ໝາກກອກນ້ຳເປັນພືດທີ່ມັກນ້ຳຫຼາຍທີ່ສຸດ
ສະນັ້ນ ກ່ອນທີ່ທຸກຄົນຈະປູກພືດກິນໝາກຊະນິດນີ້ ຕ້ອງປູກໃສ່ໃນສະພາບດິນທີ່ຕິດຢູ່ກັບແມ່ນ້ຳຖ້າຫາກເປັນສະພາບສວນທີ່ມີຮ່ອງນ້ຳແລ້ວແມ່ນໃຫ້ປູກຕິດແຄມນ້ຳໃນບໍລິເວນທີ່ລະດັບຂຶ້ນສູງສຸດຂອງໜ້ານ້ຳ
ສະນັ້ນ ມື້ນີ້ ກະສິກຳວັນນີ້ຈະພາບັນດາທ່ານໄປຮູ້ຈັກວິທີການປູກໝາກກອກນ້ຳແບບງ່າຍໆ.
ວິທີການປູກ
ກ່ອນທີ່ຈະປູກຕົ້ນໝາກກອກພວກເຮົາຈະຕ້ອງຂຸດຂຸມໃຫ້ເລິກປະມານ
40
ຊັງຕີແມັດ ເອົາຝຸ່ນຄອກ ຫຼື ປຸ໋ຍໝັກມາຮອງພື້ນກ່ອນນຳ ເອົາເບ້ຍໝາກກອກນ້ຳທີ່ຊຳກິ່ງ
ຫຼື ຕອນງ່າມາປູກ ປູກເຮັດໃຫ້ຕົ້ນມັນ ຊື່ໆ
ຫຼັງຈາກນັ້ນກໍເອົາດິນມາຖົມໃຫ້ແໜ້ນຫົດນ້ຳໃສ່ຝຸ່ນຄອກທັບລົງໃຫ້ມັນຕື່ມອີກ
ແລະ ສິດນ້ຳໝັກບຳລຸງເດືອນລະ 1-2 ເທື່ອ ແລະ ຄວນຢຸດສິດຕອນຕົ້ນໝາກກອກເລີ່ມຕິດ
ແລະ ອອກດອກ ຖ້າບໍ່ສະນັ້ນຈະເຮັດໃຫ້ໝາກກອກລົ່ນໄດ້.
ການບົວລະບັດຮັກສາ
ຄວນບຳລຸງນຳໝັກຂີ້ໝູໃຫ້ຕົ້ນໝາກກອກທຸກໆປີ
ເພາະມັນຈະເຮັດໃຫ້ອອກດອກ ແລະ ໝາກດົກໜາຕະຫຼອດປີ ການປູກໝາກກອກຊະນິດນີ້ເຮົາຕ້ອງມີການປັບບຳລຸງດິນເສີມດ້ວຍປຸ໋ຍໝັກ, ຝຸ່ນຄອກ
ແລະ ສິດນ້ຳໝັກບຳລຸງເລື້ອຍເພາະຈະຊ່ວຍໃຫ້ໄດ້ຜົນຜະລິດດີຕະຫຼອດໄປ.
ໝາກກອກນ້ຳຈະໃຫ້ຜົນຜະລິດແຕ່ປີທີ
2
ຫຼັງປູກຈະໄດ້ຜົນດີເຕັມທີ່ໃນຊ່ວງປີທີ3 ແລະ ໝາກກອກນ້ຳນີ້ສາມາດນຳມາບໍລິໂພກທັງສົດໃໝ່
ແລະ ດອງກໍໄດ້ຕາມຄວາມຕ້ອງການຂອງຜູ້ມັກ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ