ຫມາກເງາະ
ເປັນຫມາກໄມ້ທີ່ມີຂາຍຢູ່ທົ່ວໄປ
ແລະ ເປັນຫມາກໄມ້ລົດຊາດຫວານ ອົມສົ້ມ ແລະ ສາມາດແກ້ອາການເຈັບທ້ອງໄດ້
ແຕ່ຖ້າຫາກກິນຫລາຍອາດເຮັດໃຫ້ເປັນໂທດໄດ້ຄືກັນ,
ຫມາກເງາະເປັນພືດທີ່ມັກອາກາດຮ້ອນຊຸ່ມ ແລະ
ຈະເລີນເຕີບໂຕໄດ້ດີໃນບໍລິເວນທີ່ມີຄວາມຊຸ່ມສູງເລັກນ້ອຍ;
ຫມາກເງາະ ເປັນພືດຍືນຕົ້ນຂະຫນາດກາງຫາໃຫຍ່,
ສ່ວນອຸນຫະພູມຢູ່ໃນລະຫວ່າງ 25-30 ອົງສາເຊ,
ດິນທີ່ປູກຄວນມີຄວາມເປັນກົດ-ດ່າງປະມານ 5,5-6,5 ແລະ
ທີ່ສຳຄັນຄວນເລືອກພື້ນທີ່ໆມີນ້ຳພຽງພໍຕະຫລອດປີ. ນອກຈາກນັ້ນ
ການປູກຫມາກເງາະນີ້ ເຮົາສາມາດປູກຄືກັບການປູກຫມາກໄມ້ຊະນິດອື່ນໆ
ໂດຍສະເພາະແມ່ນການໄຖພວນດິນ ແລະ ປັບສະພາບດິນໃຫ້ລຽບພຽງ ຈາກນັ້ນ
ກໍ່ສາມາດຂຸດຮ່ອງລະບາຍນ້ຳໃນຫນານ
ເພື່ອປ້ອງກັນບໍ່ໃຫ້ມີນ້ຳຂັງໃນເວລາປູກ, ສ່ວນການເລືອກແນວພັນກໍ່ຖືວ່າສຳຄັນເຊັ່ນກັນ
ເພາະການປູກພືດທຸກຊະນິດຈະຕ້ອງແນວພັນທີ່ດີຈິ່ງຈະໄດ້ຜົນຕອບແທນສູງ
ແລະ ຫມາກເງາະ ກໍ່ເປັນພືດທີ່ສາມາດຂະຫຍາຍພັນໄດ້ດ້ວຍການເພາະແກ່ນ,
ການຕອນ, ການຕໍ່ກິ່ງ ແລະ ການຕິດຕາທີ່ມີຄວາມສົມບູນ, ແຂງແຮງ ແລະ
ມີລະບົບຮາກທີ່ສົມບູນ ຮາກບໍ່ຂົດ ຫລື ງໍ.
ໄລຍະໃນການປູກ
ຄວນກະຕວງໃຫ້ຂະຫນາດຂອງຄວາມຫ່າງລະຫວ່າງຕົ້ນປະມານ
8-10 ແມັດ, ລະຫວ່າງແຖວປະມານ 8-10 ແມັດຄືກັນ ຫລັງຈາກນັ້ນ
ກໍ່ສາມາດກຽມຂຸດຂຸມປູກຂະຫນາດກວ້າງ, ເລິກ ແລະ ຍາວປະມານ 50x50x50 ຊັງຕີແມັດ
ແຕ່ຖ້າດິນມີຄວາມອຸດົມສົມບູນຕ່ຳ ຄວນຂຸດຂະ ຫນາດ 1x1x1 ແມັດ
ປະສົມດິນປູກດ້ວຍຫີນຟໍສະເຟດ ປະມານ 2 ກະປ໋ອງນ້ຳນົມ ແລະ
ຝຸ່ນຄອກແຫ້ງປະມານ 1 ກະບຸງ ຖົມລົງໃນຂຸມ
ໂດຍໃຫ້ລະດັບດິນສູງກວ່າລະດັບເກົ່າປະມານ 20-25 ຊັງຕີແມັດ
ຫລັງຈາກທີ່ກຽມດິນໄດ້ແລ້ວ ກໍ່ວາງແນວພັນລົງກາງຂຸມຈາກນັ້ນກໍ່ປົກດ້ວຍດິນໃຫ້ສູງກວ່າລະດັບເກົ່າບໍ່ໃຫ້ເກີນ 2,5 ຊັງຕີແມັດ ແລະ ບໍ່ໃຫ້ສູງຮອດຮອຍຕໍ່ ແລ້ວຈິ່ງມັດຕົ້ນຕິດກັບໄມ້ຫລັກເພື່ອປ້ອງກັນຕົ້ນລົ້ມ.
ຫລັງຈາກທີ່ກຽມດິນໄດ້ແລ້ວ ກໍ່ວາງແນວພັນລົງກາງຂຸມຈາກນັ້ນກໍ່ປົກດ້ວຍດິນໃຫ້ສູງກວ່າລະດັບເກົ່າບໍ່ໃຫ້ເກີນ 2,5 ຊັງຕີແມັດ ແລະ ບໍ່ໃຫ້ສູງຮອດຮອຍຕໍ່ ແລ້ວຈິ່ງມັດຕົ້ນຕິດກັບໄມ້ຫລັກເພື່ອປ້ອງກັນຕົ້ນລົ້ມ.
ການຫົດນ້ຳ
ທຸກຄັ້ງທີ່ປູກພືດທຸກຊະນິດຕ້ອງຫົດນ້ຳທັນທີ ແລະ ການຫົດນ້ຳນັ້ນແມ່ນຫົດຢ່າງສະຫມ່ຳສະເຫມີຈົນກວ່າວ່າຕົ້ນພືດຈະສາມາດຕັ້ງຕົວໄດ້, ຈາກນັ້ນຄວນຫົດນ້ຳປະມານ 7-10 ວັນຕໍ່ຄັ້ງ, ແຕ່ຖ້າຮອດລະດູແລ້ງຄວນຫາວັດສະດຸມາປົກບໍລິເວນອ້ອມຕົ້ນເພື່ອຮັກສາຄວາມຊຸ່ມໃນດິນໃນໄລຍະໃຫ້ຫມາກ, ພໍເມື່ອໃກ້ຈະອອກດອກຄວນຫົດນ້ຳໃນປະລິມານທີ່ນ້ອຍລົງ ເພື່ອປ້ອງກັນການແຕກໃບອ່ອນ, ແຕ່ຖ້າມີໃບອ່ອນແຊມ, ຊໍ່ດອກຫລາຍ ຄວນຢຸດການໃຫ້ນ້ຳໃນໄລຍະຫນຶ່ງ ຈົນກວ່າວ່າໃບອ່ອນທີ່ແຊມມາຈະຫລົ່ນຫມົດ ຈິ່ງເລີ່ມໃຫ້ນ້ຳໃຫມ່ ເພື່ອໃຫ້ຕາດອກຈະເລີນເຕີບໂຕຕໍ່ໄປ ແລະ ຕ້ອງໃຫ້ນ້ຳ 1 ໃນ 3 ຂອງການໃຫ້ນ້ຳຕາມປົກກະຕິ ແລ້ວຈິ່ງເພີ່ມປະລິມານຂຶ້ນເລື້ອຍໆ, ເມື່ອດອກເລີ່ມບານ ແລະ ຕິດຫມາກ ເຊິ່ງເປັນໄລຍະຂອງການຈະເລີນເຕີບໂຕຂອງຫມາກ ຄວນໃຫ້ນ້ຳຢ່າງສະຫມ່ຳສະເຫມີ ເພາະຖ້າໄດ້ຮັບນ້ຳບໍ່ພຽງພໍຫມາກຈະນ້ອຍ ແລະ ລີບ, ພ້ອມທັງ ມີເປືອກຫນາ ແລະ ໄລຍະທີ່ໃກ້ຈະເກັບກ່ຽວ ຖ້າບໍ່ມີຝົນຕ້ອງເບິ່ງແຍງການໃຫ້ນ້ຳຢ່າງສະຫມ່ຳສະເຫມີ ຫມາກເງາະຂາດນ້ຳແລ້ວເກີດມີຝົນຕົກລົງມາ ຈະເຮັດໃຫ້ຫມາກແຕກ ແລະ ເສຍຫາຍໄດ້.
ການໃສ່ຝຸ່ນ
ແມ່ນຄວນໃສ່ໃນໄລຍະທີ່
ບໍ່ທັນເປັນຫມາກເຊັ່ນໃສ່ເມື່ອຕົ້ນເງາະໄດ້ 1-2 ປີ
ຈະໃສ່ປຸ໋ຍສູດບຳລຸງຕົ້ນ ປະມານ1ກິໂລກຣາມຕໍ່ຕົ້ນຕໍ່ປີ ໂດຍແບ່ງໃສ່ 2
ຄັ້ງໃນໄລຍະຕົ້ນ ແລະ ປາຍລະດູຝົນ,
ຫລັງຈາກທີ່ເງາະເລີ່ມອອກດອກໃຫ້ໃສ່2-3ກິໂລກຣາມຕໍ່ຕົ້ນ ແລະ
ໄລຍະຕິດຫມາກໃຫ້ໃສ່ 1-2 ກິໂລກຣາມຕໍ່ຕົ້ນໃສ່ກ່ອນເກັບກ່ຽວ1ເດືອນ,
ຫລັງເກັບກ່ຽວແລ້ວ ເປັນຂັ້ນຕອນໃນການຕັດແຕ່ງກິ່ງ
ໂດຍໃສ່ສູດບຳລຸງຕົ້ນ ແລະ ໃສ່ຕົ້ນລະ 2-3 ກິໂລກຣາມ
ໃສ່ປຸ໋ຍເປັນຂຸມອ້ອມຮອບບໍລິເວນເງົາພຸ່ມ ເພື່ອປ້ອງກັນນ້ຳຝົນຊະ.
No comments:
Post a Comment
ສະແດງຄວາມຄິດເຫັນ ຫລື ຄຳຂອບໃຈ ເພື່ອເປັນກຳລັງໃຈໃຫ້ຄົນຂຽນ