​ຂີ້​ໝີ້ນ

ການ​ຈຳ​ແນກ​ຊັ້ນ​ທາງວິ​ທະ​ຍາ​ສາດ
​ອາ​ນາ​ຈັກ	Plantae
​ຫມວດ	Magnoliophyta
​ຊັ້ນ:	Liliopsida
​ຊັ້ນ​ຍ່ອຍ:	Zingiberidae
​ອັນ​ດັບ:	Zingiberales
​ວົງ	Zingiberaceae
​ສະ​ກຸນ:	Curcuma
​ສະ​ປີ​ຊີ:	C. longa
​ຊື່​ນາມ
Curcuma longa Linnaeus

ສັບ​ພະ​ຄຸນ​ທາງ​ຢາ

ເຫງົ້າຂີ້ໝິ້ນມີນໍ້າມັນຫອມລະເຫີຍທີ່ກະຕຸ້ນການຫຼັ່ງເມືອກອອກມາເຄືອບກະເພາະອາຫານຫຼຸດການອັກເສບບັນເທົາອາການ ເຈັບທ້ອງ, ແກ້ທ້ອງອືດ, ຈຸກແໜ້ນ, ຂັບລົມ ແລະ ຊ່ວຍໃຫ້ຈະເລີນອາຫານ, ມີລິດໃນການຂ້າເຊື້ອພະຍາດ, ເຊື້ອຣາ, ຫຼຸດການອັກເສບ ແລະ ມີລິດໃນການຂັບນໍ້າບີ, ນໍ້າຫອມລະເຫີຍໃນຂີ້ໝິ້ນມີສັບພະຄຸນບັນເທົາອາການເຈັບປວດຕ່າງໆໃນທ້ອງ, ແກ້ແພ້, ແກ້ອັກເສບ, ແກ້ບາດແຜ, ແລະ ຕຸ່ມຝີ ແລະ ແມງໄມ້ກັດຕອດພາຍນອກ ໂດຍໃຊ້ເຫງົ້າຍາວປະມານ 2 ເຊັນ ຕີແມັດ ຜົນກັບນໍ້າຕົ້ມສຸກທາບໍລິເວນທີ່ເປັນມື້ລະ 3 ຄັ້ງ ຫຼື ໃຊ້ຜົງຂີ້ໝິ້ນໂຮຍທາບໍລິເວນທີ່ມີອາການ, ຜູ້ທີ່ເປັນຝື່ນຄັນຈາກແມງໄມ້ກັດຕອດ, ທ້ອງອືດ, ຈຸກສຽດ, ແໜ້ນ ຫຼື ອາຫານບໍ່ຍ່ອຍໃຊ້ເຫງົ້າຂີ້ໝິ້ນບໍ່ຕ້ອງປອກເປືອກຊອຍເປັນຕ່ອນບາງໆຕາດແດດແຮງໆປະມານ 1-2 ມື້ ບົດໃຫ້ລະອຽດປະສົມກັບນໍ້າເຜິ້ງປັ້ນເປັນເມັດຂະໜາດປາຍນິ້ວກ້ອຍຮັບປະທານຄັ້ງລະ 2-3 ເມັດ ມື້ລະ 3-4 ຄັ້ງ ຫຼັງອາຫານ ແລະ ກ່ອນນອນ ຖ້າມີອາການຖອກທ້ອງໃຫ້ຢຸດຢາທັນທີ.

ສັບ​ພະ​ຄຸນ​ທາງ​ການ​ບຳ​ລຸງ

   ນອກຈາກ ໂລກທີ່ກ່ຽວຂ້ອງ ກັບທ້ອງແລ້ວຂີ້ໝິ້ນຍັງມີສັບພະຄຸນໃນການບຳລຸງຮ່າງກາຍ ແລະ ຊ່ວຍບຳລຸງຕັບຮັກສາລະບົບທາງເດີນຫາຍໃຈທີ່ຜິດປົກກະຕິ, ຫືດ, ໄອວິນວຽນຫົວ, ຮັກສາອາການປວດ ແລະ ອັກເສບເນື່ອງຈາກໄຂຂໍ້ອັກເສບອີກດ້ວຍ ເພາະຂີ້ໝິ້ນມີ ລິດຊ່ວຍຫຼຸດການອັກເສບຫຼຸດປະ ຕິກິລິຍາພູມແພ້ເພີ່ມພູມຄຸ້ມກັນແກ່ຮ່າງກາຍມີລິດຂ້າເຊື້ອພະຍາດທີ່ເຮັດໃຫ້ເກີດຜີໜອງ, ຊ່ວຍຂັບນໍ້າບີ, ຍ່ອຍອາຫານ ແລະ ປ້ອງກັນບໍ່ໃຫ້ເປັນໜິ້ວໃນຖົງນໍ້າບີໃນເດັກ ນ້ອຍທີ່ຖືກຍຸງກັດ ຫຼື ເປັນບາດແຜ ໃຫ້ໃຊ້ຂີ້ໝິ້ນທາຮັກສາຈະໄດ້ຜົນດີທີ່ສຸດ ອີກຢ່າງຂອງຖ້າແມ່ຍິງຄົນໃດຢາກງາມ ແລະ ມີຜິວພັນທີ່ສົດໃສພຽງໃຊ້ຂີ້ໝິ້ນປະສົມໝາກຂາມປຽກຂັດຜິວອາທິດລະ 1 – 2 ຄັ້ງຮັບຮອງຜິວທ່ານຈະສວຍງາມ ແລະ ອ່ອນນຸ່ມທັນຕາເຫັນ.

1. Calories 354

2. % Daily Value*
   Total Fat 10 g	15%
   Saturated fat 3.1 g	15%
   Polyunsaturated fat 2.2 g
   Monounsaturated fat 1.7 g
   Cholesterol 0 mg	0%
   Sodium 38 mg	1%
   Potassium 2,525 mg	72%
   Total Carbohydrate 65 g	21%
   Dietary fiber 21 g	84%
   Sugar 3.2 g
   Protein 8 g	16%

   Vitamin A	0%	Vitamin C	43%
   Calcium	18%	Iron	230%
   Vitamin D	0%	Vitamin B-6	90%
   Vitamin B-12	0%	Magnesium	48%