ຂີ້ກະເດືອນເປັນສັດຊະນິດໜື່ງທີ່ມີຄວາມສຳຄັນຕໍ່ການລ້ຽງສັດແມ່ນໃຊ້ເປັນອາຫານໃຫ້ແກ່ສັດລ້ຽງເຮັດໃຫ້ສັດລ້ຽງມີການຈະເລີນເຕີບໂຕດີເຊັ່ນ:
ກົບ,
ປາ, ສັດປີກ ແລະ ໝູ ເພາະຂີ້ກະເດືອນມີທາດຊີ້ນສູງຫຼາຍກວ່າ 70ເປີເຊັນ ຂອງນ້ຳໜັກແຫ້ງ ແລະ ຍັງມີທາດອາຫານອື່ນໆ ທີ່ມີຄຸນຄ່າທາງດ້ານໂພຊະນາການ ທີ່ຈຳເປັນຕໍ່ ກັບສັດລ້ຽງເຮັດໃຫ້ການຈະເລີນເຕີບໂຕຂອງສັດລ້ຽງໃຫຍ່ໄວ, ແຂງແຮງບໍ່ມັກເປັນພະຍາດ ແລະ
ສາມາດຂະຫຍາຍພັນໄດ້ຕະຫຼອດປີ.
ທາງດ້ານກະສິກໍາຂີ້ກະເດືອນສາມາດ ຊ່ວຍປັບປຸງດິນ ເຮັດໃຫ້ດິນມີຄວາມອຸດົມສົມບູນ, ເຮັດໃຫ້ດິນຜຸຜຸ່ຍ ແລະ ດູດນ້ຳໄດ້ດີ, ຂີ້ຂວຍ (ສິ່ງທີ່ຂີ້ກະເດືອນຍ່ອຍແລ້ວ) ນຳໄປໃສ່ສວນຜັກ ແລະ ຕົ້ນໄມ້ຕ່າງໆ ເຊິ່ງມັນຈະເຮັດໃຫ້ພືດຜັກ
ຫຼື ຕົ້ນໄມ້ຈະເລີນເຕີບໂຕດີ ແລະ ເຮັດໃຫ້ດິນອຸດົມສົມບູນຂື້ນ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ