ວິທີການປູກ
ການກະກຽມດິນປູກ: ຂຸດ ຫຼື ໄຖ ໃຫ້ເລິກປະມານ
20Œ-25
ຊັງຕີແມັດ ຫຼັງຈາກນັ້ນຕາກແດດປະມານ 10 ວັນ ເພື່ອທຳລາຍພະຍາດແມງໄມ້ສັດຕູພືດ
ແລະ ຫຍ້າທີ່ຢູ່ໃນດິນ ຖ້າດິນເປັນກົດ ແມ່ນໃຫ້ໃສ່ປູນຂາວໃນປະລິມານ 50
ກິໂລກຣາມຕໍ່ໄລ່ ເພື່ອປັບສະພາບຂອງ ດິນ ຫຼັງຈາກນັ້ນກໍທຳການໄຖຄາດໃຫ້
ລະອຽດເກັບເສດຫຍ້າຕ່າງໆອອກ, ຫວ່ານຝຸ່ນຄອກ ຫຼື ຝຸ່ນບົ່ມທີ່ສະຫຼາຍ
ຕົວດີໃນອັດຕາ 2Œ-4
ໂຕນຕໍ່ໄລ່ ຈາກນັ້ນ ກໍຍົກເປັນໜານປູກໃຫ້ກວ້າງປະມານ 1Œ1,5 ແມັດ
ສ່ວນຄວາມຍາວນັ້ນແມ່ນຂຶ້ນກັບຄວາມເໝາະສົມຂອງພື້ນທີ່ດິນ, ແລ້ວຍົກໜານໃຫ້ສູງປະມານ
25-Œ30
ຊັງຕີແມັດ ຫຼື ອາດສູງເຖິງ 50 ຊັງຕີແມັດ ຖ້າເປັນພື້ນທີ່ໆລະບາຍນ້ຳຍາກ, ຈົ່ງຮ່ອງລະບາຍນ້ຳລະຫວ່າງ
ໝານຕໍ່ໜານໃຫ້ກວ້າງປະມານ 50 ຊັງຕີແມັດ ເພື່ອໃຫ້ສາມາດລະບາຍນ້ຳໄດ້ສະດວກ.
ຫຼັງຈາກກະກຽມພື້ນທີ່ປູກສຳເລັດແລ້ວກໍນຳເອົາເມັດພັນມາຫວ່ານໃຫ້ທົ່ວໜານຢ່າງສະໝ່ຳສະເໝີແລ້ວກໍຫວ່ານຝຸ່ນຄອກ
ຫຼື ຝຸ່ນບົ່ມໃສ່ໜ້າໜານໃຫ້ໜາປະມານ 0,5Œ1 ຊັງຕີແມັດ ຈາກນັ້ນ
ກໍນຳເອົາເຟືອງມາປົກບາງໆເພື່ອຮັກສາຄວາມຊຸ່ມຊື່ນໃນດິນສຳເລັດ
ແລ້ວກໍຫົດນ້ຳໃຫ້ຊຸ່ມ ຫຼັງຈາກເມັດງອກໄດ້ປະມານ 20 ວັນ
ຄວນທຳການຖອດແຍກ ແລະ ຈັດໃຫ້ມີໄລຍະຫວ່າງຕົ້ນ 20Œ-25
ຊັງຕີເເມັດ.
ການບົວລະບັດຮັກສາການໃຫ້ນ້ຳ:
ຊາວກະສິກອນຈະຕ້ອງໃຫ້ນ້ຳຢ່າງສະໝ່ຳສະເໝີຂຶ້ນກັບຄວາມຊຸ່ມຂອງດິນ
ແຕ່ໃນກໍລະນີຫາກມີຝົນຕົກໜັກທຸກຄັ້ງ ທີ່ຝົນຢຸດຕົກຕ້ອງມີການໃຫ້ນ້ຳ
ເພື່ອເປັນການລ້າງ ແລະ ປ້ອງກັນການເກີດພະຍາດເໜົ່າເປື່ອຍ.
ການໃສ່ຝຸ່ນ: ການໃສ່ຝຸ່ນຄວນໃສ່ຝຸ່ນ 46Œ-00-Œ00
ໃນອັດຕາສ່ວນ 30
ກິ ໂລກຣາມຕໍ່ໄລ່ ເພື່ອເປັນການເລັ່ງການຈະເລີນເຕີບໂຕທາງໃບ ຫຼື
ສີດພົ່ນປຸຍນ້ຳສະກັດຊີວະພາບທຸກໆ 3Œ-4 ວັນຕໍ່ຄັ້ງ.
ການເສຍຫຍ້າ
ແລະ ພວນດິນ: ຈະຕ້ອງໄດ້ປະຕິບັດເປັນປະຈຳຫາກເຫັນວ່າມີຫຍ້າຕ່າງໆເກີດຂຶ້ນໃນໜານປູກເພາະວ່າການເສຍຫຍ້າຈະເປັນການພວນດິນໄປໃນຕົວເປັນການທຳລາຍບ່ອນລີ້ຊ້ອນຂອງແມງໄມ້ສັດຕູພືດບາງຊະນິດ
ແລະ ເປັນການຫຼຸດຜ່ອນການຍາດແຍງສານອາຫານຂອງຫຍ້າກາຝາກປະເພດຕ່າງໆ.
ການເກັບຜົນຜະລິດ:
ອາຍຸຂອງການເກັບກ່ຽວແມ່ນປະມານ 35Œ-45 ວັນ
ການເກັບກ່ຽວແມ່ນເລືອກຕົ້ນທີ່ມີຂະໜາດໃຫຍ່ຕາມຄວາມຕ້ອງການໂດຍໃຊ້ມີດຄົມໆຕັດທີ່ລຳຕົ້ນແລ້ວທຳການຕັດແຕ່ງໃບທີ່ແກ່
ຫຼື ໃບທີ່ມີພະຍາດແມງໄມ້ທຳລາຍອອກແລ້ວຈິ່ງບັນຈຸໃສ່ພາຫະນະເພຶ່ອກຽມສົ່ງຂາຍໃນຕະຫຼາດ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ