ສະພາບລວມຂອງບ້ານເພຍ​ວັດ

ບ້ານເພຍວັດ, ເມືອງສີສັດຕະນາກ ເປັນບ້ານທີ່ຕັ້ງຢູ່ທົ່ງພຽງ, ໃກ້ແຄມນ້ຳຂອງ, ຢູ່ຈຸດໃຈກາງນະ ຄອນຫຼວງວຽງຈັນ ແລະ ຢູ່ກາງເທດສະບານເມືອງເຮັດໃຫ້ການໄປການມາສະຖານທີ່ຕ່າງໆຢູ່ໃກ້ ແລະ ສະດວກສະບາຍເຊັ່ນ: ຢູ່ໃກ້ກັບຕະຫຼາດເຊົ້າ, ຕະຫຼາດຂົວດິນ, ສະຖານນີລົດເມ, ກະຊວງ ແລະ ອົງການຕ່າງໆ. ນອກນັ້ນ, ອ້ອມຮອບບ້ານກໍ່ມີໂຮງແຮມ, ບ້ານພັກ, ຫ້າງຮ້ານໃຫ່ຍນ້ອຍຕ່າງໆ. ເສັ້ນທາງປູຢາງ, ມີໂຄງລ່າງພຶ້ນຖານຄົບຊຸດເຊັ່ນ: ໃກ້ກັບໂຮງໝໍ, ມີໂຮງຮຽນປະຖົມ, ມັດທະຍົມ, ນ້ຳໄຫຼໄຟສະຫວ່າງ . ເຊີ່ງເຫັນວ່າເປັນບ້ານທີ່ມີທີ່ຕັ້ງເໝາະສົມ ແລະ ມີຂໍ້ອຳນວຍສະດວກສະບາຍຄົບ

ຊຸດ .

ບ້ານເພຍວັດ ເປັນບ້ານໜື່ງຂຶ້ນກັບ ກຸ່ມເພຍວັດ, ເມຶອງສີສັດຕະນາກ. ມີເນື້ອທີ່ທັງໝົດ 15 ເຮັກຕາ, ເຊີ່ງມີຊາຍແດນຕິດກັບ :

-    ທິດເໜືອຕິດກັບ ວັດພະແກ້ວ, ເມືອງຈັນທະບູລີ .

-    ທິດໃຕ້ຕິດກັບ ບ້ານທາດຂາວ .

-    ທິດຕາເວັນອອກຕິດກັບ ບ້ານເກົ້າຍອດ ແລະ ບ້ານສີເມຶອງ .

-    ທິດຕາເວັນຕົກຕິດກັບ ແມ່ນ້ຳຂອງ ແລະ ຊາຍແດນລາວ-ໄທ .