ການຕິດຕາ

ວິທີການຕິດຕາ:

ການຕິດຕາ ເປັນວິທີການຂະຫຍາຍພັນທີ່ປະຫຍັດກິ່ງພັນດີ ໄດ້ໄດ້ຮັບຜົນສູງກວ່າການຂະຫຍາຍພັນແບບອື່ນ ເພາະແທນທີ່ຈະໄຊ້ກິ່ງພັນດີຫລາຍຕາ ຄືກັບການຕໍ່ກິ່ງ  ກົງກັນຂ້າມເຮົາຈະໃຊ້ພຽງຕາດຽວ ເຊິ່ງຈະຢູ່ສ່ວນທີ່ເປັນແຜ່ນຂອງເປືອກໄມ້ ເຊິ່ງອາດມີເນື້ອໄມ້ ຫລື ບໍ່ມີເນື້ອໄມ້ກໍ່ໄດ້ ຂະບວນການປະສານເນື້ອເຍື່ອ ທີ່ເກີດຂື້ນຈາກການຕິດຕາ ມີລັກສະນະເຊັ່ນດຽວກັບການຕໍ່ກິ່ງທຸກປະການ

ເຄື່ອງມືແລະວັດສະດຸທີ່ໃຊ້ໃນການຕິດຕາ

1.   ກິ່ງພັນດີ ທີ່ມີຕາທີ່ສົມບູນແຂງແຮງ (ວິທີສັງເກດອ່ານຂໍ້ສັງເກດ)

2.   ຕົ້ນຕໍ

3.   ມີດຂະຫຍາຍພັນ ຫລື ມີດ ຄັດເຕີ

4.   ມີດຕັດແຕ່ງກິ່ງງ່າ

5.   ເຖັບຄຽນ (ໃສຫລື ລາຍດອກກໍ່ໄດ້)

ຂັ້ນຕອນການປະຕິບັດ

- ຕັດແຕ່ງຕົ້ນພັນດີ ເລືອກຈຸດທີ່ເຫມາະສົມ (ສຳລັບ ຕົ້ນຕໍທີ່ເປັນຕົ້ນກ້າ ບໍ່ວ່າຈະຢູ່ໃນຖົງດຳ ຫລື ໃນກະໂຖ ຫລື ຢູ່ຕາມທຳມາຊາດ ແມ່ນໃຫ້ເລືອກຈຸດປາກບາດຫ່າງຈາກຫນ້າດິນ 15-20 ຊມ ເພື່ອກັນນ້ຳຟົ້ງເຂົ້າ

- ປາດປາກບາດ ໃຫ້ມີຄວາມຍາວ 3-5 ຊມ ຕາມຮູບແບບການຕິດ ແບບຕ່າງໆ

- ປາດເສືອນ ເອົາຕາພັນດີ ຈາກ ສ່ວນທີ່ກຽມໄວ້ ໃຫ້ໄດ້ຕາມ ຮູບລັກສະນະ ຫລັງຈາກນັ້ນ ກໍ່ໃຫ້ນຳມາ ປະກົບກັບຕົ້ນຕໍ ທີ່ປາດກຽມໄວ້

- ໃຊ້ຜ້າເທັບຄຽນປິດ ເພື່ອບໍ່ໃຫ້ນ້ຳເຂົ້າ ອັນເນື່ອງມາຈາກ ຫລີກລຽງການເນົ່າຂອງຕາໃນເວລາຫາກຖືກນ້ຳ

ຂັ້ນຕອນການສັງເກດກ່ຽວກັບການຕິດຕາທີ່ໄດ້ຜົນດີ ມີດັ່ງນີ້:

1.   ຕາຕ້ອງຢູ່ໃນສະພາບພ້ອມຈະເລີນເຕີບໂຕ ແລະ ຢູ່ໃນໄລຍະພັກຕົວ ຄື ຊ່ວງລະດູຫນາວ ແລະ ສັງເກດເບິ່ງວ່າຈາມີຈຸດທີ່ເປັນຕຸ່ມນູນໆອອກມາຄ້າຍກັບຕາທີ່ກຳລັງຈະແຕກອອກໃຫມ່

2.   ຕົ້ນຕໍຕ້ອງບໍ່ຢູ່ໃນຊ່ວງໄລຍະພັກຕົວ ເປັນຊ່ວງທີ່ມີການຈະເລີນເຕີບໂຕ ເນື້ອເຍື່ອຈະເລີນກຳລັງແບ່ງຕົວຢ່າງວ່ອງໄວ ສັງເກດຈາກການໃຊ້ມີດປາດເປືອກ ຈະມີນ້ຳຢາງໄຫລອອກມາ

3.   ຮອຍປາດແຜ່ນຕາຕ້ອງລຽບ ແຜ່ນຕາບໍ່ຊ້ຳແລະ ສີກຂາດ

4.   ການພັນຜ້າເທັບຄວນພັນໃຫ້ແຫນ້ນ ບໍ່ໃຫ້ນ້ຳເຂົ້າໄດ້ ເພາະຖ້ານ້ຳເຂົ້າໄປໃນປາກບາດ ທີ່ຕິດຕາ ຈະເຮັດໃຫ້ຕາຂອງພືດເນົ່າຕາຍໄດ້

5.   ຕາທີ່ນຳໄປຕິດນັ້ນ ຈະຕ້ອງໃຫ້ເນື້ອເຍື່ອສຳຜັດກັບຕົ້ນຕໍຫລາຍທີ່ສຸດ ແລະ ບໍ່ໃຫ້ແດດສ່ອງໃສ່ຕະຫລອດເວລາ ເພາະ ຈະເຮັດໃຫ້ຕາແຫ່ວແຫ້ງຕາຍໄດ້

6.   ມີດແລະມື ຈະຕ້ອງປາສະຈາກເຊື້ອໂລກ ຫາກເຊືອໂລກເຂົ້າໄປໃນປາກບາດ ຈະເຮັດໃຫ້ບາດເນົ່າເປັນຮອຍ ແລະຕາຍໃນທີ່ສຸດ

ຮູບແບບການຕິຕາ

1. ການຕິດຕາແບບຮູບຕົວທີ່ (T Budding or Shield Budding)
2. ການຕິດຕາແບບເພລດ (Plate Budding)
3. ການຕິດຕາແບບແພັດ (Patch Budding)
4. ການຕິດຕາແບບຊິບ (Chip Budding)
5. ,,,,,,,,