ສະພາບການຕະຫຼາດເຂົ້າ
ຢູ່ໃນ ສປປ ລາວ ສ່ວນໃຫຍ່ຍັງເປັນຕະຫຼາດຂາຍເຂົ້າລວມ ບໍ່ໄດ້ຜ່ານການປຸງແຕ່ງທີ່ລະອຽດ
ຈິ່ງເປັນເຫດໃຫ້ເຂົ້າ ບໍ່ມີລົດຊາດ, ບໍ່ມີຄວາມຫອມ, ບໍ່ອ່ອນນຸ່ມ, ສີບໍ່ເສາະໃສ
(ຕົກໂໝະ), ຂາດໜາດເມັດເຂົ້າສານບໍ່ສະໝໍ່າ ສະເໜີ (ເມັດຫັກ ແລະ ສິ່ງເຈືອບົນອື່ນໆ) ແລະ
ຍັງບໍ່ທັນໄດ້ຖືກວິເຄາະວິໄຈຫາທາດອາຫານທີ່ບັນຈຸຢູ່ໃນເມັດເຂົ້າ ທີ່ເປັນປະໂຫຍດຕໍ່ສຸຂະພາບ.
ກົງກັນຂ້າມຜູ້ບໍລິໂພກສ່ວນໃຫຍ່ ຕ້ອງການກິນເຂົ້າທີ່ມີຄຸນນະພາບ (ລົດຊາດດີ, ມີຄວາມຫອມ,
ມີຄວາມອ່ອນນຸ່ມ, ສີຂາວລ້ວນ, ເມັດສະໝໍ່າສະເໜີ, ອົງປະກອບດ້ານທາດອາຫານທາງດ້ານໂພຊະນາການສູງ).
ໃນປີ 2025
ສປປ ລາວ ມີຄວາມອາດສາມາດຜະລິດເຂົ້າ
ໄດ້ເຖິງ 5,2 ລ້ານໂຕນເຂົ້າເປືອກ ໃນນັ້ນ 3-3,5 ລ້ານໂຕນ ເພື່ອຄໍ້າປະກັນຄວາມໝັ້ນຄົງທາງດ້ານສະບຽງ
ໂດຍເລັ່ງໃສ່ທົ່ງພຽງ ແຂວງ ຄຳມ່ວນ ແລະ ສະຫວັນນະເຂດ ໃຫ້ກາຍເປັນໃຈກາງແຫຼ່ງຜະລິດເຂົ້າ.
ສຳລັບການຜະລິດເຂົ້າທີ່ມີຄຸນນະພາບກາຍເປັນສິນຄ້າ ຈຳນວນ 1,8 ລ້ານໂຕນ ແມ່ນສຸມໃສ່ພື້ນທີ່
ທີ່ມີທ່າແຮງກະສິກຳສະອາດດ້ານການປູກເຂົ້າ ໂດຍສະເພາະລະບົບການຜະລິດແບບກະສິກຳທີ່ດີ,
ກະສິກຳອີນຊີ ເຊິ່ງເປັນເອກະລັກສະເພາະ. ຈາກຕົວເລກເຂົ້າເປັນສິນຄ້າ ເຫັນວ່າມີທ່າແຮງໃຫ້ແກ່ການເຈລະຈາການຄ້າເຂົ້າ
ແລະ ສາມາດເຊື່ອມໂຍງການຄ້າເຂົ້າ ກັບບັນດາຕະຫຼາດພາຍໃນ, ພາກພື້ນ ແລະ ສາກົນໄດ້.
ຖ່າຍຈາກຕະຫລາດ ເມືອງປາກເຊ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ