ສະພາບການຜະລິດເຂົ້າທົ່ວປະເທດ ໃນຊ່ວງ 30 ກວ່າປີ ທີ່ຜ່ານມາ

ເຂົ້າເປັນ​ພືດ​ອາຫານ​ຫຼັກ​ປະ​ຈຳ​ຊາດ ​ແລະ ​ເປັນ​ພືດ​ຍຸດ​ທະ​ສາດ​ ທີ່​ສຳຄັນ​ຂອງ ສ ປ ປ ລາວ ທີ່​ມີ​ຜົນ ​ກະທົບ​ໂດຍ​ກົງ ​ຕໍ່​ພື້ນຖານ​ເສດຖະກິດ ​ແລະ ຄວາມໝັ້ນຄົງ​ຂອງ​ປະ​ເທດ​ຊາດ. ​ໃນປີ 2012 ​ມີ​ຊາວນາ​​ ກວມ​ເອົາ ປະມານ 77% ຂອງ​ປະຊາກອນ​ທັງ​ປະ​ເທດ, ມີ​ເນື້ອທີ່​ປູກ​ເຂົ້າ ​ທັງ​ໝົດປະມານ 933.767 ກວ່າ​ເຮັກຕາ, ​ມີຜົນຜະລິດ​ເຂົ້າ​ທັງ​ໝົດ 3,49 ລ້ານກວ່າ​ໂຕນ​ເຂົ້າ​ເປືອກ, ຄິດ​ເປັນ​ມູນ​ຄ່າ ​​ປະມານ 7.500-8.000 ຕື້ກີບ​ຕໍ່​ປີ ຫຼືເທົ່າກັບ 1 ພັນລ້ານໂດລາສະຫະລັດຕໍ່ປີ ທີ່​ເປັນ​ລາຍ​ໄດ້​ຕົ້ນຕໍ​ ​ຂອງ​ຊາວ​ກະສິກອນ, ຊາວນາຜະລິດເຂົ້າໜຽວ ກວມປະມານ 90​% ແລະ ເຂົ້າຈ້າວ ກວມປະມານ 10 % (ແຫລ່ງຂໍ້ມູນ: Agri. Census 2010-2011).

ຕາຕະລາງ ສັງລວມສະພາບການຜະລິດເຂົ້າທົ່ວປະເທດ ໃນຊ່ວງ 30 ກວ່າປີ ທີ່ຜ່ານມາ:

ລາຍການ	1976	1980	1990	2000	2005	2012	ສົມທຽບ 2012/1976
ເນື້ອທີ່ເກັບກ່ຽວ(ຮຕ)	524.500	732.000	650.300	719.300	736.000	933.767	78,03%
ສະມັດຕະພາບ(ຕ/ຮຕ)	1,26	1,44	2,29	3,10	3,48	3,74	196,53%
ຜົນຜະລິດ(ພັນໂຕນ)	660,94	1.053	1.491,49	2.230,00	2.561,91	3.489,20	427,92%
ສະເລ່ຍຜົນຜະລິດ(ກິໂລ)ເຂົ້າເປືອກ/ຄົນ/ປີ	229	329	346	426	434	540	135,81%

ຈາກຕາຕະລາງ ຂ້າງເທິງນັ້ນ ເຫັນໄດ້ວ່າ ການຜະລິດເຂົ້າ ທົ່ວປະເທດ ໃນຮອບ 37 ປີ ແມ່ນມີທ່ວງທ່າການ ຂະຫຍາຍຕົວເພີ້ມຂື້ນເຊັ່ນ: ທາງດ້ານເນື້ອທີ່ ເພີ້ມຂຶ້ນ 78% ຫຼື ສະເລ່ຍ 2,10%ຕໍ່ປີ; ຜົນຜະລິດເພີ້ມຂຶ້ນ 428% ຫຼື ສະເລ່ຍເພີ່ມຂຶ້ນ 11,56% ຕໍ່ປີ; ສະມັດຕະພາບສະເລ່ຍເພີ່ມຈາກ 1,26 ໂຕນ/ເຮັກຕາ ໃນປີ 1976 ມາເປັນ 3,74 ໂຕນ/ເຮັກຕາ ໃນປີ 2012, ໝາຍຄວາມວ່າສະພມັດຕະພາບເພີ່ມຂຶ້ນ 2,48 ໂຕນ/ເຮັກຕາ.