ຫອຍປາກກວ້າງ: 

ຫອຍປາກກວ້າງ ຫຼື ຫອຍກິນເຂົ້າ (Golden Apple Snail  GAS), ຊະນິດ Pomacea canaliculata  ແມ່ນຫອຍນໍ້າຈືດທີ່ອາໄສຢູ່ໃນເຂດຮ້ອນ ແລະ ເຂດຮ້ອນຕໍ່ກັບ ເຂດອົບອຸ່ນ, ມີຕົ້ນກໍາເນີດຢູ່ທະວີບອາເມລິກາໃຕ້, ອາເມລິກາກາງ ແລະ ຕອນໃຕ້ຂອງປະເທດສະຫະ ລັດອາເມລິກາ, ມາຈາກທົ່ງພຽງຂອງປະເທດປາຣາໄກວ ແລະ ແມ່ນໍ້າປາຣານາ ທີ່ໄຫຼຜ່ານປາຣາໄກວ, ເບຼຊິນ ແລະ ໂບລີເວຍ, ແພ່ກະຈາຍໄປສູ່ປະເທດອາເຈນຕີນາ . ຫອຍປາກກວ້າງ ເປັນ ຫອຍຕ່າງຖິ່ນຮຸກຮານຊະນິດໜຶ່ງ ເຊິ່ງນອນຢູ່ໃນບັນຊີລາຍຊື່ຂອງ "100 ຊະນິດສາຍພັນຕ່າງຖິ່ນທີ່ ຮຸກຮານຮ້າຍແຮງທີ່ສຸດຂອງໂລກ".  ນອກນັ້ນ, ຫອຍ ປາກກວ້າງຍັງໄດ້ກາຍເປັນສັດຕູພືດຊະນິດໜຶ່ງທີ່ທໍາລາຍຕົ້ນເຂົ້າຢູ່ໃນທະວີບອາຊີ . ໃນປັດຈຸບັນນີ້, ມັນໄດ້ກາຍເປັນສັດຕູພືດຊະນິດໜຶ່ງທີ່ແຜ່ລະບາດຢູ່ໃນລະບົບນເິວດວິທະຍາໃນນາ ເຂົ້າຂອງປະຊາຊົນລາວ ໂດຍສະເພາະແມ່ນທົ່ງນາໃນເຂດທົ່ງພຽງວຽງຈັນ

ອານາຈັກ Kingdom)	Animalia
ສາຂາ   (Phylum)	Mollusca
ເຫຼົ່າ   (Class)	Gastropoda
ເຫຼົ່າຍ່ອຍ (Subclass)	Prosobranchia
ເຜົ່າ     (Order)	Mesogastropoda
ຕະກຸນໃຫຍ່  (Supperfamily)	Ampullarioidae
ຕະກຸນ     (Family)	Ampullariidae
ສະກຸນ     (Genus)	Pomacea
ຊະນິດ   (Species)	Pomacea canaliculata
ຊື່ວິທະຍາສາດ (Scientific name)	Pomacea canaliculata ( Lamarck,  1822)
ຊື່ສາມັນ (Common name)	Golden apple snail (Palis, Macatula, & Browning, 1997) Channeled apple snail (Neck & Schultz, 1992) Golden kuhol (Ponce de Leon & Carpo, 1994)
ຊື່ທ້ອງຖິ່ນ       (Local name)	ຫອຍປາກກວ້າງ (ລາວ) ຫອຍໂຂ່ງເຫຼືອງ, ຫອຍເຊີຣີ (ໄທ)