ໂຄງການເຊື່ອມໂຍງຄວາມອາດສາມາດ ແລະ ສ້າງເຄືອຂ່າຍຄຸ້ມຄອງ-ຫຼຸດຜ່ອນຄວາມສ່ຽງໄພພິບັດ ໃນຂະແໜງກະສິກຳ ເປັນໂຄງການໜຶ່ງທີ່ປະຕິບັດຕາມຄຳສັ່ງແນະນຳ ຂອງນາຍົກລັດຖະມົນຕີ ວ່າດ້ວຍວຽກງານ 3 ສ້າງ ເນື່ອງຈາກສະພາບດິນຟ້າອາກາດມີການປ່ຽນແປງ ໂດຍສະເພາະ ບັນດາແຂວງພາກເໜືອພາກກາງ ແລະ ພາກໃຕ້ ສະເພາະລະດູຝົນ ໃນປີ 2013 ທີ່ຜ່ານມາ ໄດ້ມີພາຍຸຫຼາຍຫົວພັດຜ່ານປະເທດເຮົາ ໄດ້ສົ່ງຜົນກະທົບຕໍ່ການຜະລິດເຂົ້າໃນລະດູຝົນ ສ້າງຄວາມເສຍຫາຍຫຼາຍພໍສົມຄວນ ໂດຍສະເພາະ ເນື້ອທີ່ການຜະລິດກະສິກຳ ແລະ ຜົນກະທົບອື່ນໆຫຼາຍຢ່າງ ໃຫ້ແກ່ການປູກຝັງ-ສັດລ້ຽງ ແລະ ຊາວກະສິກອນ.
ກະຊວງກະສິກຳ ແລະ ປ່າໄມ້ ພາຍໃຕ້ການສະໜັບສະໜູນຂອງ FAO ໄດ້ສ້າງເປັນແຜນປະຕິບັດງານການຄຸ້ມຄອງ ຫຼຸດຜ່ອນຄວາມສ່ຽງຈາກໄພພິບັດ ແຕ່ນີ້ຮອດປີ 2016 ເຊິ່ງເປັນເອກະສານພື້ນຖານ ໃນການຈັດຕັ້ງປະຕິບັດໂຄງການຕ່າງໆ ແລະ ເພື່ອຍາດແຍ່ງການຊ່ວຍເຫຼືອຈາກຜູ້ໃຫ້ທຶນ.
ເພື່ອກຽມໃກ້ແກ່ໂຄງການດັ່ງກ່າວ ຈຶ່ງໄດ້ຈັດກອງປະຊຸມປຶກສາຫາລືເຜີຍແຜ່ການອອກແບບ ແລະ ວາງແຜນໂຄງການສ້າງຄວາມເຂົ້າໃຈເປັນເອກະພາບກັນ ກ່ຽວກັບວິໄສທັດ ເປົ້າໝາຍບົດບາດ ແລະ ຄວາມຮັບຜິດຊອບ ເພື່ອຄວາມເປັນເອກະພາບກັນໃນການຈັດຕັ້ງປະຕິບັດໂຄງການ.
ກອງປະຊຸມໃນຄັ້ງນີ້ ໄດ້ຈັດຂຶ້ນໃນວັນທີ 12 ກຸມພາ 2015 ທີ່ໂຮງແຮມວຽງຈັນພລາຊາ ນະຄອນຫຼວງວຽງຈັນ ໂດຍມີທ່ານ ໄຊປລາເດດ ຈຸລະມະນີ ຫົວໜ້າກົມແຜນການ ແລະ ການຮ່ວມມື ກະຊວງກະສິກຳ ແລະ ປ່າໄມ້ ທ່ານ ດຣ. Stetphen Rudgard ຜູ້ຕາງໜ້າອົງການອາຫານ ແລະ ການກະເສດ ປະຈຳລາວ (FAO) ພ້ອມນີ້ມີບັນດາທ່ານຮອງຫົວໜ້າກົມ ຄະນະພະແນກກະສິກຳ ແລະ ປ່າໄມ້ 3 ແຂວງຄື: ແຂວງຄຳມ່ວນ ສະຫວັນນະເຂດ ແລະ ແຂວງຈຳປາສັກ ແລະ ພາກສ່ວນກ່ຽວຂ້ອງເຂົ້າຮ່ວມ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ