Jatropha curcas Linn.
EUPHORBIACEAE
ລັກສະນະພືດສາດ: ໝາກເຍົາ ເປັນໄມ້ພຸ່ມ, ສູງ 3-5 ມ, ທຸກສ່ວນມີຢາງໃສ, ເປືອກລຽບ. ໃບ ເປັນໃບດ່ຽວ, ຮູບໄຂ່ກ້ວາງ ຫຼື ຂ້ອນຂ້າງມົນກົມ, ກ້ວາງ 7-11 ຊມ, ຍາວ 7-16 ຊມ. ຖານໃບ ໝາກເຍົາ ວ້ຳເຂົ້າເປັນຮູບຫົວໃຈ, ປາຍໃບແຫຼມ, ຂອບໃບລຽບ ຫຼື ເປັນຢັກວ້ຳ 3-5 ຢັກ, ກ້ານໃບຍາວ 6-18 ຊມ. ດອກ ອອກເປັນຊໍ່, ອອກຕາມຊອກໃບ ຫຼື ປາຍຍອດ ໝາກເຍົາ, ຂະໜາດ 6-10 ຊມ, ດອກ ໝາກເຍົາ ແຍກເພດຢູ່ຕົ້ນດຽວກັນ, ໃບປະດັບຮູບຫອກ,ຂະໜາດ 4-8 ມມ. ດອກເພດຜູ້ ກາບດອກມີ 5 ກາບ, ຂະໜາດ 4 ມມ, ເຊື່ອມຕິດກັນທີ່ຖານ. ກີບດອກ 5ກີບ, ຮູບຂອບຂະໜານ, ສີຂຽວອອກເຫຼືອງ, ຂະໜາດ 6 ມມ, ເຊື່ອມຕິດກັນເຖິງເຄີ່ງກາງ, ມີຂົນຢູ່ດ້ານໃນ.ເກສອນຜູ້ມີ 10 ອັນ, ລຽງເປັນສອງຊັ້ນ, ກ້ານເກສອນດ້ານນອກ 5 ອັນເປັນອິດສະລະ, ກ້ານເກສອນດ້ານໃນເຊື່ອມຕິດກັນຢູ່ສ່ວນລຸ່ມ. ດອກເພດແມ່ ກາບດອກແຍກກັນ, ຂະໜາດ 6 ມມ, ກີບດອກຄ້າຍຄືກັບດອກຜູ້,ເຕົ້າໄຂ່ມີ 3 ຊ່ອງ, ກ້ຽງ. ໝາກ ມົນກົມຂະໜາດ 2.5-3 ຊມ, ເມື່ອແກ່ແຕກເປັນ 3 ແສກ, ແຕ່ລະແສກມີ 2ກີບ. ແກ່ນ ຮູບກົມຮີ, ສີດຳ, ກ້ຽງ.
ປິ່ນປົວພະຍາດ: ແກ້ປາກເປື່ອຍ ແລະ ຂ້າແມ່ທ້ອງ.
ສ່ວນທີ່ໃຊ້: ຢາງ ແລະ ແກ່ນ
ວິທີການນຳໃຊ້: ໃຊ້ຢາງທາບໍລິເວນທີ່ປາກເປື່ອຍຈະເຮັດໃຫ້ແຫ້ງ ແລະ ດີໄວ. ສ່ວນເປັນຢາຂ້າແມ່ທ້ອງແມ່ນ
ໃຊ້ແກ່ນສົດກິນເມື່ອອອກລິດຈະເຮັດໃຫ້ຖ່າຍຫຼາຍ, ແຕ່ຕ້ອງກິນໃນປະລິມານທີ່ໜ້ອຍເພາະວ່າໃນແກ່ນຈະມີ
ທາດເບື່ອ ຜູ້ຍິງຖືພາ ແລະ ເດັກນ້ອຍບໍ່ຄວນກິນ.
ການປູກຂະຫຍາຍພັນ: ເປັນພືດທີ່ມີຄວາມທົນທານຕໍ່ກັບສະພາບແວດລ້ອມສາມາດປູກໄດ້ເກືອບທຸກສະ
ພາບດິນ ຂະຫຍາຍພັນດ້ວຍການກ້າແກ່ນ, ເມັດທີ່ສາມາດກ້າໄດ້ຕ້ອງແກ່ດີມີສີດຳ ຫຼື ສີນ້ຳຕານແກ່ ແລະ
ຕັດຊຳ ຕັດໃຫ້ຍາວປະມານ 50 ຊມ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ