ໝາກ Fruit

I. ໝາກ Fruit

1. ຄວາ​ມໝາຍຂອງໝາກ

ໝາກ​ແມ່ນ​ຮັງ​ໄຂ່ ovary ທີ່​ແກ່​ເຕັມທີ່ໝາກອາດ​ຈະ​ເກີດ​ຈາກ​ການ​ປະສົມ​ພັນ ​ຫລື ບໍປະສົມ​ພັນ​ກໍ່​ໄດ້ໝາກຂອງ​ພືດ​ສ່ວນ​ຫລາຍ​ຈະ​ເກີດ​ຂື້ນ​ໄດ້​ກໍ່​ຕໍ່​ເມື່ອ​ຮັງ​ໄຂ່​ໄດ້ຮັບການ​ປະສົມ​ພັນ​ຖ້າ​ຮັງ​ໄຂ່​ບໍ່​ໄດ້​ຮັບ​ການ​ປະສົມ​ພັນ​ດອກ​ດໍ່ຈະ​ຫ່ຽວ​ແຫ້ງ ​ແລະ ຫລົ່ນ​ໄປ, ​ເມື່ອ​ຮັງ​ໄຂ່​ໄດ້​ຮັບ​ການ​ປະສົມ​ພັນ​ກໍ່​ຈະ​ເກີດ​ການ​ປ່ຽນ​ແປງ​ເຮັດ​ໃຫ້​ເນື້ອ​ເຍື່ອຂອງ​ຮັງ​ໄຂ່​ມີ​ການຈະ​ເລີນ​ເຕີບ​ໂຕ​ກາຍ​ເປັນໝາກຂື້ນມາ.

2. ການ​ປະກອບ​ສ້າງ​ຂອງໝາກ

• Exocarp ເປັນ​ຊັ້ນນອກ​ສຸດ ຫລື ທີ່​ເອີ້ນ​ກັນ​ວ່າ​ເປືອກ​ບາງ​ຊະນິດ​ອາດ​ຈະ​ມີ​ຂົນ ຫລື ມີໜາມ
• Mesocarp ເປັນ​ຊັ້ນກາງທີ່​ຢູ່​ຖັດຈາກ​ຊັ້ນນອກ​ເຂົ້າ​ໄປ​ໃນ​ຊັ້ນນີ້ບາງ​ຊະນິດ​ເປັນ​ຊັ້ນອ່ອນນຸ່ມ​ກິນ​ໄດ້​ແຕ່​ບາງ​ຊະນິດ​ກໍ່​ກິນ​ບໍ່​ໄດ້
• Endocarp ເປັນຊັ້ນ​ໃນ​ສຸດຂອງໝາກຊື່​ງອາດ​ຈະ​ປະກອບ​ດ້ວຍ​ແພ​ຈຸ​ລັງ​ທີ່ໜາ ຫລື ບາງ​ແລ້ວ​ແຕ່​ຊະ ນິດ​ພັນ

            ທັງ 3 ຊັ້ນນີ້ອາດ​ແບ່ງ​ກັນ​ອອກ​ຢ່າງ​ຈະ​ແຈ້ງ​ໃນໝາກ​ໄມ້​ບາງ​ຊະນິດ​ເຊັ່ນ: ໝາກມ່ວງ, ໝາກຕ້ອງ, ໝາກພ້າວ​ເປັນຕົ້ນ, ​ແຕ່ໝາກບາງ​ຊະນິດ​ສ່ວນ perycarpຈະ​ເຊື່ອມ​ຕິດ​ກັນ​ຈົນ​ບໍ່​ສາມາດ​ແຍກ​ອອກ​ຈາກ​ກັນ​ໄດ້​ເຊັ່ນ: ໝາກ​ເຜັດ, ໝາກ​ເລັ່ນ​ເປັນຕົ້ນ

3. ຊະນິດ​ຂອງໝາກ kind of fruit

3.1 ແບ່ງ​ຕາມ​ລັກສະນະ​ໂຄງ​ສ້າງ​ຂອງ​ດອກ ທີ່​ຈະ​ເລີນ​ເປັນໝາກ

ກ. ໝາກ​ແທ້ true fruit ເປັນໝາກທີ່​ເກີດ​ຈາກ​ຮັງ​ໄຂ່ພຽງ​ແຕ່​ຢ່າງ​ດຽວ​ໄດ້​ແກ່: ໝາກມ່ວງ, ໝາກລຳ​ໃຍ, ໝາກ​ໄຟ

ຂ. ໝາກທຽມ Accessory fruit ເປັນໝາທີ່​ເກີດ​ຈາກ​ແພ​ຈຸ​ລັງ​ຮັງ​ໄຂ່​ເຊັ່ນ: ​ແຕງ​ກວາ, ໝາກສີດາ, ໝາກນັດ ໝາກກ້ວຍ​ເປັນຕົ້ນ

3.2 ແບ່ງ​ຕາມ​ການຈະ​ເລີນ​ເຕິ​ບ​ໂຕ​ຂອງ​ເກສອນ​ແມ່​ທີ່​ຈະ​ເລີນ​ໄປ​ເປັນໝາກ

ກ. ໝາກດ່ຽວ simple fruit ເປັນໝາກທີ່​ເກີດ​ຈາກ​ດອກ​ດຽວ single flower ທີ່​ເກສອນ​ແມ່​ປະກອບ​ດ້ວຍ​ເກ ສອນ​ແມ່1 ອັນ​ໄດ້​ແກ່ ໝາກມ່ວງ ຫລື ຖ້າ​ມີ​ຫລາຍ​ເກສອນ​ແມ່​ເກສອນ​ເຫລົ່າ​ນີ້ຕ້ອງ​ເຊື່ອມ​ຕິດ​ກັນ​ເຊັ່ນ: ​ແຕງ​ກວາໝາກກ້ຽງ​, ຖົ່ວ​ລຽງ​ເປັນຕົ້ນ

ຂ. ໝາກກຸ່ມ Aggregate fruit ເປັນໝາກທີ່​ເກີດ​ຈາກ​ດອກດຽວທີ່​ມີ​ເກສອນ​ແມ່​ຫລາຍ​ເກສອນ​ແຕ່​ລະ​ເກສອນ​ແຍກ​ຈາກ​ກັນ​ແຕ່​ຢູ່​ເທິງ​ຖານ​ດອກ​ອັນ​ດຽວ​ກັນ​ເມື່ອ​ຈະ​ເລີນ​ໄປ​ເປັນໝາກຮັງ​ໄຂ່​ແຕ່​ລະ​ອັນ​ຈະ​ກາຍ​ເປັນໝາກນ້ອຍໆ​ທີ່​ຕິດ​ກັນ​ແໜ້ນ​ເປັນໝາກດຽວ​ກັນ​ເຊັ່ນ: ໝາກຂຽບ, ສະ​ຕໍ​ເບີຣີ

 

ຄ. ໝາກລວມ Multiple fruit ເປັນໝາກທີ່​ເກີດ​ຈາ​ຊໍ່​ດອກໝາກດ່ຽວ​ເຊື່ອມ​ລວມກັນ​ເທິງ​ຖານ​ດອກ ຫລື ກ້ານ​ດອກ​ອັນ​ດຽວກັນຮັງໄຂ່ເຫລົ່ານັ້ນຈະການເປັນໝາກນ້ອຍລວມກັນເປັນໜຶ່ງໝາກເຊັ່ນ: ໝາກນັດໝາກມີ້. ຍໍ

3.3     ແບ່ງຕາມ perycarp ຂອງໝາກ

          ໝາກ​ແຫ້ງ dry fruit ເປັນໝາກທີ່​ມີ​ສ່ວນ​ທີ່​ເປັນ​ເນື້ອ​ຂອງໝາກ​ແຫ້ງ​ເມື່ອ​ເວລາ​ແກ່​ຕົວ​ເຕັມທີ່​ແລ້ວໝາກສະ​ນິດ​ນີ້​ຍັງ​ແບ່ງ​ອອກ​ເປັນ 2 ປະ​ເພດ​ຄື: ໝາກ​ແຫ້ງ​ແຕກ ​ແລະ ໝາກ​ແຫ້ງ​ບໍ້​ແຕກ

ໝາກສົດ fleshy fruit ເປັນໝາກທີ່​ສ່ວນ​ຂອງ​ເນື້ອ​ອ່ອນນຸ່ມ ​ແລະ ບວມ​ເມື່ອ​ສຸກ ຫລື ແກ່​ເຕັມທີ່