ການປູກພິກໄທ
ພິກໄທ ເປັນພືດເສດຖະກິດຊະນິດໜຶ່ງທີ່ມີຕະຫຼາດກວ້າງຂວາງ
ໂດຍສະເພາະຢູ່ໃນປະເທດເຮົາກໍນິຍົມກັນບໍລິໂພກຫຼາຍສົມຄວນ, ແຕ່ກົງກັນຂ້າມການປູກພັດຍັງບໍ່ຂະຫຍາຍພໍເທົ່າໃດ, ຖ້າມີການປູກກໍມີໜ້ອຍທີ່ສຸດ, ແຕ່ສຳລັບຢູ່ຕ່າງປະເທດແລ້ວແມ່ນນິຍົມກັນປູກຫຼາຍຈົນກາຍເປັນສິນຄ້າສົ່ງອອກເປັນຕົ້ນແມ່ນກຳປູເຈຍ, ຫວຽດນາມ, ອິນເດຍ, ອິນໂດເນເຊຍ, ບຣາຊິນ
ແລະ ໄທ.
ເມື່ອເວົ້າເຖິງການປູກພິກໄທດິນຟ້າອາກາດ
ກໍເປັນສິ່ງສຳຄັນທີ່ຈະເຮັດໃຫ້ພິກໄທມີການຈະເລີນເຕີບໂຕໄວ.
ພິກໄທເປັນພືດທີ່ມັກອາກາດຮ້ອນຊຸ່ມ, ອຸນຫະພູມສະເລ່ຍປະມານ 20-30 ອົງສາ, ລະດັບຄວາມສູງ
250-1.500
ແມັດ ຈາກລະດັບນ້ຳທະເລ, ປະລິມານນ້ຳຝົນ 600-2.500
ມິນລິແມັດຕໍ່ປີ ແລະ ໜ້ອຍທີ່ສຸດ ແມ່ນ 600-700 ມິນລິແມັດຕໍ່ປີໃນລະດູແລ້ງກ່ອນອອກດອກພິກໄທຈະມີຄວາມຕ້ອງການນ້ຳຫຼາຍພໍສົມຄວນ.
ພິກໄທ ເປັນພືດທີ່ເກີດໄດ້ດີກັບດິນທີ່ອຸດົມສົມບູນດ້ວຍອິນຊີວັດຖຸ
ແລະ ດິນ ຕ້ອງເປັນດິນທີ່ລະບາຍນ້ຳສະດວກ ຖ້າຫາກມີນ້ຳຂັງເຖິງວ່າຈະໄລຍະສັ້ນກໍຕາມພິກໄທກໍອາດຕາຍໄດ້, ດັ່ງນັ້ນ
ຄວນເລືອກພື້ນທີ່ດິນທີ່ເໝາະສົມ ແລະ ຄ້ອຍງ່ຽງເລັກນ້ອຍ ເພື່ອໃຫ້ນ້ຳລະບາຍໄດ້ສະດວກພິກໄທເປັນພືດຊະນິດ
ເປັນເຄືອທີ່ມີອາຍຸຫຼາຍປີ ແລະ ຕ້ອງໄດ້ອາໄສເກາະຫ້ອຍກັບຕົ້ນໄມ້ອື່ນ
ຈິ່ງຈະທາວເຄືອໄປໄດ້, ດັ່ງນັ້ນ ກ່ອນຈະປູກພິກໄທ ຊິ່ງຈຳເປັນຕ້ອງໄດ້ຝັງຫຼັກ
ຫຼື ປູກຕົ້ນໄມ້ກ່ອນໃນໄລຍະ 4x2 ແມັດ ຫຼື 3x3 ແມັດ, ແລ້ວປູກພິກໄທໃສ່ໃກ້ຕົ້ນໄມ້ນັ້ນ ແລະ
ຕົ້ນໄມ້ທີ່ຈະປູກໃຫ້ພິກໄທເກາະຕ້ອງມີລັກສະນະດັ່ງນີ້: ໃຫຍ່ໄວ, ທົນທານຕໍ່ສະພາບດິນຟ້າອາກາດ, ຮາກເລິກ, ຕົ້ນໄມ້ຕ້ອງເປັນໄມ້ທີ່ມີເປືອກບໍ່ກ້ຽງໝາຍຄວາມວ່າເປືອກໄມ້ຕ້ອງເປັນປູດຊາເຊັ່ນ:
ຈຳພວກຕົ້ນແປກດົງ ຫຼື ຖ້າຢູ່ໃກ້ເຮືອນອາດຈະໃຊ້ຕົ້ນພ້າວ ແລະ
ຕົ້ນໝາກກໍໄດ້ອັນນີ້ຍິ່ງຕື່ມລາຍໄດ້ແກ່ພວກເຮົາອີກ.
ການກຽມດິນ
ການກຽມດິນແລ້ວການກຽມເບ້ຍພິກໄທ ກໍສຳຄັນເພາະພິກໄທ
ໄດ້ມາຈາກການກ້າແກ່ນ ແລະ ປັກຊຳກິ່ງ, ແຕ່ຄົນສ່ວນຫຼາຍນິຍົມແມ່ນການປັກຊຳກິ່ງ
ເນື່ອງຈາກຈະໃຫ້ຜົນຜະລິດໄວ ແລະ ບໍ່ເຊື່ອມແນວພັນງ່າຍກ່ອນຈະປັກຊຳກິ່ງ
ຄວນເລືອກເຄືອພິກໄທ ສ່ວນທີ່ເລືອໄປຕາມດິນແລ້ວຕັດເປັນທ່ອນໃຫ້ມີ 2-3 ຂໍ້
ແລ້ວນຳເອົາມາປັກຊຳໃສ່ຖົງຢາງ ຊຶ່ງມີດິນປະສົມໃນອັດຕາດິນ 2 ສ່ວນ, ຊາຍ 1 ສ່ວນ ແລະ
ຝຸ່ນຄອກ 1
ສ່ວນ ຫຼັງຈາກປັກຊຳແລ້ວເອົາໄວ້ບ່ອນທີ່ຮົ່ມ, ໃຫ້ຖືກແດດໜ້ອຍທີ່ສຸດ, ຫົດນ້ຳເປັນປະຈຳເຄືອພິກໄທຈະແຕກຍອດໃໝ່ພາຍໃນ
25-30
ມື້ ແລະ ຕໍ່ມາພາຍໃນ 3-4 ເດືອນ ກໍສາມາດນຳເອົາໄປປູກໄດ້.
ວິທີການປູກ
ຫຼັງຈາກ
ປູກຕົ້ນໄມ້ ຫຼື ຝັງຫຼັກເສົາ ເພື່ອໃຫ້ພິກໄທທາວເຄືອຂຶ້ນແລ້ວ
ຄວນຂຸດຂຸມກວ້າງຂະໜາດ 50x50x50 ຊັງ ຕີແມັດ, 3 ດ້ານແລ້ວໃສ່ຝຸ່ນຄອກຮອງພື້ນໃຫ້ໄດ້ຢ່າງໜ້ອຍ
ເຄິ່ງຂຸມ ແລ້ວຈິ່ງປູກ, ສ່ວນລະດູການທີ່ເໝາະສົມໃນການປູກ
ແມ່ນລະດູຝົນຄື: ປະມານເດືອນ 5 ຫາ 7 ຫຼັງຈາກປູກແລ້ວ
ຖ້າຝົນບໍ່ຕົກແມ່ນຕ້ອງໄດ້ຫົດນ້ຳໃຫ້ຊຸ່ມແລ້ວມັດເຄືອພິກໄທໃຫ້ຕິດກັບຕົ້ນໄມ້ໄວ້ໃນສະພາບແວດລ້ອມທີ່ເໝາະສົມພິກໄທ
ອາດຈະໃຫ້ຜົນຜະລິດໃນປີທີ 2 ຫຼື ປີທີ 3 ຫຼັງຈາກປູກ.
ການບົວລະບັດຮັກສາ
ແຕ່ສິ່ງສຳຄັນ ພາຍຫຼັງປູກແລ້ວການບົວລະບັດຮັກສານັ້ນ
ກໍຄືການໃສ່ຝຸ່ນແມ່ນມີຄວາມຈຳເປັນຫຼາຍ ເພາະຈະຕ້ອງ
ໄດ້ເຮັດຢ່າງສະໝ່ຳສະເໝີທຸກໆປີຝຸ່ນຄອກຈະໃສ່ໃນອັດຕາ ສ່ວນ 5-10
ກິໂລຕໍ່ຕົ້ນ, ຖ້າມີປຸ໋ຍເຄມີຊະນິດ
16-20-00
ຫຼື 15-15-15
ແມ່ນໃຫ້ໃສ່ 100
ກຣາມຕໍ່ຕົ້ນ ຫຼື ປະມານເຄິ່ງກະປ໋ອງນ້ຳນົມຕໍ່ຕົ້ນ ສ່ວນຕອນທ້າຍລະດູຝົນຄວນໃສ່ປູນຂາວໃນອັດຕາສ່ວນ
500
ກຣາມຕໍ່ຕົ້ນພິກໄທ ທີ່ມີອາຍຸ 1-2 ປີ ໃຫ້ໃສ່ຝຸ່ນຫຼຸດຈາກອັດຕາດັ່ງກ່າວມານັ້ນໝາຍຄວາມວ່າໃສ່ປະມານ
1
ສ່ວນ 3
ຂອງອັດຕາດັ່ງກ່າວ.
ການປ້ອງກັນພະຍາດ ແລະ ແມງໄມ້
ການປ້ອງກັນພະຍາດ ແລະ ແມງໄມ້
ກໍຕ້ອງໄດ້ເອົາໃຈໃສ່ເຊັ່ນກັນ ເພາະອາດມີຫຼາຍພະຍາດແຊກຊ້ອນເຊັ່ນ: ພະຍາດຫ່ຽວພະຍາດນີ້ແມ່ນເກີດຈາກເຊື້ອລາ
ເມື່ອພົບເຫັນຄວນທຳລາຍຖິ້ມເພື່ອບໍ່ໃຫ້ເຊື້ອພະຍາດລະບາດຕໍ່ກັນ, ໃນກໍລະນີບໍ່ຮ້າຍແຮງປານໃດກໍໃຫ້ໃຊ້ຢານຳບໍໂດ
1%
ຫົດບໍລິເວນຮາກ,
ແຕ່ຖ້າເປັນພະຍາດລຳຕົ້ນເໜົ່າແມ່ນໃຫ້ປະຕິບັດແບບດຽວກັນກັບພະຍາດຫ່ຽວ
ແລະ ຫຼີກເວັ້ນການເອົາ ເສດຫຍ້າປົກຖົມຕົ້ນພິກໄທ ຊຶ່ງອາດຈະເປັນສາເຫດຂອງການແຜ່ເຊື້ອພະຍາດໄດ້ອີກ.
ການເກັບກ່ຽວ
ພິກໄທຈະເກັບກ່ຽວໄດ້ ເມື່ອມີອາຍຸປະມານ
180-200
ມື້ ຫຼັງຈາກອອກດອກ ໃນກໍລະນີປູກໃນເຂດທີ່ອາກາດເຢັນອາດຈະແກ່ຍາວຕື່ມອີກປະມານ
30-35
ມື້, ສ່ວນການເກັບກ່ຽວ
ແມ່ນເລືອກເກັບພົ້ວທີ່ສຸກແດງສະເໝີກັນ ຫຼັງຈາກນັ້ນກໍນຳ ໄປຕາກແດດປະມານ
6-7
ແດດ ກໍຈະສາມາດນຳໄປຈຳໜ່າຍໄດ້.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ