ຜົນຜະລິດ ແລະ ຄຸນນະພາບຂອງແນວພັນເຂົ້າພື້ນເມືອງ ແລະ ແນວພັນປັບປຸງຂອງລາວ

ຜົນຜະລິດ ແລະ ຄຸນນະພາບຂອງແນວພັນເຂົ້າພື້ນເມືອງ ແລະ ແນວພັນປັບປຸງຂອງລາວ

ແນວພັນເຂົ້າ

ການປັບປຸງໃນຂະແໜງທ່ອງທ່ຽວເປັນການຊຸກດັນໃຫ້ ສປປ ລາວ ຕ້ອງເປີດກວ້າງການສົ່ງອອກ ໂດຍສະເພາະແນວພັນເຂົ້າລາວຂອງ ສປປ ລາວ ເອງ. ສະນັ້ນ, ນັກກະສິກຳຊອກຫາທຸກວິທີທາງ ເພື່ອ ສ້າງແນວພັນໃຫ້ໄດ້ຜົນຜະລິດສູງ  ແລະ  ໃຫ້ມີຄຸນລັກສະນະທີ່ດີເຂົ້າໃນພັນປັບປຸງ  ເຊັ່ນ:  ເຂົ້າໃສ່ໃນ ແນວພັນເຂົ້າປັບປຸງ ທ່າສະໂນ1 (Thasano1: TSN1) ແລະ ທ່າດອກຄຳ1(Thadokkham1: TDK1). ໃນການສຶກສາຄັ້ງນີ້ ແມ່ນສຶກສາເບິ່ງຜົນກະທົບຂອງ ໄນໂຕຣເຈນ (N) ຕໍ່ຜົນຜະລິດ ແລະ ຄຸນນະພາບຂອງເຂົ້າໃນແນວພັນເຂົ້າພື້ນເມືອງ 2ແນວພັນ: ຫອມນາງນວນ (Hom Nang Nouane (HNN) ແລະເຂົ້າໄກ່ນ້ອຍເຫຼືອງ (Kai Noy Leuang (KNL), ແລະ ແນວພັນເຂົ້າປັບປຸງ 2ແນວພັນເຊັ່ນກັນ: TDK1ແລະ TSN1. ການທົດລອງແມ່ນໄດ້ເຮັດທີ່ ສູນຄົ້ນຄວ້າເຂົ້າ ແລະ ພືດເສດຖະກິດ, ສະຖາ ບັນຄົ້ນຄວ້າກະສິກຳ  ແລະ  ປ່າໄມ້  ແຫ່ງຊາດ,  ສປປ  ລາວ.  ການທົດລອງແມ່ນໃຊ້ຝຸ່ນ  ໃນອັດຕາ: 0-30-30 ກລ/ຮຕ, 30-30-30ກລ/ຮຕ, 60-30-30ກລ/ຮຕ ແລະ 90-30-30ກລ/ຮຕ. ຜົນໄດ້ຮັບສະແດງໃຫ້ເຫັນວ່າ: ການໃສ່ N ແມ່ນເຮັດໃຫ້ຜົນຜະລິດ  ແລະ  ອົງປະກອບຜົນຜະລິດ  ຂອງແນວພັນເຂົ້າປັບປຸງເພີ່ມຂື້ນ TDK1 ແລະ TSN1,  ຜົນຜະລິດເພີ່ມຂື້ນ  ຈາກ 3,000 ກລ/ຮຕ  ຫາ 4,500 ກລ/ຮຕ  ປະມານ 40% ເພີ່ມຂື້ນ, ສ່ວນແນວພັນເຂົ້າພື້ນເມືອງທັງ 2 ແນວພັນ HNN ແລະ  KNL,  ແມ່ນຕອບສະໜອງຕໍ່ Nໜ້ອຍ  ພຽງແຕ່ເພີ່ມຈາກ 3,600-3,900 ກລ/ຮຕ.  ໃນທາງກົງກັນຂ້າມ  ຄຸນນະພາບ:  ຄວາມຫອມ, ເນື້ອແປ້ງ  (textural)  ທີ່ກໍ່ໃຫ້ເກີດຄວາມແຂງ  ແລະ  ຄວາມອ່ອນນຸ້ມ  (hardness ແລະ stickiness), ອຸນຫະພູມຫຸງຕົ້ມ (gelatinisation temperature), ແລະ ລັກສະນະຄວາມໜຽວ viscosity ຂອງແນວພັນທັງ 4 ແມ່ນບໍ່ໄດ້ຮັບຜົນກະທົບຈາກໃສ່ N ໃນອັດຕາທີ່ໃສ່ໃນການທົດລອງນີ້.  ດ້ານຜົນຜະລິດ ແລະ ລັກສະນະຂອງເຂົ້າທ່າສະໂນ1ແມ່ນດີກວ່າ TDK1ເພື່ອນຳໃຊ້ເຂົ້າໃນໂຄງການປັບປຸງພັນເຂົ້າ ເພື່ອພັດທະນາເປັນເຂົ້າຫອມໃໝ່ ດ້ວຍການປະ ສົມພັນກັບເຂົ້າຫອມນາງນວນ ແລະ ເຂົ້າໄກ່ນ້ອຍ.

ເຂົ້າ​ໄກ່​ນ້ອຍ

​ເຂົ້າ​ທ່າ​ດອກ​ຄຳ

​ແຫ່​ລງ​ກຳ​ເນິດ​ພັນ​ເຂົ້າ​ໃນ​ລາວ