນການເພາະພັນ
ເພື່ອໃຫ້ປາທັງຄູ່ມີຄວາມຄຸ້ນເຄີຍກັນ ເພື່ອເປັນການຫຼຸດຄວາມຮຸນແຮງໜຶ່ງ
ຊ່ວຍໃຫ້ແມ່ປາສົມບູນ ແລະ ມີໄຂ່ໃນທ້ອງໄດ້ຄຸນນະພາບ ຈາກນັ້ນ
ໃຫ້ໂຕຜູ້ຮັດໄຂ່ດ້ວຍຄວາມສະໝັກໃຈການປຽບ ທຽບປາບໍ່ມີຄວາມຫຍຸ້ງຍາກພໍປານໃດພຽງແຕ່ນຳພໍ່ແມ່ພັນໃສ່ໃນແກ້ວ
ແນວລະໂຕ ນຳມາວາງຮຽງກັນໂດຍບໍ່ມີຫຍັງມາບັງ ຫຼື ຂັ້ນໄວ້
ໃຫ້ປາທັງຄູ່ໄດ້ແນມເຫັນກັນກໍ່ພໍ
ໃນຂັ້ນຕອນການປຽບທຽບປານີ້ ນັກເພາະພັນປາກັດຄວນສັງເກດເຖິງຄວາມພ້ອມໃນການປະສົມພັນ
ໂດຍສັງເກດເບິ່ງພໍ່ປາ ເມື່ອເອົາປາທັງຄູ່ມາວາງຮຽງໃສ່ກັນ
ປາໂຕຜູ້ພໍເຫັນໂຕແມ່ຈະສະແດງລີລາມັກສາວ
ໃນບໍ່ຊ້າໂຕຜູ້ຈະເລີ່ມກໍ່ຝອດ ສ່ວນແມ່ພັນໃຫ້ສັງເກດໄຂ່ທີ່ພື້ນທ້ອງວ່າມີລັກສະນະໃຫຍ່ຂຶ້ນ, ທ້ອງເບັງ, ເມື່ອເວລາພໍ່ປາສະແດງລີລາຄວາມຮັກເຂົ້າຫາແມ່ປາ, ແມ່ປາຈະອວ່າຍຫົວເຂົ້າຫາທັນທີສະແດງໃຫ້ເຫັນຢ່າງຊັດເຈນວ່າທັງສອງຝ່າຍໄດ້ຕົກລົງປົງໃຈກັນແລ້ວ
ເຕັກນິກໃນການປຽບທຽບຄູ່ເປັນເຕັກນິກສະເພາະໃຜລາວບໍ່ມີການວາງໄວ້ຕາຍຕົວ
ແລະ ບາງຄົນຈະປຽບທຽບປາໂດຍເອົາພໍ່ແມ່ປາປ່ອຍໄວ້ໃນອ່າງໃສແບບອິດສະຫຼະໃຊ້ປາອີກໂຕໜຶ່ງມາປຽບທຽບເວລາຮັດໄຂ່ໃຊ້ປາໂຕຜູ້ອີກໂຕໜຶ່ງປ່ອຍໃສ່ປາໂຕແມ່ໃນພາຊະນະດຽວກັນ
ຕ້ອງໃຫ້ອາຫານພໍ່ແມ່ພັນປາຢ່າງສົມບູນ ລວມທັງປ່ຽນນ້ຳໃຫ້ປາຢ່າງໜ້ອຍ 7 ມື້ ສັງເກດເບິ່ງວ່າພ້ອມປະສົມພັນ
ຫຼື ບໍ່ ບາງຄັ້ງວັນທີ່ເຮົາເອົາປຽບທຽບກັນນັ້ນອາດຈະຫຼາຍŒໜ້ອຍ ເມື່ອພໍ່ແມ່ພັນປາພ້ອມຈະປະສົມກັນ
ສຳລັບນັກເພາະພັນປາກັດຮຸ່ນໃໝ່ຂໍແນະນຳໃຫ້ໃຊ້ພໍ່ແມ່ພັນຂ້ອນຂ້າງມີອາຍຸແກ່ເລັກໜ້ອຍ
ໃຊ້ເວລາທຽບປາຈົນກວ່າຈະພ້ອມເຕັມທີ່ດ້ວຍເຫດຜົນວ່າລູກປາທີ່ໄດ້ເມື່ອຟັກອອກມາຈະມີລັກສະນະໂຕໃຫຍ່ແຂງແຮງ
ຖ້າວ່າແມ່ປາມີອາຍຸນ້ອຍເມື່ອນຳມາເພາະພັນໄຂ່ຍັງບໍ່ສຸກເຕັມທີ່ລູກປາທີ່ໄດ້ນັ້ນຈະບໍ່ຄ່ອຍແຂງແຮງ
ແລະ ອາດຕາຍໄດ້.
Œການກຽມສະຖານທີ່ເພາະພັນປາກັດ:
ຂະນະທີ່ເຮົາເຮັດການທຽບຄູ່ປາກັດຢູ່ຕ້ອງຄຳນວນໄລຍະເວລາການປຽບທຽບໃຫ້ໃກ້ຄຽງການກຽມພາຊະນະປາບໍ່ວ່າຈະເປັນຊາມ, ອ່າງ
ສ່ວນການໃສ່ນ້ຳບໍ່ຄວນນຳເອົາທີ່ເກັບມາໄວ້ດົນຄວນເປັນນ້ຳໃໝ່ທີ່ບໍ່ມີສານພິດເຈືອປົນ
ໂດຍທົ່ວໄປໃຊ້ນ້ຳປະປາໃສ່ພາຊະນະຂ້າມຄືນໄວ້
ມີນັກເພາະພັນປາບາງທ່ານບອກວ່າ: ໃຫ້ໃສ່ໃບຫູກວາງລົງໄປຈັກໜ້ອຍໃນອ່າງພາຊະນະເພື່ອປັບຄ່າກົດດ່າງໃຫ້ປາໂຕຜູ້ຫຼາຍກວ່າໂຕແມ່ຜົນປາກົດວ່າປາກັດມັກກໍ່ຝອດ
ແລະ ວາງໄຂ່ໃນນ້ຳທີ່ບໍ່ເລິກຫຼາຍ ການຕື່ມນ້ຳລົງໃນພາຊະນະກໍບໍ່ຄວນຕື່ມນ້ຳລົງໄປຫຼາຍ
ພຽງ 15
ຊັງຕີແມັດ ກໍພໍແລ້ວ, ການກຽມສະພາບແວດລ້ອມກໍມີສ່ວນຊ່ວຍໃຫ້ປາຟັກໄຂ່ໄດ້ດີ
ປາກັດເປັນປາທີ່ມີຄວາມເປັນທຳມະຊາດສູງ ການກຽມສະພາບແວດລ້ອມກັບພາຊະນະເພາະພັນ
ແລະ ບໍລິເວນທີ່ໃຊ້ເພາະພັັນກໍຕ້ອງຄຳນຶງເຖິງຜົນສຳເລັດໃນການເພາະພັນຄືພາຊະນະທີ່ນຳມາໃຊ້
ແລະ ນ້ຳແລ້ວຄວນໃສ່ໃຈຄວາມເປັນທຳມະຊາດນຳອີກເຊັ່ນ: ໃສ່ສາຫຼ່າຍ ແລະ
ໃບໄມ້ຊະນິດລອຍໃນໜ້ານ້ຳບໍ່ວ່າຈະເປັນໃບໝາກຍົມ, ໃບບອນ,ິ່..ເພື່ອໃຫ້ພໍ່ປາໄດ້ກໍ່ຝອດນຳພາຊະນະໄປໄວ້ໃນທີ່ສະຫງົບ.
ການເພາະພັນປາກັດ:
ເມື່ອກະກຽມທຸກຢ່າງສຳເລັດເສັດຊິ້ນແລ້ວ
ເປັນຕົ້ນແມ່ນການປຽບທຽບຄູ່, ການກຽມພາຊະນະ ແລະ ບັນຍາກາດຕ່າງໆໃນການເພາະພັນ
ມາເຖິງຂັ້ນຕອນການປ່ອຍພໍ່ແມ່ປາລົງໃສ່ກັນ
ເມື່ອໝັ້ນໃຈວ່າປາທັງຄູ່ພ້ອມທີ່ຈະປະສົມພັນກັນ ໃຫ້ນຳເອົາພໍ່ປາກັດປ່ອຍໃນພາຊະນະທີ່ຈະເພາະພັນກ່ອນແລ້ວປ່ອຍໃຫ້ສຳຫຼວດສະຖານທີ່ໄປຈົນພໍ່ປາແນ່ໃຈ
ແລະ ຫາທີ່ກໍ່ຝອດສ້າງຮັງໄດ້ໃນພາຊະນະ ຫຼັງຈາກນັ້ນໄລຍະເວລາໃກ້ຄ່ຳໃຫ້ປ່ອຍປາໂຕແມ່ລົງໄປໃສ່ກັນປາພໍ່ພັນຈະປອງເຂົ້າໃສ່ແມ່ປາ
ແລະ ໄລ່ກັດເປັນບາງຄັ້ງ ບໍ່ຕ້ອງຕົກໃຈນັ້ນເປັນທຳມະຊາດຂອງປາກັດ
ປາແມ່ພັນທີ່ພ້ອມປະສົມພັນຈະບໍ່ແລ່ນໜີ ແລະ
ເຮັດໜ້າຕາໜ້າຮັກເປັນເຊີງບອກວ່າຍອມຮັກປາໂຕຜູ້ແລ້ວ ຢ່າລືມປິດພາ ຊະນະທີ່ໃຊ້ເພາະພັນປາໃຫ້ມິດຊິດ
ເພື່ອບໍ່ເປັນການລົບກວນຄູ່ບ່າວສາວ ເມື່ອຕາເວັນຕົກດິນ
ພໍ່ປາກໍຈະເລີ່ມກໍ່ຝອດໃນບໍລິເວນທີ່ສຳຫຼວດໄປນັ້ນ
ພໍຮຸ່ງເຊົ້າປາທັງຄູ່ກໍຈະພາກັນເຂົ້າໃຕ້ຝອດແລ້ວປະສົມພັນກັນ ການປະສົມພັນຂອງປາກັດໃຊ້ໃນລັກສະນະໂຕຜູ້ງໍບໍລິເວນທ້ອງຂອງໂຕແມ່ເພື່ອປ່ອຍນ້ຳເຊື້ອ
ສ່ວນໂຕແມ່ກໍ່ປ່ອຍໄຂ່ອອກມາເພື່ອທຳການປະສົມພັນ ຫຼື ເອີ້ນວ່າການຮັດໄຂ່ປາ
ເມື່ອປ່ອຍໄຂ່ອອກມາ ແລະ ປະສົມກັບນ້ຳເຊື້ອແລ້ວໄຂ່ຈະຈົມລົງພຶ້ນນ້ຳ
ພໍ່ປາກໍຈະນຳລົງໄປອົມໄຂ່ເຫຼົ້່ານັ້ນເອົາໄວ້ແລ້ວໄປພົ່ນໄວ້ໃນຝອດ
ຂັ້ນຕອນນີ້ບາງຄັ້ງເຮົາອາດຈະເຫັນແມ່ປາເອົາໄຂ່ໄປໄວ້ໃນຝອດຊ່ວຍກັນ
ໃນໄລຍະນີ້ ເອີ້ນວ່າໄລຍະແຫ່ງຄວາມຮັກຈະບໍ່ມີການທຳຮ້າຍໄຂ່ ຫຼື
ໄລ່ຕີກັນເປັນອັນຂາດ ປາທັງຄູ່ຈະທຳການປະສົມພັນກັນໄປຈົນສຳເລັດ ແລະ
ຈະໃຊ້ເວລາດົນນານປານໃດຂຶ້ນກັບຈຳນວນໄຂ່ ແລະ ນ້ຳເຊື້ອຂອງພໍ່ພັນ
ອາດໃຊ້ເວລາ 4
ຊົ່ວໂມງ ເມື່ອສຳເລັດຂັ້ນຕອນການປະສົມພັນແລ້ວແມ່ປາທີ່ຜ່ານການຮັດໄຂ່ຈະຮູ້ສຶກຫິວ
ແລະ ອ່ອນເພຍ ໃນຂະນະນັ້ນກໍມີແຕ່ພຽງໄຂ່ຂອງຕົວເອງທີ່ປ່ອຍອອກມາເທົ່ານັ້ນ
ບໍ່ຕ້ອງເປັນຫ່ວງ ປາໂຕຜູ້ຈະຄອຍດູແລເບິ່ງແຍງໄຂ່ຢ່າງໃກ້ຊິດຈະບໍ່ໃຫ້ໃຜມາທຳຮ້າຍໄຂ່ໄດ້
ປາໂຕຜູ້ຈະໄລ່ປາໂຕແມ່ໃຫ້ຫ່າງອອກໄກຈາກບໍລິເວນນັ້ນ ເຮົາສົມຄວນຍ້າຍແມ່ປາອອກໄປໃສ່ພາຊະນະອື່ນໄວ້ກ່ອນ
ໂດຍສັງເກດງ່າຍໆແມ່ປາຈະຢູ່ຫ່າງຈາກຝອດຍ້ອນຍ້ານປາໂຕຜູ້ໄລ່ກັດ
ຂັ້ນຕອນການເພາະພັນປາກໍສຳເລັດລົງແບບງ່າຍດາຍ
ປ່ອຍໃຫ້ພໍ່ປາດູແລເບິ່ງແຍງໄຂ່ໃນພາຊະນະຕໍ່ໄປຈົນກວ່າລູກປາຈະສາມາດລອຍນ້ຳໄດ້ແຂງແຮງ
ການທີ່ປ່ອຍພໍ່ແມ່ດູແລເບິ່ງແຍງລູກປານັ້ນເພາະລູກປາຟັກອອກຈາກໄຂ່ຍັງບໍ່ສາມາດລອບນ້ຳໄດ້
ອາດຕົກລົງພຶ້ນພາຊະນະ ຖ້າຂາດການເອົາໃຈໃສ່ ໃນທີ່ສຸດມັນອາດເສຍຊີວິດໄດ້ ລູກປາຍັງຕ້ອງການອາໄສອາກາດໃນຝອດເພື່ອຫາຍໃຈ
ເວລາລູກປາຈົມລົງພື້ນພາຊະນະພໍ່ປາກໍຈະນຳໄປອົມເອົາກັບມາພົ່ນໄວ້ໃນຝອດຄືເກົ່າ
ອີກຢ່າງຍັງຕ້ອງເຕີມຝອດຂະຫຍາຍໃຫ້ໃຫຍ່ຂຶ້ນຕະຫຼອດເວລາດ້ວຍເຫດນີ້ຈິ່ງຈຳເປັນຕ້ອງປ່ອຍພໍ່ປາໄວກັບລູກປາໃນໄລຍະໜຶ່ງ.
ຂໍ້ຄວນລະວັງ:
ສຳລັບທ່ານໃດທີ່ເພາະພັນປາໃໝ່
ຫ້າມເອົາຫຍັງໄປກວນໄຂ່ໃນຝອດເດັດຂາດ ບໍ່ວ່າຈະຕ້ອງການຮູ້ພຽງໃດກໍຕາມ
ການທີ່ເຮັດແບບນີ້ອາດເຮັດໃຫ້ໄຂ່ລົ່ນລົງໄປໃນພື້ນນ້ຳ ຫຼື
ວ່າເມື່ອຟັກອອກມາແລ້ວອາດພິການ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ