ການນຳໃຊ້ນ້ຳຖ່ານ

ເນື່ອງ​ຈາກ​ນ້ຳ​ຖ່ານ​ມີ​ຄວາມ​ເປັນ​ກົດ​ສູງ​ດັ່ງນັ້ນກ່ອນ​ນຳ​ໄປ​ໃຊ້​ຕ້ອງ​ນຳ​ນ້ຳ​ຖ່ານ​ໄປ​ເຈືອ​ຈາງ​ກັບ​ນ້ຳ​ເສຍ​ກ່ອນ​ເພື່ອ​ໃຫ້​ເກີດ​ສະພາບ​ທີ່​ເຫມາະ​ສົມ​ກັບ​ວັດຖຸ​ປະສົງ​ຂອງ​ການ​ໃຊ້​ງານ​ເຊິ່ງອັດຕາ​ສ່ວນ​ທີ່​ຕ່າງ​ກັນ​ກໍ່​ມີ​ຄຸນສົມບັດ​ທີ່​ຕ່າງ​ກັນ​ອອກ​ໄປ​ດັ່ງ​ນີ້:

            ​ໃຊ້ອັດຕາ​ສ່ວນ​ 1/20 ຫລື ປະສົມ​ກັບ​ນ້ຳ 20 ​ເທົ່າ​ສີດ​ພົ່ນ​ລົງ​ດິນ​ເພື່ອ​ຂ້າ​ເຊື້ອ​ຈຸລິນ​ຊີ ​ແລະ ​ແມງ ​ໄມ້​ໃນ​ດິນ​ເຊັ່ນ​ໂຣກ​ເນົ່າ​ເລະ​ຈາກ​ເຊື້ອ​ແບ​ດທີ​ເຣຍ, ໂຣກເຫງົ້າເນົ່າຈາກເຊື້ອລາ, ຂີ້ກະເດືອນ ຝອຍຄວນລົງມືປະຕິບັດກ່ອນການກ້າປູກ 10 ວັນ, ເພາະວ່ານ້ຳຖ່ານທີ່ສີດພົ່ນລົງ​ດິນ​ຈະ​ໄປ​ທຳ​ການ​ປະຕິ​ກິລິຍາ​ກັບ​ສານ​ທີ່​ມີ​ຄວາມ​ເປັນ​ດ່າງ​ແລ້ວ​ເກີດ​ເປັນ​ຄາບ​ອນ​ໂມ​ໂນ​ອອກ​ໄຊ(CO)​ເຊິ່ງ​ເປັນ​ພິດ​ຕໍ່​ພືດ, ​ແຕ່​ເມື່ອ​ແກ໊ສຄາ​ບ່ອນ​ໂມ​ໂນ​ອອກ​ໄຊ​​ເກີດ​ປະຕິກິລິຍາ​ກັບ​ອອກ​ຊີ​ເຈນ​ຈະ​ປ່ຽນ​ເປັນ​ແກ໊ສຄາ​ບອນ​ໄດ​ອອກ​ໄຊ(CO2)​ແລ້ວ​ຈຶ່ງ​ຈະ​ສາມາດ​ປູກ​ພືດ​ໄດ້​ລວມທັງ​ພືດ​ຈະ​ໄດ້​ຮັບປະ​ໂຫຍ​ດຈາກ​ຄາບ​ອນ​ໄດ​ອອກ​ໄຊ(CO2)ອີກ​ດ້ວຍ

            ​ເມື່ອ​ໃຊ້​ໃນ​ອັດຕາ​ສ່ວນ1/50 ຫມາຍ​ຄວາມ​ວ່າ​ປະສົມກັບ​ນ້ຳ 50 ​ເທົ່າ​ສີດ​ພົ່ນ​ລົງ​ພື້ນ​ດິນ​ເພື່ອ​ຂ້າ​ຈຸລິນ​ຊີ​ທີ່​ທຳລາຍ​ພືດ​ຫາກ​ໃຊ້​ຄວາມ​ເຂັ້ມ​ຂົ້ນຂອງ​ນ້ຳ​ຖ່ານ​ຫລາຍ​ກ່ວານີ້ຮາກ​ຂອງ​ພືດ​ອາດ​ຈະ​ເປັນ​ອັນຕະລະ​ໄດ້

            ​ເມື່ອ​ໃຊ້​ໃນ​ອັດຕາ​ສ່ວນ 1 / 100 ຫມາຍ​ຄວາມ​ວ່າ​ປະສົມ​ກັບ​ນ້ຳ 100 ​ເທົ່າ​ໃຊ້​ຫົດ​​ເຫງົ້າ​ໄມ້​ຈະ​ສາມາດ​ຮັກສາ​ໂຣກລາ ​ແລະ ​ໂຣກ​ເນົ່າ​ໄດ້​ລວມທັງ​ປ້ອງ​ກັນ​ບໍ່​ໃຫ້​ແມງ​ໄມ້​ມາ​ວາງ​ໄຂ

            ອັດຕາສ່ວນ 1/200 ຫມາຍຄວາມວ່າປະສົມນ້ຳຖ່ານ1 ສ່ວນກັບນ້ຳທຳມະດາ 200 ສ່ວນໃຊ້ສີດພົ່ນໃບໄມພ້ອມທັງພື້ນດິນອ້ມຕົ້ນທຸກໆ 7 - 15 ວັນເພື່ອຂັບໄລ່ແມງໄມ້ ແລະ ປ້ອງ ກັນເຊື້ອລາ ແລະ ຫົດເຫງົ້າເພື່ອເລ່ງການຈະເລີນເຕີບໂຕ

            ອັດຕາສ່ວນ 1 / 500 ຫມາຍຄວາມວ່າປະສົມນ້ຳ 500 ສ່ວນໃຊ້ສີດຫມາກໄມ້ທີ່ຍັງອ່ອນຂອງ ພືດຈະ​ຊ່ວຍ​ໃຫ້​ຫມາກ​ໄມ້​ຂະຫຍາຍຕົວ​ໃຫຍ່​ຂື້ນ, ຫລັງ​ຈາກ​ຫມາກ​ຕິດ​ໄດ້ 15 ວັນ​ໃຫ້​ສີດ​ພົ່ນ​ຕື່ມ​ອີກ​ເທື່ອ​ຫນື່ງກ່ອນ​ທີ່​ຈະ​ເກັບ​ກ່ຽວ 20 ວັນ​ເພື່ອ​ເພີ່ມ​ທາດ​ນ້ຳຕານ​ໃນ​ຫມາກ​ໄມ້​ອີກ​ດ້ວຍ​ເນື່ອງ​ຈາກ​ວ່າ​ນ້ຳ​ຖ່ານ​ຊ່ວຍ​ໃນ​ການ​ສັງ​ເຄາະ​ທາດນ້ຳຕານ ​ແລະ ກົດ​ອາ​ມີ​ໂນ​ດັ່ງນັ້ນຈື່ງ​ເຮັດ​ໃຫ້​ຜົນ​ຜະລິດ​ເພີ່ມ​ຂື້ນ ​ແລະ ມີ​ຄຸນ​ນະພາ​ບທີ່​ດີ​ອີກ​ດ້ວຍ

            ​​ເມື່ອ​ໃຊ້​ໃນ​ອັດຕາ​ສ່ວນ 1/1000 ຫມາຍ​ຄວາມ​ວ່າ​ປະສົມ​ກັບ​ນ້ຳ 1000 ສ່ວນ​ເປັນສານ​ຈັບ​ໃບ​ຈະ​ຊ່ວຍ​ຈະ​ຊ່ວຍ​ລົດ​ການ​ໃຊ້​ສານ​ເຄມີ​ລົງ​ໄດ້​ເນື່ອງ​ຈາກ​ສານ​ເຄມີ​ສາມາດ​ອອກ​ລິດ​ໄດ້​ດີ​ໃນ​ສາຍ​ລະລາຍ​ທີ່​ເປັນ​ກົດ​ອ່ອນໆ ​ແລະ ສາມາດ​ຫລຸດຜ່ອນ​ການ​ໃຊ້​ສານ​ເຄມີ​ໄດ້​ຫລາຍ​ກ່ວາ​ເກົ່າ

            ສູດ​ທີ່​ມັກ​ໃຊ້​ນ້ຳ​ຖ່ານ​ໃນ​ການ​ກະສິກຳ​ແມ່ນ:

   ຜັກ​ກິນ​ໃບ: ​ໃຊ້​ນ້ຳ​ຖ່ານ 1 ບ່ວງ​ແກງ​ກັບ​ນ້ຳ 20 ລິດ​ສີດ​ພົ່ນ​ບາງໆ

ສູດ​ໄລ່​ແມງ​ໄມ້: ຖ້າ​ໄລ່​ແມງ​ໄມ້​ຢ່າງດຽວບໍ່​ໄດ້​ບຳລຸງ​ໃບ​ໃຫ້​ໃຊ້​ນ້ຳ​ຖ່ານ 2 ບ່ວງ​ແກງ ກັບ​ນ້ຳ 20 ລິດ

 ຖ້າ​ສີດ​ບຳລຸງ​ຕົ້ນ​ຈະ​ໃຊ້​ສູດ:

            ນ້ຳ​ຖ່ານ                           1           ລິດ

            ​ເຫລົ້າ​ຂາວ                       1           ​ແກ້ວ ຫລື ລິດ

            ກາກ​ນ້ຳຕານ                     1           ລິດ

            ຈຸລິນ​ຊີ(EM ຫລື BE)          1           ລິດ

            ນ້ຳ​ສົ້ມ​ສາຍ​ຊູ                    1           ​ແກ້ວ ຫລື ລິດ

            ນ້ຳ​ຫມັກ​ຫອຍ​ເຊີຣີ່              1           ລິດ

ນຳ​ສ່ວນ​ປະສົມ​ທັງ 6 ຢ່າງ​ມາ​ລວມກັນ​ແລ້ວ​ນຳ​ມາ​ປະສົມ​ກັບ​ນ້ຳ​ໃນ​ອັດຕາ​ສ່ວນ 1 ບ່ວງ​ແກງ​ຕໍ່  ນ້ຳ​ທຳ​ມະ​ດາ 20 ລິດ, ​ໄປ​ສີ​ພົ່ນ​ໃຫ້​ທົ່ວ.

ການ​ໃຊ້​ນ້ຳ​ຖ່ານ

ຊະນິດ​ພືດ                                         ​ໄລຍະ​ການ​ໃຊ້                               ວິທີ​ນຳ​ໃຊ້​ນ້ຳ​ຖ່ານ

ຜັກ​ຕ່າງໆ​ທີ່​ມີ​ໄລຍະ​ການ​ປູກ​ສັ້ນ         ກ່ອນ ຫລື ຫລັງ​ແຕກ​ຍອດ​ອອນ               ປະສົມ​ນ້ຳ 1:500(4-5ບ່ວງ​ແກງ​ຕໍ່​ນ້ຳ

                                                                                               20ລິດ) ສີດ​ພົ່ນ 5-10 ວັນ​ຕໍ່​ເທື່ອ

ກະທຽມ                                        ຊ່ວງ​ຕົ້ນ​ອ່ອນ           ປະສົມ​ນ້ຳ 1:800 ສ່ວນ(2-3ບ່ວງ​ແກງ​ຕໍ່​ນ້ຳ 20 ລິດ)

                                                                                       ສີດ​ພົ່ນ 2-3 ຄັ້ງຕໍ່​ເດືອນ

ຜັກ​ມີ​ຫົວ​ຕ່າງໆ                             ພາຍຫລັງ​ແຍກ​ຫນໍ່                     ປະສົມ​ນ້ຳ 1:1000 ສ່ວນ

                                                                                      (1-2ບ່ວງ​ແກງ​ຕໍ່​ນ້ຳ 20 ລິດ)

                                                                                        ສີດ​ພົ່ນ 5-10 ວັນຕໍ່​ 1 ເທື່ອ​

ຫມາກ​ເຜັດ                                 ຫລັງ​ຈາກ​ບົງ​ໃຫມ່ 

​ເຂົ້າ                          ​ເລີ່​ມ​ແຕ່​ໃຊ້​ຢາຄຸມ-ຢາຂ້າ​ເຖິງ​​ເຂົ້າມານ(ທຸກ​ຄັ້ງທີ່​ໃຊ້​ສານ​ເຄມີ)         ປະສົມ​ນ້ຳ 1: 200ສ່ວນ

                                                                                                 (10 ບ່ວງ​ແກງ​ຕໍ່​ນ້ຳ 20ລິດ)

                                                                                              ສິດ​ພົ່ນ 2-3 ເທ່ືອຕໍ່​ເດືອນ

​ໄມ້​ໃຫ້​ຫມາກ                        ຊ່ວງ​ໃບ​ອ່ອນ ແລະ ​ໃບ​ແກ່                                  ປະສົມ​ນ້ຳ 1: 200 ສ່ວນ

                                                                                                   ( 10 ບ່ວງ​ແກງ​ຕໍ່​ນ້ຳ 20 ລິດ.)

                                                                                               ຫົດ​ໂຄນ​ຕົ້ນ 2-3 ເທື່ອຕໍ່​ເດືອນ

​ໄມ້​ດອກ ​                                 ແຕກ​ໃບ​ອ່ອນ​ຊ່ວງ​ຕົ້ນ​ແຂງ​ແຮງ​ແລ້ວ               ປະສົມ​ນ້ຳ 1:500 ສ່ວນ

                                                                                                 (4-5ບ່ວງ​ແກງ​ຕໍ່​ນ້ຳ.)

                                                                                                 ສີດ​ພົ່ນ​ເດືອ​ນລະ​ເທື່ອ

ພືດ​ໄຮ່                             ຕັ້ງ​ແຕ່​ຕົ້ນ​ອ່ອນ​ເຖິງ​ກ່ອນເກັບ​ກ່ຽວ                        ປະສົມ​ນ້ຳ 1: 500 ສ່ວນ

                                                                                                (4-5 ບ່ວງ​ແກງ​ຕໍ່​ນ້ຳ 

                                                                                                 ສີດ​ພົ່ນ 2-3 ເທື່ອ​ຕໍ່​ເດືອນ

ຖົ່ວ​ຕ່າງໆ                           ຊ່ວງ​ຕົ້ນ​ນ້ອຍ ​ແລະ ກ່ອນ​ອອກດອກ                     ປະສົມ​ນ້ຳ 1: 500 ສ່ວນ

                                                                                                 (4-5 ບ່ວງ​ແກງ​ຕໍ່​ນ້ຳ 20 ລິດ)

                                                                                                ສີດ​ພົ່ນ 1-2 _ເທື່ອຕໍ່​ເດືອນ