ພືດສາດມີຄວາມໝາຍຄື:
ພືດສາດ(Botany) ເປັນສາຂາວິຊາໜຶ່ງຂອງຊີວະວິທະຍາ, ເຊິ່ງສຶກສາກ່ຽວກັບພືດສາດໃນດ້ານໂຄງສ້າງ, ສ່ວນປະກອບ ແລະ ໜ້າທີ່ຂອງ ເຊວ, ຮາກ,ລຳຕົ້ນ, ໃບ, ດອກ ແລະ ໝາກ( ລວມທັງໃນແກ່ນ )ຕະລອດເຖິງຂະບວນການຕ່າງໆເພື່ອການດຳລົງຊີບຂອງພືດເປັນຕົ້ນແມ່ນການຫາຍໃຈ, ການສັງເຄາະແສງ, ການລຳລຽງນ້ຳ ແຮ່ທາດ ອາຫານ, ການຈະເລີນເຕີບໂຕລວມທັງການສຳພັນລະຫວ່າງພືດກັບສິ່ງແວດລ້ອມ.
ພືດສາດມີຄວາມສຳຄັນຄື:
ມະນຸດມີຄວາມສຳພັນກັບພືດຕະຫຼອດເວລາທັງທາງກົງ
ແລະ ທາງອ້ອມ, ມະນຸດອາໃສພືດເປັນພື້ນຖານໃນການດຳລົງຊີວິດບໍ່ວ່າຈະເປັນທາງດ້ານທີ່ຢູ່ອາໃສ, ເຄື່ອງນຸ່ງຮົ່ມ, ອາຫານ ແລະ ຢາປົວພະຍາດ
ພືດເປັນສ່ວນໜື່ງຂອງສິ່ງແວດລ້ອມດ
ພືດຊ່ວຍລົດບັນຫາມົນລະພິດທາງອາກາດ ແລະ ນ້ຳ, ເຮັດໃຫ້ການໝູນວຽນຂອງທາດອາຫານເພີ່ມ ແລະ ອຸດົມສົມບູນຂື້ນ, ຮັກສາຄວາມຊຸ່ມຊື່ນຕະຫຼອດຮອດປ້ອງກັນນ້ຳຖ້ວມ, ການພັງທະລາຍຂອງດິນອີກດ້ວຍ
ພືດມີລັກສະນະທີ່ສຳຄັນດັ່ງນີ້:
ການຈະເລີນເຕີບໂຕ ແລະ
ການສືບພັນ: ພືດມີການຈະເລີນເຕີບໂຕຈາກໂຄງສ້າງຂະໜາດນ້ອຍ, ເນື້ອເຍື່ອທີ່ຈະເລີນເຕີບໂຕເຕັມທີ່ຈະກາຍມາເປັນເນື້ອເຍື່ອຖາວອນ
ແລະ ອະໄວຍະວະມີການສຶບພັນແບບອາໃສເພດ ແລະ ບໍ່ອາໃສເພດເຊັ່ນກັນ
ມີການຕອບສະໜອງເຊັ່ນ:
ພືດຈະອຽງໄປຫາແສງທຸກຄັ້ງທີ່ມີແສງໂດຍຍອດຂອງພືດຈະເປັນຕົວຂະຫຍາຍອອກໄປຫາແສງ, ມີການຖ່າຍເທອາກາດ, ການໜີແສງຂອງຮາກ ແລະ ການຫຸບຂອງໃບຫຍ້າຍຸບ
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ