ຕາມປົກກະຕິແລ້ວ, ແກ່ນໝາກໄມ້ບາງຊະນິດທີ່ມີເປືອກອ່ອນ ແລະ ຂ້າງໃນເປືອກມີເນື້ອແຫຼວນັ້ນ ຫຼັງຈາກໄປເອົາແນວມາໄດ້ແລ້ວ ແມ່ນໃຫ້ເອົາໄປປູກໂລດ. ແກ່ນແນວບາງຊະນິດອາດຕ້ອງໄດ້ເກັບໄວ້ເປັນເວລາຫຼາຍເດືອນຈິ່ງຈະນຳເອົາມາປູກໄດ້.
ແກ່ນແນວເກືອບທຸກຊະນິດແມ່ນຕ້ອງການນ້ຳເພື່ອແຕກງອກອອກມາໄດ້. ຖ້າແກ່ນແນວນັ້ນມີເປືອກແຂງ ແລະ ໜາ ແມ່ນຈຳເປັນຕ້ອງໄດ້ເຮັດໃຫ້ເປືອກມັນອ່ອນ ຫຼື ຕັດເປືອກແຂງນັ້ນເພື່ອໃຫ້ນ້ຳຊືມເຂົ້າໄດ້. ແກ່ນແນວບາງຊະນິດແມ່ນຕ້ອງໄດ້ຜ່ານການກະກຽມຫຼາຍຂັ້ນຕອນກ່ອນຈະນຳໄປປູກໄດ້ ເຊັ່ນ:
• ຖ້າເປືອກຂອງແກ່ນແນວບໍ່ແຂງຫຼາຍເກີນໄປ (ຊຶ່ງເຈົ້າສາມາດທີ່ຈະເຮັດໃຫ້ມັນແຕກ ຫຼື ແຍກອອກຈາກ ກັນໄດ້ ໂດຍໃຊ້ເລັບ ມື) ແລະ ບໍ່ໜາຫຼາຍເກີນໄປ (ບໍ່ໜາກວ່າຫຼັງປົກຂອງປຶ້ມຫົວນີ້), ໃຫ້ນຳແກ່ນແນວນັ້ນໄປປູກລົງດິນຊຸ່ມໂລດ.
• ມີອີກວິທີໜຶ່ງທີ່ຈະສາມາດຈັດການກັບເປືອກແຂງ ແຕ່ບໍ່ໜາຂອງແກ່ນແນວໄດ້ ນັ້ນກໍ່ຄືການເອົາແກ່ນນັ້ນແຊ່ນ້ຳເຢັນໄວ້ 1 ມື້ເຕັມໆ,ຈາກນັ້ນກໍ່ເອົາກະເປົາປຽກປົກແກ່ນນັ້ນປະໄວ້ອີກ 24 ຊົ່ວ ໂມງ. ໃຫ້ປະຕິບັດຕາມຂັ້ນຕອນດັ່ງກ່າວນີ້ຕໍ່ໄປອີກ 6 ມື້, ແລະ ພໍຮອດມື້ທີ 7 ໃຫ້ນຳແກ່ນນັ້ນໄປປູກ.• ຖ້າຫາກວ່າເປືອກຂອງແກ່ນແນວນັ້ນແຂງ ແລະ ໜາ, ໃຫ້ເອົາແກ່ນນັ້ນຖູກັບຫີນທີ່ຊາ ຫຼື ກະດາດຊາຍຈົນກວ່າຈະສາມາດແນມເຫັນທາງໃນຂອງແກ່ນນັ້ນ. ຈົ່ງລະວັງຢ່າຖູມັນເລິກຫຼາຍເກີນໄປເພາະມັນອາດເຮັດໃຫ້ແກ່ນແນວເສຍຫາຍໄດ້.
• ຖ້າຫາກວ່າເປືອກຂອງແກ່ນແນວນັ້ນອ່ອນແຕ່ໜາ, ໃຫ້ໃຊ້ມີດປາດເປືອກນັ້ນອອກ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ