​ເລື້ອງ​ນາກ

ບົດຄົ້ນຄວ້າ

ໂດຍ: ລູກຊາວດອນ

ນາກໃນສາສນາ
ພະຍານາກ ຄື ສັດຈຳພວກງູອາໄສຢູ່ໃນມະຫາສະໝຸດສີທັນດອນ ມີລິດຫຼາຍສາມາດຈະນີລິມິດໂຕໃຫ້ເປັນ ຄົນໄດ້ ເຖິງວ່ານາກຈະນີລະມິດຕົວໃຫ້ເປັນຄົນໄດ້ກຊຈິງ ແຕ່ລັກສະນະອາການ ໕ ຢ່າງທີ່ມີປະຈຳຕົວຢູ່ສະເໝີນັ້ນບໍ່ສາ ມາດຄົງຮ່າງໄວ້ໄດ້ນານ ບໍ່ນານກໍກັບສະພາບມາເປັນນາກດັ່ງເດີມ ຄື
- ໃນຂະນະປະຕິສົນທິ
- ໃນຂະນະລອກຄາບຢູ່.
- ໃນຂະນະເສບເມຖຸນກັບນາງນາກ.
- ໃນຂະນະນອນຫຼັບ.
- ໃນຂະນະຕາຍ.
ລັກສະນະຈຳເພາະທັງ ໕ ປະການນີ້ ນາກທັງຫຼາຍ ເມື່ອແປງກາຍເປັນຄົນ ຫຼືສັດຊະນິດອື່ນແລ້ວ ບໍ່ຄົງທົນຢູ່ ນານ ກໍຈັກກັບສະພາບເປັນນາກດັ່ງເດີມ, ນາກທັງຫຼາຍມີອາຍຸບໍ່ແນ່ນອນ ບາງທີກໍອາຍຸສັ້ນ, ບາງທີກໍອາຍຸຍືນ, ພວກ ທີ່ມີອາຍຸຍືນນັ້ນ ເຖິງແມ່ນພຣະພຸດທະເຈົ້າຈະອຸບັດຂຶ້ນມາໃນໂລກເຖິງ ໕ ພຣະອົງກໍຕາມ ພຣະຍານາກກໍຄົງມີຢຸ່ຕັ້ງ ແຕ່ພຣະກຸກກຸສັນໂທ ຈົນເຖະງພຣະໂຄດົມສັມມາສັມພຸດທະເຈົ້າຂອງເຮົາ ພຣະຍານາກກໍຄົງຢູ່ຢ່າງນັ້ນ ເຊັ່ນ ພຣະ ຍາກາລະນາກ ມີອາຍຸຕັ້ງແຕ່ພຣະພຸດທະເຈົາກຸກກຸສັນໂທ ຈົນເຖິງພຣະສະມະນະໂຄດົມສັມມາສັມພຸດທະເຈົ້າ ແລະ ຈະມີອາຍຸຕໍ່ໄປຈົນເຖິງພຣະສີອະຣະຍະເມດໄຕຍະສັມມາສັມພຸດທະເຈົ້າ ໃນເລື່ອງຂອງພຣະຍານາກມີຂໍ່ຄວນສຶກສາດັ່ງ ນີ້:
໑. ກຳເນີດນາກ ໔ ຈຳພວກ.
ທີ່ເມືອງສາວັດຖີ ພຣະຜູ້ມີພຣະພາກເຈົ້າໄດ້ຕັດກັບເຫຼົ່າພຣະພິກຂຸສົງທັງຫຼາຍວ່າ “ກຳເນີດນາກມີ ໔ ຈຳ ພວກ ຄື:
໑.໑. ນາກທີ່ເປັນສັງເສທະຊະ ເກີດໃນໄຂ່.
໑.໒. ນາກທີ່ເປັນຊະລາພຸຊະ ເກີດໃນຄັບ.
໑.໓. ນາກທີ່ເປັນສັງເສທະຊະ ເກີດໃນເຖົ້າໄຄ.
໑.໔. ນາກທີ່ເປັນອຸປປາຕິກພ ເກີດຜຸດຂຶ້ນ
(ສັງ. ໑໗/ສຸທທະກະສູຕ/໕໑໘/໒໗໑)
໒. ຄວາມປານີດຂອງການກຳເນີດນາກແຕ່ລະຈຳພວກ.
ໃນນາກ ໔ ຈຳພວກນັ້ນ ນາກທີ່ເປັນຊະລາພຸຊະ ສັງເສທະຊະ ແລະອຸປປາຕິກະ ປານີດກວ່ານາກທີ່ເປັນອັນທະ ຊະ ນາກທີ່ເປັນສັງເສທະຊະແລະອຸປປາຕິກະ ປານີດກວ່ານາກທີເປັນອັນທະຊະ ແລະຊະລາພຸຊະ ນາກທີ່ປັນອຸປາຕິກະ ປານີດກວ່ານາກທີ່ເປັນແັນທະຊະ ຊະລາພຸຊະ ແລະສັງເສທະຊະ.