ຊະນິດພັນພືດຕະກຸນຖົ່ວ ແລະ ຫຍ້າ ທີ່ເໝາະສົມດີ

ພືດອາຫານສັດບາງສາຍພັນທີ່ເໝາະສົມກັບສະພາບເງື່ອນໄຂສະເພາະໃດນຶ່ງເຊັ່ນ: ຫຍ້າແກມບາ ແລະ ຫຍ້າຊິກນານແມ່ນມີຄວາມທົນທານຕໍ່ສະພາບດິນເປັນກົດ, ຄວາມ ແຫ້ງແລ້ງ ແລະ ຄວາມອຸດົມສົມບູນຕ່ຳຫຍ້າທັງສອງສາຍພັນນີ້ສາມາດນຳໃຊ້ແບບຕັດ ໃຫ້ກິນໄດ້, ແຕ່ຫຍ້າຊິກນານຈະເໝາະສົມກັບການປ່ອຍສັດເຂົ້າກິນຫຼາຍ. ສ່ວນຫຍ້າ ‘ປັດ
ສະປາລອມ’ ກໍສາມາດເກີດໄດ້ດີໃນດິນເປັນກົດ ແລະ ໃນລະດັບຂອງຄວາມສົມບູນຕ່ຳແຕ່ ຕ້ອງແມ່ນເຂດທີ່ມີຄວາມຊຸ່ມຊື່ນເທົ່ານັ້ນຫຍ້າ ‘ເຊຕາເຣຍ’ ສາມາດເກີດໄດ້ດີໃນເຂດທີ່ມີ ອາກາດເຢັນແຕ່ຕ້ອງການດິນທີ່ມີຄວາມຊຸ່ມຊື່ນ ແລະ ຄວາມສົມບູນສູງ. ຂໍ້ຄວນລະວັງຢ່າງ ນຶ່ງຄືບໍ່ຄວນນຳໃຊ້ຫຍ້າຕະກຸນບຼາກີເຣຍ  ຈຳນວນຫຼາຍເປັນອາຫານແບ້,  ແກະ  ແລະ  ງົວນ້ອຍ, ສ່ວນຫຍ້າເຊຕາເຣຍ ແມ່ນບໍ່ຄວນໃຫ້ມ້າກິນ.

ແຄຝຣັງ ແລະ ກະຖິນແດງເປັນຕົ້ນໄມ້ພືດອາຫານສັດຕະກຸນຖົ່ວທີ່ສາມາດ ຕອບສະໜອງອາຫານທາງດ້ານທາດຊີ້ນ (ໂປຼຕີນ) ທີ່ມີຄຸນະພາບເພື່ອເສີມໃສ່ອາຫານທີ່ມີພຽງຫຍ້າເປັນອາຫານຫັ່ກ ແຄ.ຝຣັງສາມາດຂະຫຍາຍພັນໄດ້ໂດຍການນຳໃຊ້​ລຳ​ຕົ້ນ ແລະ ເໝາະສົມກັບການປູກເປັນຮົ້ວຊີວະພາບ,ເກີດໃນເຂດທີ່ດິນເປັນກົດລະດັບກາງແຕ່ຕ້ອງເປັນເຂດຕຳ່. ຖ້າຫາກມີການທີ່ດີຕົ້ນແຄຝຣັ່ງ ສາມາດໃຫ້ຜົນຜະລິດໃບດີໃນໄລຍະລະດູແລ້ງ. ສ່ວນ ຕົ້ນກະຖິນແດງສາມາດ ເກີດໄດ້ດີໃນເຂດທີ່ມີດິນເປັນກົດ ແລະ ພາບອາກາດເຢັນ,ການຈະເລີນເຕີບໂຕໃນໄລຍະທຳອິດ ແມ່ນຊ້າ ແລະ ຕ້ອງ ໄດ້ປູກດ້ວຍແກ່ນເທົ່ານັ້ນ. ຖ້າມີການຈັດການທີ່ດີ ມັນຈະໃຫ້ຜົນຜະລິ ສ່ວນລຳຕົ້ນແມ່ນສາມາດນຳໃຊ້ເປັນຟືນໄດ້. ສ່ວນການນຳໃຊ້ເປັນອາຫານສັດນັ້ນ ໃນເບື້ອງຕົ້ນສັດຈະບໍ່ມັກກິນຕົ້ນແຄຝຣັ່ງ, ແຕ່ສັດຈະຄ່ອຍກິນໄປ ເທື່ອລະໜ້ອຍຈົນລຶ້ງ. ສ່ວນໃບ ‘ຕົ້ນກະ​ຖິນ​ແດງ ສັດຈະມັກກິນແຕ່ເວລາຕັດມາໃໝ່ໆ ຫຼື ຍັງສົດຢູ່ເທົ່ານັ້ນ.