ການຜະລິດເຂົ້າ.
ການຜະລິດເຂົ້າ ແມ່ນສາມາດສະໜອງຄວາມຕ້ອງການບໍລິໂພກໃຫ້ແກ່ສັງຄົມ ໂດຍສະເລ່ຍ ຜົນຜະລິດເຂົ້າລວມ 3
ລ້ານກວ່າໂຕນຕໍ່ປີ. ໃນນັ້ນ, ເຂົ້ານາປີ ກວມອັດຕາສ່ວນ 79%, ເຂົ້ານາແຊງ
15% ແລະ ເຂົ້າໄຮ່ 6% ແລະ ຄາດຄະເນຜົນຜະລິດເຂົ້ົາ ຈະເພີ່ມຂຶ້ນປະມານ 900,000 ກວ່າໂຕນ ໃນປີ 2014, ແຕ່ຖ້າທຽບໃສ່ແຜນການ
5 ປີ ຄັ້ງທີ VII ປະຕິບັດໄດ້ປະມານ
95% ຂອງແຜນການ 4.2 ລ້ານໂຕນ, ລາຍລະອຽດດັ່ງລຸ່ມນີ້:
1) ການຜະລິດເຂົ້ານາແຊງ: ໃນສົກປີ 2010-2011 ປະຕິບັດໄດ້ 112,210 ເຮັກຕາ, ຜົນຜະລິດ 540,315 ໂຕນ, ໃນສົກປີ 2011-2012
107,967 ເຮັກຕາ, ຜົນຜະລິດ 509,920 ໂຕນ, ໃນສົກປີ 2012-2013 ປະຕິບັດໄດ້ 92,340 ເຮັກຕາ, ຜົນຜະລິດ 439,150 ໂຕນ ແລະ ໃນສົກປີ
2013-2014
ປະຕິບັດໄດ້ 102,505 ເຮັກຕາ
ຜົນຜະລິດ 541,000 ໂຕນ. ຖ້າທຽບໃສ່ແຜນການ 5 ປີ (200,000 ເຮັກຕາ) ບັນລຸ
51% ຂອງແຜນການ
(ຕາຕະລາງຄັດຊ້ອນທ້າຍ 01).
ສາເຫດການຜະລິດເຂົ້ານາແຊງ ບໍ່ບັນລຸຕາມຄາດໝາຍເນື່ອງຈາກວ່າ: 1) ການປ່ຽນແປງຂອງສະພາບ ດິນຟ້າອາກາດ (ຝົນຕົກບໍ່ຖືກຕາມລະດູການ,
ປະລິມານນ້ຳຝົນໜ້ອຍ ແມ່ນ້ຳລຳເຊບົກແຫ້ງຜິດປົກກະຕິ, ບາງພື້ນທີ່ສະພາບອາກາດໜາວ ໂດຍສະເພາະ ແມ່ນເຂດພາກເໜືອ); 2) ຫົວງານຊົນລະປະທານເກົ່າແກ່, ເກີດຫາດປົ່ງບໍລິເວນຕັ້ງຫົວງານຈັກສູບນ້ຳ ແລະ ລະບົບຄອງເໜືອງເປ່ເພ, ງົບປະມານສ້ອມແປງຫຼ້າຊ້າ ບໍ່ທັນກັບລະດູການ; 3) ຕົ້ນທຶນການຜະລິດເຂົ້າສູງ ເປັນຕົ້ນແມ່ນລາຄາປັດໄຈການຜະລິດ (ຝຸ່ນເຄມີ,
ຢາປາບສັດຕູພືດ, ຄ່າບໍລິການກົນຈັກ) ແລະ ຄ່າແຮງງານສຸງ, ແຕ່ລາຄາເຂົ້າເປືອກຕ່ຳ
ເຮັດໃຫ້ຊາວກະສິກອນຫັນໄປປູກພືດອື່ນທົດແທນ.
2) ການຜະລິດເຂົ້ານາປີ: ໃນປີ 2011 ປະຕິບັດໄດ້ 598,358 ເຮັກຕາ ຜົນຜະລິດ 2,323,195 ໂຕນ, ໃນປີ 2012 ປະຕິບັດໄດ້ 706,028 ເຮັກຕາ, ຜົນຜະລິດ 2,763,150 ໂຕນ, ໃນປີ 2013 ປະຕິບັດໄດ້ 683,125 ເຮັກຕາ, ຜົນຜະລິດ 2,734,970 ໂຕນ ແລະ ຄາດຄະເນ ປີ 2014 ປະມານ
772,678 ເຮັກຕາ, ຜົນຜະລິດ ປະມານ 3,270,000 ໂຕນ, ທຽບໃສ່ແຜນການ 5 ປີ ບັນລຸ ລື່ນແຜນການ 10% ຂອງແຜນການ (2,97 ລ້ານໂຕນ) ເຊິ່ງໂດຍລວມແລ້ວ
ເຫັນວ່າການຜະລິດເຂົ້ານາປີ ແມ່ນມີການຂະຫຍາຍຕົວດີສົມຄວນ.
3) ການຜະລິດເຂົ້າໄຮ່: ໃນປີ 2011 ປະຕິບັດໄດ້ 106,682 ເຮັກຕາ, ຜົນຜະລິດ 202,250 ໂຕນ, ໃນປີ --2012 ປະຕິບັດໄດ້ 119,772 ເຮັກຕາ ຜົນຜະລິດ 216,140 ໂຕນ, ໃນປີ 2013 ປະຕິບັດໄດ້ 115,725 ເຮັກຕາ, ຜົນຜະລິດ 240,440 ໂຕນ ແລະ ຄາດຄະເນ
ປີ 2014 ຈະໄດ້ປະມານ 100,000 ເຮັກຕາ, ຜົນຜະລິດ
200,000 ໂຕນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ