ບອນເປັນພືດທີ່ມີຖິ່ນກຳເນີດຢູ່ໃນເຂດຮາບພຽງຂອງປະເທດໃນແຖບອາຊີ ສ່ວນຕ່າງໆຂອງຕົ້ນບອນສາມາດນຳມາໃຊ້ປະໂຫຍດໄດ້ທັງໝົດໃບອ່ອນ ແລະ ກ້ານອ່ອນສາມາດນຳມາໃຊ້ປຸງແຕ່ງອາຫານປະເພດຕົ້ມ ຫຼື ຈະນຳມາໜຶ້ງກິນກັບແຈ່ວ ແຕ່ທີ່ສຳຄັນຄືຕ້ອງເຮັດໃຫ້ສຸກ ໂດຍການຕົ້ມ, ໜຶ້ງ ຫຼື ເຜົາໄຟສາກ່ອນ ຈິ່ງຈະສາມາດຮັບປະທານຢ່າງປອດໄຟ ແລະບໍ່ຄັນດ້ານການຮັກສາໂລກ ກໍມີສັບພະຄຸນຫຼວງຫຼາຍ ທັງຊ່ວຍໃນການແກ້ໄຂ້, ແກ້ເຈັບຄໍເປັນຢາລະບາຍ, ຂັບປັດສະວະ, ເພີ່ມນ້ຳນົມແກ່ແມ່ອອກລູກໃໝ່ ຫຼື ຊ່ວຍຫຼຸດຄວາມດັນເລືອດ ອີກທັງຍັງສາມາດນຳມາໃຊ້ເປັນໄມ້ປະດັບເພື່ອຕົກແຕ່ງສະຖານທີ່ໃຫ້ເບິ່ງສວຍງາມໄດ້ດ້ວຍ.
ສັບພະຄຸນທາງຢາ ແລະວີທິ ການນຳໃຊ້:
- ແກ້ອາການເຈັບຄໍ ແລະສຽງແຫບ
- ແກ້ຖອກທ້ອງ ໃຫ້ນຳຮາກມາຕົ້ມກັບນ້ຳດື່ມຮັບປະທານ
- ຮັກສາບາດແຜທົ່ວໄປ ແລະ ບາດແຜຈາກງູກັດ ນຳລຳຕົ້ນມາບົດແລ້ວພອກຮັກສາບໍລິເວນທີ່ເປັນບາດແຜ
- ແກ້ພິດຄັນຄາກນຳກ້ານທີ່ມີໃບມາຕັດຫົວ ແລະໃບອອກນຳໄປລົນໄຟແລ້ວບິດເອົານ້ຳມາຢອດໃສ່ບໍລິເວນທີ່ເປັນຕຸ່ມຄັນ
- ໃຊ້ຫ້າມເລືອດນຳກ້ານມາ ຄັ້ນ ເອົານ້ຳແລ້ວໃຊ້ເປັນຢານວດ ຫຼື ທາບ່ອນທີ່ມີເລືອດອອກ ຫຼື ຊ້ຳຂຽວນັ້ນໄດ້.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ