ກັນຊາ 5 ສາຍພັນໜ້າປຸກ ໃຫ້ຄ່າ CBD ສູງ ປະໂຫຍດຫຼາກຫຼາຍ ຜົນຕອບແທນດີງາມ
ນາທີນີ້ຄົງບໍ່ມີພືດຊະນິດໃດມາແຮງໄປກວ່າ ກັນຊາ ເພາະຫຼັງຈາກທີ່ກະຊວງສາທາລະນະສຸກໄດ້ອອກປະກາດ, ກະຊວງກະສິກຳໄດ້ທຳການສຶກສາ ແລະ ປົດລັອກໃຫ້ສາມາດປຸກ ເພື່ອໃຊ້ປະໂຫຍດທາງການແພດ ແລະ ເສດຖະກິດໄດ້ ໂດຍຢູ່ພາຍໃຕ້ກອບທີ່ກົດຫມາຍກຳນົດ ກໍ່ເຮັດໃຫ້ພືດຊະນິດນີ້ມີຄ່າດັ່ງຄຳ ກາຍເປັນໂອກາດທາງທຸລະກິດສຳລັບໃຜຫຼາຍຄົນ
ການຈະປຸກກັນຊາເພື່ອສ້າງເງີນນັ້ນ ການເລືອກສາຍພັນທີ່ເໝາະສົມກັບພື້ນທີ່ປຸກ
ແລະ ກົງກັບຄວາມຕ້ອງການຂອງຕະລາດເປັນເລື່ອງທີ່ສຳຄັນ ຊຶ່ງທົ່ວໂລກມີສາຍພັນກັນຊາຢູ່ເປັນຈຳນວນຫລາຍ
ແລະ ມີການພັດທະນາຢ່າງຕໍ່ເນື່ອງ ເພື່ອໃຫ້ໄດ້ສາຍພັນທີ່ຕອບສະຫນອງຄວາມຕ້ອງການຂອງຜູ້ບໍລິໂພກ
ກັນຊາເປັນພືດສະກຸນ Cannabis ຢູ່ໃນວົງ Cannabidaceae ພົບໄດ້ເລື້ອຍ
3 ສາຍພັນໃຫຍ່ ໄດ້ແກ່ ສາຍພັນຊາຕິວາ (Cannabis Sativa) ສາຍພັນອິນດິກາ (Cannabis Indica) ແລະ ສາຍພັນຣູເດີຣາລິດ
(Cannabis Ruderalis) ຊຶ່ງແຕ່ລະສາຍພັນມີຄວາມໂດດເດັ່ນ ແລະ ຕ້ອງການການຈະເລີນເຕີບໂຕທີ່ແຕກຕ່າງກັນ
ສາຍພັນກັນຊາທີ່ນິຍົມນຳມາໃຊ້ໃນທາງການແພດຕ້ອງເປັນສາຍພັນທີ່ມີສານ
CBD (Cannabinoid) ສູງ ເພາະເມື່ອນຳມາໃຊ້ຈະບໍ່ກໍ່ໃຫ້ເກີດຜົນຂ້າງຄຽງເມື່ອທຽບກັບສານ
THC (Tetrahydrocannabinol) ສຳລັບໃຜທີ່ສົນໃຈຢາກປຸກກັນຊາ ເຮົາໄດ້ລວບລວມສາຍພັນກັນຊາທີ່ເໝາະຈະນຳມາໃຊ້ໃນການແພດຫລາຍທີ່ສຸດທົ່ວໂລກ
5 ສາຍພັນ ດັ່ງນີ້
ຮາລະສຶ (Harle-Tsu) ສາຍພັນກັນຊາ Indica Dominant 60% ເກີດຈາກການປະສົມລະຫວ່າງພັນ Sour Tsunami ແລະ Harlequin ອອກມາເປັນສາຍພັນກັນຊາທີ່ປຽບເຫມືອນຢາແກ້ປວດ
ແລະໃຫ້ສານ CBD ສູງຫລາຍ ເມື່ອທຽບກັບສານ THC
ສັດສ່ວນຢູ່ທີ່ 22 : 1 ຖືກນຳມາໃຊ້ໃນການປິ່ນປົວພະຍາດຕ່າງໆ
ເຊັ່ນ ໄມເກຣນ ພາວະຊຶມເສົ້າ ການນອນບໍ່ຫຼັບ ການອັກເສບ ແລະ ພາວະປ່ວຍທາງຈິດຈາກເຫດການຮຸນແຮງ
(PTSD)
 |
| ຮາລະສຶ (Harle-Tsu) |
Cannatonic ແຄນນາໂທນິກ
ແຄນນາໂທນິກ (Cannatonic) ເປັນສາຍພັນ Indica ແລະ Sativa ຢ່າງລະ 50% ເກີດຈາກການປະສົມລະຫວ່າງພັນ Reina Madre ແລະ NYCD ເມື່ອສະກັດອອກມາຈະໄດ້ສານ CBD ປະມານ 6-17% ແລະ ສານ THC ປະມານ 6% ໂດຍກັນຊາສາຍພັນນີ້ສາມາດຈຳແນກປະລິມານສານ CBD ຕໍ່ສານ THC ໄດ້ 3 ຮູບແບບຄື 1.ມີອັດຕາສ່ວນຂອງສານ CBD ແລະ THC ເທົ່າກັນຢູ່ທີ່ 1
: 1 , 2.ມີອັດຕາສ່ວນຂອງສານ CBD ຫລາຍກວ່າ THC, 3.ມີອັດຕາສ່ວນຂອງສານ
THC ຫລາຍກວ່າ CBD
ສຳລັບສາຍພັນແຄນນາໂທນິກ ອັດຕາສ່ວນທີ່ໄດ້ຮັບການຍອມຮັບຫລາຍທີ່ສຸດຄື
1 : 1 ເຖິງແມ່ນວ່າສານ THC ຈະມີຜົນຂ້າງຄຽງຫລາຍ ແຕ່ກໍ່ມີພະຍາດບາງຊະນິດ ເຊັ່ນ ພະຍາດມະເຣັງຜິວໜັງ
ພະຍາດອໍທິດຕິກ ແລະ ອາການປາຍປອກປະສາດເສື່ອມ ທີ່ຕ້ອງໃຊ້ສານທັງສອງຊະນິດຄອບຄູ່ກັນໄປໃນການຮັກສາ
ດັ່ງນັ້ນກັນຊາສາຍພັນແຄນນາໂທນິກ ຈຶ່ງນິຍົມນຳໄປໃຊ້ໃນທາງການແພດ
 |
| ແຄນນາໂທນິກ (Cannatonic) |
OG Kush CBD ໂອຈີ ຄຸດ ຊີບີດີ
ໂອຈີ ຄຸດ ຊີບີດີ (OG Kush CBD) ເປັນສາຍພັນ Sativa Dominant 60% ເກີດຈາກການປະສົມລະຫວ່າງພັນ OG Kush ແລະ pureCBD ເປັນສາຍພັນກັນຊາທີ່ມີປະລິມານສານ
CBD ແລະ THC ເທົ່າກັນຄື 10% ຫລືໃນອັດຕາ 1 : 1 ຊຶ່ງຖືວ່າຢູ່ໃນລະດັບທີ່ສູງ ເຮັດໃຫ້ສາຍພັນນີ້ມີປະໂຫຍດຢ່າງຫລາຍ
ມັກຈະນຳໄປໃຊ້ປະໂຫຍດໃນການຊ່ວຍລຸດຄວາມວິຕົກກັງວົນ ຄວາມຕຶງຄຽດຂອງກລ້າມຊີ້ນ
ຄວາມເຈັບປວດ ແລະ ຄວາມຜິດປົກກະຕິຂອງການນອນ
 |
| ໂອຈີ ຄຸດ ຊີບີດີ (OG Kush CBD) |
Charlotte’s Web ຊາຣ໌ລັອດຕ໌ ເວັບ
ຊາຣ໌ລັອດຕ໌ ເວັບ (Charlotte’s Web) ກັນຊາທີ່ມີຊື່ສຽງທີ່ສຸດໃນໂລກ
ເປັນສາຍພັນທີ່ມີ Indica Dominant 60% ໃຫ້ສານ CBD ໃນປະລິມານທີ່ສູງ ໂດຍມີອັດຕາສ່ວນຂອງສານ
CBD ຕໍ່ສານ THC ຢູ່ທີ່ 27 : 1 ດ້ວຍປະລິມານສານ THC ທີ່ຕ່ຳຫລາຍ ຈຶ່ງມັກຈະນຳໄປໃຊ້ໃນຜະລິດຕະພັນເພື່ອສຸກຂະພາບ ຊ່ວຍບຳບັດອາການອ່ອນເພຍ
ເມື່ອຍລ້າ ໃນຮູບແບບຂອງນ້ຳມັນ CBD
(CBD oil) ເພາະສາຍພັນນີ້ບໍ່ເຮັດໃຫ້ເກີດການມຶນເມົາ
ແລະ ບໍ່ມີຜົນຕໍ່ສະຫມອງ
ໃນທາງການແພດສາຍພັນນີ້ຖືກນຳໄປໃຊ້ໃນການ
ຮັກສາອາການຊັກໃນເດັກ ຈົນໂດ່ງດັ່ງເປັນທີ່ຮູ້ຈັກ ແລະ ເປັນທີ່ມາຂອງຊື່ຈາກການຊ່ວຍເດັກຊາວ
Charlotte Figi ຊຶ່ງປ່ວຍເປັນໂລກລົມຊັກຊະນິດຮຸນແຮງ
(Dravet’s Syndrome)
 |
| ຊາຣ໌ລັອດຕ໌ ເວັບ (Charlotte’s Web) |
Ringo’s Gift ຣິງໂກ ກິຟຕ
ຣິງໂກ ກິຟຕ໌ (Ringo’s Gift) ເປັນສາຍພັນ Sativa Dominant 60% ຫລື ເປັນກັນຊາທີ່ມີຄວາມເປັນຊາຕິວາສູງກວ່າອິນດິກາ
ເປັນສາຍພັນທີ່ເກີດຈາກການປະສົມລະຫວ່າງ ACDC ແລະ Harle-Tsu
ຊຶ່ງທັງສອງພັນຂຶ້ນຊື່ວ່າໃຫ້ສານ CBD ຢູ່ໃນລະດັບສູງ ໂດຍຕັ້ງຊື່ຕາມ
Lawrence Ringo ນັກເຄື່ອນໄຫວດ້ານກັນຊາ
ແລະ ເປັນຜູ້ຊ່ຽວຊານກ່ຽວກັບ CBD
ຣິງໂກ ກິຟຕ໌ ມີອັດຕາສ່ວນລະຫວ່າງສານ CBD ແລະ THC ຢູ່ທີ່ 20 : 1 ມັກຈະນິຍົມໃຊ້ກັບກຸ່ມຄົົນທີ່ມີອາການທາງສະຫມອງ ໂລກລົມຊັກ ພະຍາດພາກິນສັນ
ອາການຊຶມເສົ້າ ວິຕົກກັງວົນ ພາວະປ່ວຍທາງຈິດຈາກເຫດການຮຸນແຮງ (PTSD) ແລະ ພະຍາດກ້າມຊີ້ນຫົດຈັງ
 |
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ