ວິ​ໃສ​ທັດ​ຊາດແຕ່​ນີ້​ຮອດ​ປີ 2030 [National Vision 2030]

ໂດຍອີງໃສ່ສະພາບແວດລ້ອມສາກົນ, ຈຸດພິເສດ, ສະພາວະຄວາມເປັນຈິງ ແລະ ທິດທາງຍຸດທະສາດຂອງການພັດທະ ນາປະເທດ, ໄດ້ກໍານົດ ວິ ໄສທັດຂອງການພັດທະນາປະ ເທດຮອດປີ 2030 ໄວ້ດັ່ງ ນີ້:

ຮອດປີ 2030, ສປປ ລາວ ສ້າງໄດ້ບາດ ລ້ຽວໃໝ່ໃນການພັດທະນາໃຫ້ກາຍເປັນປະເທດກຳ ລັງພັດທະນາທີ່ມີ ລາຍ ຮັບປານກາງສູງຕາມທິດ ເສດຖະກິດ-ສັງຄົມ ພູມປັນຍາ, ສີຂຽວ ແລະ ຍືນຍົງ,14 ລາຍໄດ້ແຫ່ງຊາດສະເລ່ຍຕໍ່ຫົວຄົນເພີ່ມຂຶ້ນຫຼາຍກວ່າ 4 ເທົ່າທຽບໃສ່ປີ 2015, ມີ ອຸດສາຫະກຳ​ທີ່ເປັນເສົາຄຳ ແລະ ມີໂຄງລ່າງພື້ນຖານເສດຖະກິດ ທີ່ ເຂັ້ມແຂງ ສຳ​ລັບການຫັນ ເປັນອຸດສາຫະກຳ ແລະ ທັນສະໄໝ, ເສດຖະກິດຕະຫຼາດຕາມທິດສັງຄົມນິຍົມ ໄດ້ຮັບການຈັດຕັ້ງປະຕິບັດຢ່າງເປັນລະບົບຫຼາຍຂຶ້ນ; ສັງຄົມມີ ຄວາມສະຫງົບສຸກ, ສາມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ, ປະຊາຊົນບັນດາ ເຜົ່າຮັ່ງມີຜາສຸກ, ມີຄວາມສາມັກຄີເປັນປຶກແຜ່ນ, ຄວາມແຕກໂຕນກັນດ້ານການພັດ ທະນາລະຫວ່າງຕົວເມືອງ ແລະ ຊົນນະບົດ, ຊັ້ນຄົນຕ່າງໆໃນສັງຄົມຫຍັບໃກ້ເຂົ້າຫາກັນ, ຊັບພະຍາກອນມະນຸດໄດ້ຮັບການພັດທະນາມີຄຸນນະພາບດີຂຶ້ນ, ປະຊາຊົນສາມາດເຂົ້າເຖິງການບໍລິການສັງຄົມທີ່ມີຄຸນນະພາບຢ່າງທົ່ວເຖິງ, ສິດທິ ຂອງພົນລະເມືອງ ມີການຮັບປະກັນດ້ວຍການຄຸ້ມຄອງລັດຕາມກົດໝາຍທີ່ສັກສິດ, ລະບອບ ການປົກຄອງ ຕາມທິດ 3 ສ້າງມີຄວາມ ເຂັ້ມແຂງ; ສິ່ງແວດລ້ອມ ທຳ​ມະຊາດໄດ້ຮັບການປົກປັກຮັກສາແລະ ນຳ​ໃຊ້ຢ່າງມີປະສິດທິພາບ

ແລະ ຍືນຍົງ; ລະບົບການເມືອງການປົກຄອງມີສະຖຽນລະພາບ ແລະ ເຂັ້ມແຂງ; ເຊື່ອມໂຍງ ແລະ ເຊື່ອມຈອດຢ່າງ ກວ້າງຂວາງ ແລະ ເລິກເຊິ່ງກັບພາກພື້ນ ແລະ ສາກົນ.