ການ​ຄິດ​ໄລ່ ວິ​ທີ​ການ​ໃຫ້​ນ້ຳ ໄມ້​ໃຫ້​ຫມາກ

(1) ການ​ຫາ​ນ້ຳ​ໃຊ້​ຂອງ​ໄມ້​ໃຫ້​ຫມາກ

ການ​ຄຳ​ນວນ​ປະ​ລິ​ມານ​ການ​ໃຊ້​ນ້ຳ​ຂອງ​ໄມ້​ໃຫ້​ຫມາກ​ຫາ​ໄດ້​ຈາກ

ສູດ ET = Kp x Ep x ຊົງ​ຝຸ່ມ  = …………ລິດ/ວັນ

            ປະ​ສິດ​ທິ​ພາບ​ໃນ​ໃຫ້​ນ້ຳ

ຮູ້​ວ່າ :

ET = ຄ່າ​ການ​ໃຫ້​ນ້ຳ​ຂອງ​ໄມ້​ໃຫ້​ຫມາກ

Kp = ສຳ​ປະ​ສິດ​ການ​ໃຊ້​ນ້ຳ​ຂອງ​ພືດ​ສ່ວນ​ຕ່າງໆ

Ep = ຄ່າ​ການ​ລະ​ເຫີຍ​ທີ່​ໄດ້​ຈາກ ການ​ວັດ​ແທກ​ການ​ລະ​ເຫີຍ (ມມ​/ວັນ)

ຊົງ​ຟຸ່ມ = ພື້ນ​ທີ່​ຂອງ​ຊົງ​ຟຸ່ມ (ມ²)

 (ກຳ​ນົດ​ປະ​ສິດ​ທິ​ພາບ ການ​ໃຫ້​ນ້ຳ 85%)

(2) ອົງ​ປະ​ກອບ​ທີ່​ມີ​ຜົນ​ຕໍ່​ການ​ໃຊ້​ນ້ຳ​ຂອງ​ໄມ້​ໃຫ້​ຫມາກ

ປະ​ລິ​ມານ​ການ​ໃຫ້​ນ້ຳ​ຂອງ​ໄມ້​ໃຫ້​ຫມາກ​ຈະ​ຫລາຍ​ຫລື​ນ້ອຍ ຂື້ນ​ຢູ່​ກັບ​ອົງ​ປະ​ກອບ​ທີ່​ສຳຄັນ 4 ຢ່າງ​ຄື :

·         ສະ​ພາບ​ພູມ​ອາ​ກາດ​ຮອບໆ ຕົ້ນ​ພືດ ຊື່ງ​ໄດ້​ແກ່​ອຸນ​ຫະ​ພູມ​ຄວາມຊື້ນ ແລະ ຄວາມ​ໄວ​ລົມ

·         ຊະ​ນິດ ແລະ ອາ​ຍຸ​ຂອງ​ໄມ້​ໃຫ້​ຫມາກ ພືດ​ແຕ່​ລະ​ຊະ​ນິດ​ມີ​ຄວາມ​ຕ້ອງ​ການ​ນ້ຳ​ທີ່​ແຕກ​ຕ່າງ​ກັນ ພືດ​ສະ​ນິດ​ດຽວ​ກັນ ການ​ໃຊ້​ນ້ຳ​ຈະ​ເພີ່ມ​ຂື້ນ​ເລື່ອຍໆ ແຕ່​ເລີ່ມ​ປູກ​ຈົນ​ຫລາຍ​ສຸດ​ເມື່ອ​ໃຫຍ່​ເຕັມ​ທີ່ ຈາກນັ້ນ​ຄ່ອຍໆ ລົດ​ລົງ

·         ດິນ ເຊິ່ງ​ໄດ້​ແກ່​ເນື້ອດິນ ປະ​ລິ​ມານ​ຄວາມ​ຊື້ນ​ໃນ​ດິນ ຄວາມ​ສາ​ມາດ​ໃນ​ການ​ອູ້ມ​ນ້ຳ

·         ອົງ​ປະ​ກອບ​ອື່ນໆ​ເຊັ່ນ ວິ​ທີ​ການ​ໃຫ້​ນ້ຳ​ແກ່​ພືດ ແລະ ຄວາມ​ເລິກ​ທີ່​ໃຊ້​ແຕ່​ລະ​ຄັ້ງ