ເນື້ອທີ່ ​ແລະ ຜົນ​ຜະລິດ​ຜັກ​ໃນ​ເຂດ​ນະຄອນຫຼວງ​ວຽງ​ຈັນ

    ເນື້ອ​ທີ່​ປູກ​ຜັກ​ທົ່ວນະຄອນຫຼວງວຽງຈັນ ໃນປີ 2012 ມີທັງໝົດ 10,330 ຮຕ, ໃນນັ້ນມີຜັກກິນໃບ 6,880 ຮຕ, ຜັກກິນຫົວ 400 ຮຕ ແລະ ຜັກກິນໝາກ 3,050 ຮຕ. ຜົນຜະລິດລວມທັງ​ໝົດ 112,520 ໂຕນ ​ໃນ​ນັ້ນ ຜົນ​ຜະລິດຜັກ​ກິນ​ໃບ 75,292 ​ໂຕນ, ຜົນ​ຜະລິດ​ຜັກ​ກິນ​ຫົວ 3,100 ​ໂຕ​ນ ​ແລະ ຜັກ​ກິນ​ໜາ​ກ 34,130 ໂຕນ.

    ລະດູ​ແລ້ງສົກ​ປີ 2011-2012 ມີ​ເນື້ອ​ທີ່ປູກພືດ​ຜັກ​ 4,166 ຮຕ, ຜົນຜະລິດລວມ​ໄດ້ 29,789 ໂຕນ ​ແລະ ເມືອງ ທີ່ປູກພືດຜັກລະດູແລ້ງຫຼາຍ ​ແລະ ​ພົ້ນ​ເດັ່ນແມ່ນ ເມືອງຫາດຊາຍຟອງ ​ເຊັ່ນ: ບ້ານ​ຫາດ​ກັນຊາ, ບ້ານດອນ, ບ້ານ​ປາຝາ​ງ, ບ້ານ​ສະຫວ່າງ, ຫາດ​ດອກ​ແກ້ວ, ບ້ານ​ຫ້ອມ, ບ້ານຊາຍ​ຟອງ, ບ້ານ​ສິມ​ມະ​ໂນ ​ແລະ ບ້ານ​ໂຄກ​ຊາຍ ​ໄດ້ຜົນ​ຜະລິດ​​ໄດ້ທັງ​ໝົດ 12,490 ໂຕນ, ເມືອງໄຊທານີ ​ເຊັ່ນ: ບ້ານປາກ​ຊາບ​ເກົ່າ, ບ້ານປາກ​ຊາບ​ໃໝ່ ​ແລະ ບ້ານ​​ໂນນ​ແຕ້ ​ໄດ້ຜົນ​ຜະລິດ​ທັງ​ໝົດ 12,237 ໂຕນ ​ແລະ ​ເມືອງ​ສີ​​ໂຄດ​ຕະບອງ ​ເຊັ່ນ: ບ້ານໜອງ​ດາ, ບ້ານ​ໃໝ່ ​ແລະ ດອນ​ຊິງ​ຊູ້ ​ໄດ້ຜົນ​ຜະລິດ​ທັງ​ໝົດ 10,300 ​ໂຕນ. ສຳລັບການປູກຜັກລະດູຝົນ​ແມ່ນ​​ມີ​ເນື້ອ​ທີ່​ພຽງ 2,797 ຮຕ ຫຼື​ປະມານ 50% ຂອງ​​ເນື້ອ​ທີ່ລະດູ​ແລ້ງ ​ແລະ ໄດ້ຜົນຜະລິດລວມລວມທົ່ວ​ນະຄອນ​ຫຼວງ​ວຽງ​ຈັນ 21,025 ໂຕນ, ເມືອງທີ່ຜະລິດຜັກລະດູຝົນໄດ້ຫຼາຍ ​ແລະ ພົ້ນ​ເດັ່ນແມ່ນ ເມືອງ ຫາດຊາຍຟອງ​ໄດ້ 6,975 ໂຕນ ແລະ ເມືອງໄຊທານີ ​ໄດ້ 6,548 ໂຕນ.