ຢາປາບສັດຕູພືດຈາກທໍາມະຊາດ

ຢາປາບສັດຕູພືດຈາກທໍາມະຊາດລ້ວນແຕ່ປອດສານພິດ, ລາຄາຖືກ ແລະ ມີປະສິດທິພາບໃນການຄວບຄຸມສັດຕູພືດ. ຢາປາບສັດຕູພືດຊະນິດນີ້ ສາມາດປຸງແຕ່ງໄດ້ຈາກສ່ວນປະກອບທີ່ຫຼາກຫຼາຍ ເຊິ່ງສາມາດຊອກຫາໄດ້ງ່າຍ. ການບໍ່ນໍາໃຊ້ສານເຄມີແມ່ນເປັນຜົນດີຕໍ່ສິ່ງແວດລ້ອມຫຼາຍກວ່າ, ບໍ່ເສຍຄ່າໃຊ້ຈ່າຍ, ດີຕໍ່ຜູ້ປູກ, ຜູ້ບໍລິໂພກ ແລະ ຜູ້ເກັບກ່ຽວ. ເວລາທີ່ທ່ານສີດພົ່ນຢາປາບສັດຕູພືດຈາກທໍາມະຊາດໃສ່ພືດຂອງທ່ານພະຍາຍາມ ສີດໃສ່ທາງລຸ່ມຂອງໃບ ເພາະມີ ສັດຕູພືດຈໍານວນຫຼາຍລີ້ອາໄສຢູ່ທີ່ນັ້ນ.

ສະເປຼ ໝາກເຜັດ / ຫົວກະທຽມ

ສັດຕູພືດທີ່ຄວບຄຸມໄດ້: ບົ້ງ, ເພ້ຍໄຟ, ໄຮແມງມຸມແດງ, ແມງມີ່ຂາວ, ຕັກແຕນ, ມົດ ແລະ ປວກ. ສະເປຼນີ້ໃຊ້
ໄດ້ກັບສັດຕູພືດເກືອບທຸກໆຊະນິດຍົກເວັ້ນເພ້ຍ (ໃຫ້ນໍາໃຊ້ສະເປຼນໍ້າສະບູສໍາລັບເພ້ຍ) ວິທີບົດໝາກເຜັດ 1 ກິໂລ
ປົນກັບຫົວກະທຽມ 1 ກິໂລ ແລະ ໃບຢາສູບ 1-2 ໃບ. ເຕີມເຫຼົ້າຂາວ 1 ລິດໃສ່ ແລະ ປະໄວ້ 1 ອາທິດ. ຈາກນັ້ນໃຊ້ຜ້າຝ້າຍຕອງເອົານໍ້າຂອງມັນ. ຖ້າບໍ່ມີໃບຢາສູບ, ທ່ານສາມາດໃຊ້ຢາສູບ 2 ກອກແທນກໍ່ໄດ້.

ສະເປຼ ໝາກເຜັດ / ຫົວກະທຽມ

ສະເປຼນໍ້າສະບູ

ສັດຕູພືດທີ່ຄວບຄຸມໄດ້:ເພ້ຍ, ເພ້ຍໄຟ, ໄຮແມງມຸມແດງ, ແມງມີ່ຂາວ
ວິທີປຸງແຕ່ງ:ປະສົມນໍ້າສະບູ 30 ມີລີລິດ ກັບເຫຼົ້າຂາວ 30 ມີລີລິດ ແລະ ນໍ້າ 1 ລິດ ນໍ້າຢາສາມາດນໍາໃຊ້ໄດ້ເລີຍ ຫຼັງຈາກປະສົມແລ້ວ. ສັ່ນຂວດນໍ້າຢາກ່ອນນໍາໃຊ້.ສັດຕູພືດທີ່ຄວບຄຸມໄດ້:ແມງລີ້ນໝາ ແລະ ຫອຍທາກ, ໜອນ, ໄຮແມງມຸມແດງ
ວິທີປຸງແຕ່ງ:ປະສົມເຫຼົ້າຂາວ 1 ລິດ ກັບນໍ້າໝາກນາວ (5%) 0,5 ລິດ, ນໍ້າສະກັດຊີວະພາບ 0,5 ລິດ ແລະ ກາກນໍ້າຕານ 0,5 ລິດ. ປະໄວ້ 1 ວັນ. ຢາທີ່ປະສົມແລ້ວສາມາດຮັກສາໄວ້ໄດ້ດົນເຖິງ 6 ເດືອນໃນບ່ອນມືດ ແລະ ແຫ້ງໃນການສີດພົ່ນໃຫ້ໃຊ້ນໍ້າຢານີ້ 10 ມີລີລິດ (1-2 ບ່ວງແກງ) ປົນກັບນໍ້າ 10 ລິດ.